容記小菜王

營業中

休息中

之前每次行去大角咀或者喺太子搵嘢食嘅時候都會路過呢間容記小菜王，見到好多人食，又寫住有米芝蓮，一路都想試下。今次時間許可就過黎試下啦。🐖揚名國際燒肉 (細) $98黎到見到menu先知原來呢到係燒肉攞獎嘅，咁可以攞獎嘅燒肉就梗係要試一試啦。侍應拎碟野埋嚟嘅時候就已經聞到燒肉香味撲鼻，燒肉配甜醬同芥末。燒肉放入口入面，脂肪同肉嘅比例啱啱好，燒肉好軟熟，炸嘅皮鹹鹹香香，燒肉算係香港數一數二好食，價錢雖然唔平，但真係一分錢一分貨。🦑容記第一嘴 $88容記第一嘴其實就係椒鹽炸墨魚嘴，有一種避風塘嘅感覺。炸皮唔會太厚，墨魚味亦保留到，如果你鍾意食椒鹽魷魚鬚，呢個餸你會好鍾意，墨魚嘴比魷魚會更彈牙更爽滑。🦐海皇撈粉絲 $88硬係覺得要叫個煲仔先可以食到白飯，所以就揀左呢個海皇撈粉絲。入面有粉絲、切成絲嘅菜、蝦仁、帶子同埋魚，都算足料嘅。味道唔錯，幾啱送飯。除左呢啲之外，我地每人仲食左一碗白飯，最後頂住個大肚腩咁走。