本原純素

營業中

休息中

餐廳：本原純素地點：中環威靈頓街菜式：素食餐牌：平日12-5有午餐，主食6選1，加$38可升級套餐。擔擔炒意粉 $118擔擔炒意粉都好大兜，係炒得煙韌有口感嘅扁意粉加有辣辣哋嘅醬汁，好惹味。配料有新肉絲，洋蔥，爽脆西蘭花莖粒，好多脆口花生，面頭有少少菜苗。特別在新肉絲口感真係好似肉絲。扁意粉份量夠多，算係多配料，不過菜量唔多。落單比錢之後有個鐘比你，鐘響之後自己去攞野食，食完自己收餐具，呢個價錢都唔平wor。

早排同朋友去本原純素聚餐，素店嘅餐牌久唔久會轉，今次我哋叫咗偏向泰式風味嘅菜式。泰式小食拼盤 ($188/ 大 5款各3件)沙嗲雞、魚餅、雞腿、蝦片、春卷啱多人一齊食，中間嘅醬汁味道酸辣，放有花生碎。魚餅主要係大豆纖維整成嘅素肉，味道有少少辣。春卷香脆，主要包住蘿蔔絲。紅咖哩雜錦蔬菜天貝 配蒟蒻麵 ($138)西蘭花苗、粟米荀、泰國圓茄、天貝、豆腐、椰菜苗、甘筍咖哩汁偏甜，唔係好辣，蒟蒻麵爽口。芫茜醬忌廉牛油果扁意粉 (走五辛) ($138)雜菌、催芽合桃芫茜醬好好食，香草味濃。表面放有切碎嘅生芫茜，增添芫茜香味。擔擔炒意粉 (走五辛) ($128)新肉絲、西蘭花苗粒、花生質感比較杰身，似花生醬撈意粉。斑蘭椰漿米布甸蛋糕 ($78)有驚喜嘅蛋糕。表面嘅cream有椰汁嘅香味，中間有一層用椰漿整成嘅米布甸，配上斑蘭味純素蛋糕，好有泰式風味。

我好少食素，因為我覺得多數都唔好食😂同埋身邊太多朋友都係食肉獸🤣🤣但係我要介紹呢間素食嘅餐廳比大家🤗因為我覺得食素竟然都可以咁好食🤤仲好有驚喜😌魚香茄子貝果 $98呢個配搭幾有創意😎Bagel 🥯 煙煙韌韌帶點脆口，配料有茄子、新豬肉 、咸魚 、芝士 、海苔 、甜椒 同芝麻，食落真係好似食緊魚香茄子🍆好香口擔擔炒意粉 $118意粉軟硬度適中，每條都掛滿醬汁，醬汁辣辣地幾惹味，花生醬唔會過重👍🏻配料份量都多，真心唔錯！四重芝士薄餅（楓糖） $128四重芝士入面有哈瓦蒂芝士 、車打芝士、 莫扎里拉芝士 、煙燻芝士Pizza好香脆，就咁食咸香味已經好足，加埋楓糖食會帶點甜，兩種唔同嘅食法食落感覺都好唔同素蛋糕🍰 $48食落口感同普通蛋糕冇分別，但係感覺好健康香蕉核桃 $38香蕉味好濃郁，連埋酥脆核桃咬落去好有口感茉莉花茶 $68茉莉花味好香，口感柔和，味道甘甜柑桔檸檬梳打 $38味道酸酸甜甜幾解渴

今日好隨意咁樣就同朋友去咗中環威靈頓街一間新派食齋嘅餐廳“Root Vegan 本原"。估唔到又幾有驚喜喎。 頭盤我哋點咗一個“鹽酥蔬菜綜合拼盤“$78。 有秋葵，蓮藕，秀珍菇，同埋羽衣甘藍 。全部都炸到熱辣辣卜卜脆。尤其羽衣甘藍脆到好似薯片咁樣爽爽脆脆，口感十足。 另外秋葵都炸得好出色， 咸咸脆脆好易入口。 其實只要做得好嘅話蔬菜都可以好食。 主菜方面我哋就嗌咗一個 “擔擔炒意粉$118“係一個好大膽嘅中西合璧 ，炒意粉辣辣地但係一般人都接受到 ，個意粉好香入口有少少辣醬同花生醬味道，配搭意粉感覺幾新鮮。 飲品方便我哋就嗌咗 “蝶豆花綠茶“$28同埋“青檸梳打“$28。兩杯嘢飲都係比較淡口，但係非常之清新，而且價錢合理。 另外店舖亦都有好多手作麵包，奈何兩個都食量不大，希望下次會有機會一事究竟。餐廳嘅裝修行簡約風， 環境光猛坐得幾舒服幾啱傾偈吹水。