六公館

營業中

休息中

六公館係一間新派中菜餐廳，茶式傳統得黎又帶點新穎，另一個賣點就係個無敵大海景，夜景一樣令人如痴如醉 龍眼蜜燒西班牙黑豚叉燒半肥瘦既西班牙黑豚叉燒塗上大量既龍眼蜜，叉燒肉汁豐富又腍身，仲有d提子乾可以配埋一齊食，每一舊都滋味無窮雞骨草咖啡煙燻BB鴿侍應先將墊係BB鴿下面既雞骨草同咖啡豆點火，煙燻味頓時充斥住整個餐廳，BB鴿外脆內嫩，又香又好食青花椒乾燒虎蝦花椒味若隱若現，又香又麻又刺激，但略嫌虎蝦個漿粉有點厚鮮茨實濃雞湯浸菜苗鮮茨實平時真係好少食到，咬落係粉粉地帶甜，幾得意，濃雞湯帶點杰身，豆苗份量唔算多，仲有幾粒杞子點綴黑蒜焗羊鞍羊鞍煮至大概3-5成，肉質帶粉紅但一d血水都無，外面塗上一層甜甜地既醬汁再加上黑蒜，好惹味斑片肉鬆脆米魚湯泡飯魚湯魚味十足，入面有翠玉瓜、斑片、肉碎，米飯，再倒入脆米一齊食，口感一流，成個泡飯唔會話好咸，味道岩岩好再次光顧菜式依舊好食，環境一流，今次坐近窗邊更加可以欣賞夜景，每次黎六公館都無令我失望

5/6月係父母親大人既節日🧔‍♂️👱, 佢地對於中菜總係有情意結🪢 要慰勞咁辛苦既佢地, 精緻中菜+無敵海景既靚餐廳就最岩啦 係海港城LCX果邊行到盡頭落扶手電梯到地下, 已經比個entrance氣派震懾左窗邊係毫無遮擋既維港景, 唔落雨既話仲有戶外位幾chill🌃裡面黑得黎都有好多📐幾何圖形既modern燈飾最加分係因為影人樣唔夠光, 侍應被問幫忙影相果陣會自動拎個打光版過黎影, 超pro超貼心-食粵菜點可以唔食燒味, 呢度既叉燒非常出名, 用西班牙黑豚肉嫩腍多汁🇪🇸而龍眼蜜既honey glaze甜而不膩仲帶果香🍯, 配埋青紅提子乾食更香🍇 另一個招牌斑片肉鬆魚湯泡飯真係好surprise可以咁好食!奶白色既魚湯非常鮮味, 飲哂成碗都完全無味精既口渴🐟 斑片肉質挺身彈牙🐋, 肉鬆脆米泡飯有幾種唔同口感好有層次, 個感覺似係食緊高級版潮州方魚肉碎粥🍲仲有個原個南瓜盅好岩打卡🎃甜南瓜煮至兩種唔同口感: 有咬口既南瓜塊/綿滑南瓜蓉, 加埋好有質感既燴蛋白 - 有咬口得黎又唔老🥚, 係非常得意既菜式-餐牌非常多樣化, 保留粵菜既精華之餘又有d新意加落去, 甚至係1d fusion位, 好有心

終於去bookmark 咗好耐嘅餐廳食飯🥳 好開心！唔少朋友都推薦🐷龍眼蜜燒西班牙黑豚叉燒，確實係好好食😋 厚切半肥瘦叉燒脂肉均勻，肉質十分嫩滑軟腍，蜜味濃郁，仲有提子乾伴碟，為味蕾帶嚟甜蜜變奏 ❤️🎃原個日本南瓜燴蛋白係一道令人驚喜嘅菜式，南瓜肉非常香甜，口感軟滑，推介👍🏽🐑黑蒜焗羊鞍，羊味濃郁，配上黑蒜味道不錯，不過用黑色碟盛載，為羊架添上保護色，擺盤略為失色🍄黑虎掌京燒板豆腐，板豆腐軟硬適中，不會鬆散，配上野菌，調味香濃🐟斑片肉鬆脆米魚湯泡飯，魚湯味道鮮甜，可自行倒脆米入泡飯，整體口感及味道很好👍🏽🦪法國龍眼蜜煎金蠔可按人數加份量，不過味道較為一般，內外都冇香煎味道同口感餐廳位於海港城，坐擁無敵大海景，並採用落地大玻璃，用餐時可以飽覽維港景色，夜晚燈光偏暗，別有一番情調✨ 餐廳座位闊落，與鄰枱之間空間亦充足，適合家人好友共聚

環境、服務、食物質素、景觀都係好嘅👍🏻要靚景嘅話真係日頭同黃昏時間係睇得好啲，夜晚情調氣氛唔錯。鮮柚子雪場蟹腳，酸酸甜甜好清新好開胃。法國龍眼蜜煎金蠔，有三隻金蠔，甜甜地，個味道調控得好好，唔會太甜。八味金磚豆腐👍🏻👍🏻，豆腐夠晒滑，不過兩個人食都有啲太多。蘇薑蟹肉蒸斑球，超大舊斑球超多蟹肉👍🏻👍🏻，好味。斑片肉鬆脆米魚湯泡飯👍🏻👍🏻👍🏻，我超鍾意呢個魚湯，每人食咗兩碗都仲有淨。腐竹慕絲配山梅啫喱👍🏻👍🏻👍🏻最驚喜係個甜品，腐竹mousse 好濃豆味好正😍😍😍個raspberry 酸酸地，幫助一下消化真係perfect👍🏻PS. 嚟呢度要靠自己衡量一下食到幾多，唔駛問staff建議。🤣🤣我哋落單前有問過侍應其實兩個人叫呢度咁多嘢食會唔會太多，佢話其實可以，但係結果我哋食淨好多嘢。PPS. 建議大家先睇吓兩個Menu有咩飲先，因為如果一開始就開支水飲嘅話其實都唔使飲其他嘢。PPPS. 同朋友敘舊，兩個人傾下計唔錯，食物質素幾好，見到都幾多人係黎慶祝特別日子。佢呢度勝在有cocktail又有正餐有茶飲，你想chill d 飲下野都可以。不過日頭先有點心😂。

今晚係一年一度金像獎頒獎典禮，有幸朋友邀請，能夠成為其中一位觀眾。朋友邀請我睇金像獎頒獎典禮，我就邀請朋友到尖沙咀海港城的六公館食個早晚餐。六公館是一間摩登的中菜廳，座擁美麗的維港景色，可以看到每晚八點舉行的幻彩泳香江，如果撞正放煙花，更絕對一覽無遺。有如此美景，難怪阿Gill都在這裏進行她的結婚註冊儀式。六公館的座位有分為室外及室內，可以選擇環境好高雅好舒服的室內座位，也可以選擇唔多食肆擁有的室外座位。店舖餐點有好多款式選擇，前菜、湯類、鮑參翅肚、海鮮、肉類、明爐燒味、菜類、麵飯、甜點、酒類和非酒類等都一應俱全。首先我們先叫了每人一壺桂花烏龍茶，既可以一路飲茶享受這裏的美景，亦可以一邊諗下叫什麼食物。桂花烏龍有啖啖的桂花味，配上烏龍茶好清香。翡翠聖子皇這道翡翠聖子皇是一道涼菜，先將兩隻原隻爽彈鮮味的聖子皇起了肉，加上爽脆的萵筍絲，配上微微麻辣的特製醬汁，令這度菜吃到聖子鮮味之餘，亦令味道變得有層次。陳年花雕醉鴿廚師刀工細緻，令原隻醉鴿的造型栩栩如生。鴿肉爽滑入味，花雕純香，喝一口花雕，實在醒神。青花椒乾燒虎蝦師傅將兩隻虎蝦開邊配上微微麻辣的青椒乾燒而成，開邊後的虎蝦每邊都好大隻好厚肉

香港搵到睇維港景式既餐廳唔少，係依到仲可以飽覽270度維港海景 六公館一直都係一直想去既餐廳 收藏名單之一，裝修高貴有格調配合埋咁浪漫舒服既環境，除左可以同另一半黎，一家大細黎都係個唔錯既選擇。餐廳位於海港城碼頭個邊，但要用再前一條電梯落去先係餐廳位置。我個陣都搵唔到打左比餐廳問，佢會好耐心咁問你係邊再教你行👍🏻餐廳主打新派粵菜，用料精緻考究水牛奶龍蝦球$298入口滑溜溜的水牛奶包住龍蝦肉，加上蔥花調香，水牛奶流到喉嚨再慢慢散發出龍蝦的鮮味香煎中式澳洲和牛柳$328酸酸甜甜的醬汁配上和牛柳，好奢侈既享受，香濃既牛味微微煎香中間粉嫩，生熟程度岩岩好，有入口溶化既感覺，牛味濃郁突出龍井熏太爺雞$288想食好耐既四大名菜之一，特別嫩滑既生黃雞以鹵水醃製再加入龍井煙熏，當係你食雞肉既時候同時會食到陣陣茶香斑片肉鬆脆米魚湯泡飯$248斑片， 貨真價實 的 石斑 魚湯幼滑香濃，實在既太白色，飯粒吸盡湯既精華，建議脆米係食既時候先落，咁就可以保持口感

一直想試這間中菜館, 惟晚上只限二個時段, 分別為6:00-8:00PM及8:15PM, 今次遇上星期六不用上班, 終於可以一嘗這間高級中菜館。雖然餐廳位於尖沙咀海運中心, 但位於商場末端, 從尖沙咀地鐡站到餐廳也需要20分鐘路程, 下次一定要預留足夠時間。餐廳裝修華麗, 環境舒服, 不會太嘈吵, 食物選擇不會太多,  但味道也十分可口, 惟份量不會太大, 而且亦屬高檔餐廳, 所以價錢不會太便宜。但能夠與三五知己, 在這種環境下來一個談笑風生的晚餐, 是價得的。

講到慶祝節日，很多時都會推介身邊的朋友到這裡，到那裡。然而今天以後，它變成了首選。海港城的觀景台開放以後，多了不同的餐廳進駐，而它們的賣點就是”海景”。六公館享有地利，餐廳坐擁維港景緻，不論室內室外都是”風景位”。餐廳裝修同樣夠特色，時尚帶點古韻的設計，從而帶出餐廳的賣點：新舊融合的新派中國菜。杏汁花膠川貝菜膽燉白肺 $128結合花膠，川貝，豬肺的燉湯，用料十足。杏汁味道不過火，燉湯比平時飲的湯稠一點，但非常滋潤。龍井熏太爺雞 $288打開煲蓋再放入炒過的龍井茶葉薰香，沒想到龍井茶葉也有這個用法，而且帶出的效果有驚喜，其實感覺有點似紫菜碎，感覺香口。而雞則用上本地的新鮮雞，口感嫩滑，難怪這道招牌菜幾乎在每一枱都有。脆皮燒腩仔 $168雖然知道餐廳的蜜汁黑豚叉燒比較出名，但因為本身喜歡吃燒腩仔，所以最終還是選了它。精緻的脆皮燒腩仔貴精不貴多，它的脆皮絕對一試難忘。每一件燒腩仔都是”一口”的大小，這個比例入口就剛剛好。水牛奶龍蝦球 $298將龍蝦球混入水牛奶中一起炒，再將龍蝦還原呈現眼前。如果你有吃過賽螃蟹，其實口感近似，一樣是香滑口感，爽彈的龍蝦肉有牛奶香。斑片肉鬆脆米魚湯泡飯 $248

同屋企人食飯, 我通常會選擇中菜, 始終較適合, 今次選擇了位於尖沙咀海港城的六公館. 六公館係新派中國菜, 而且坐擁270度維港景色, 一邊食飯, 一邊欣賞風景. 我地選了幾款菜式, 牛肝菌拍薑海鹽蒸東星斑球, 秋葵芥末炒牛柳粒, 龍井熏太爺雞半隻和斑片肉鬆脆米魚湯泡飯. 牛肝菌拍薑海鹽蒸東星斑球. 賣相精緻. 東星斑球色澤雪白, 而且肉質夠厚身, 又夠彈牙, 口感真係特別唔同. 秋葵芥末炒牛柳粒. 這個可以說是中日合壁. 秋葵煮的時間剛好, 入口帶微微脆口, 又唔會太軟身, 芥末味可以再突出多一點就更好味. 牛柳粒肉質夠嫩滑, 唔會覺得乾身和硬. 龍井熏太爺雞半隻. 這個配搭平日較少食到, 所以點來試下. 茶葉會係客人面上灑上. 雞肉相當嫩滑, 控制時間剛剛好, 就咁食已經覺得不錯, 唯獨茶葉味道唔夠明顥. 一口氣食了多款肉類, 所以點了斑片肉鬆脆米魚湯泡飯. 魚湯夠鮮甜, 完全吸收晒所有食材的精華, 飲完完全不會覺得口渴, 又可以滋潤一下喉嚨. 泡飯較清新, 可以起中和作用, 飯中混入魚肉, 夠美味. 對着靚靚海景食飯, 心情也特別愉快.

今次係第二次蒞臨六公館，餐廳食物及服務依然保持水準，值得一讚！餐廳分室內及室外區域，室內裝修時尚型格，走到室外更可飽覽維多利亞港的景致，絕對是打卡位。今次跟男朋友點了四道菜，先點了脆皮燒腩仔，擺設有別於傳統中式餐廳，耳目一新。外皮脆卜卜，肉質軟腍，肥瘦比例平均。跟著點了樟菜鴨，茶味香濃，肉汁豐盈，有入口即化的軟綿口感。再encore了斑片肉鬆脆米魚湯泡飯，上次已對這道菜讚不絕口，今次的魚湯依然鮮甜，雖然只有一兩塊斑片，但米飯均滲有魚湯鮮味，配上脆米層次豐富。最後點了薑糖芥蘭，甜味配合芥蘭特別合襯，實屬驚喜之作。絕對值得推薦朋友到此餐廳！