更多
2023-06-26
78 瀏覽
早前有親戚介紹我去正潮樓,抱著不妨一試嘅態度,就係五月尾嘅一晚去試試佢地嘅潮州菜。餐廳環境都算新淨,唔係酒樓格局,而係比較接近茶餐廳格局 (冇枱布、枱同枱中間有少少逼、右手邊有卡位),但感覺上係都乾淨嘅。當晚食客比較多內地人,講普通話嘅比較多,不過全部伙計都識講廣東話。首先嗌咗個豬腳凍做前菜開開胃。我個人幾欣賞豬軟骨同埋豬皮係口感上嘅對比,但係略嫌豬腳凍嘅膠汁 (即凝結成固體嘅湯) 較為清淡,冇乜味 ,所以個結論就係可嗌可唔嗌。跟住落嚟就嗌咗個鵝三寶。「三寶」分別係鵝掌、鵝翼、同埋鵝肝,同時係三寶下面都有啲豆腐同埋花生。滷水最緊要嘅就當然係個滷水汁,我就覺得覺得佢地個滷水汁正正常常,相對上我認為另外一個潮州酒樓力寶軒嘅滷水汁就更加香同埋味道更加甘濃,但同時亦都好過滷八鵝店 (灣仔另外一間潮州菜老字號) 嘅滷水汁好多。個人唔係好好鵝掌,所以大部分都由同行友人食咗,佢地就話整得唔錯。鵝翼嘅肉都幾嫩滑、皮同肉都好入味,絕對值得一試。我第一次食潮州鵝肝,就覺得都幾好食,入口粉嫩、滷水味濃郁,個種「膶」、「肝」嘅味道頗突出,個人幾欣賞呢碟鵝肝,鵝肝必食 。豆腐、花生一般,個人認為力寶軒嘅滷水豆腐
首先嗌咗個豬腳凍做前菜開開胃。我個人幾欣賞豬軟骨同埋豬皮係口感上嘅對比,但係略嫌豬腳凍嘅膠汁 (即凝結成固體嘅湯) 較為清淡,冇乜味 ,所以個結論就係可嗌可唔嗌。
豬腳凍
6 瀏覽
0 讚好
0 留言
跟住落嚟就嗌咗個鵝三寶。「三寶」分別係鵝掌、鵝翼、同埋鵝肝,同時係三寶下面都有啲豆腐同埋花生。滷水最緊要嘅就當然係個滷水汁,我就覺得覺得佢地個滷水汁正正常常,相對上我認為另外一個潮州酒樓力寶軒嘅滷水汁就更加香同埋味道更加甘濃,但同時亦都好過滷八鵝店 (灣仔另外一間潮州菜老字號) 嘅滷水汁好多。個人唔係好好鵝掌,所以大部分都由同行友人食咗,佢地就話整得唔錯。鵝翼嘅肉都幾嫩滑、皮同肉都好入味,絕對值得一試。我第一次食潮州鵝肝,就覺得都幾好食,入口粉嫩、滷水味濃郁,個種「膶」、「肝」嘅味道頗突出,個人幾欣賞呢碟鵝肝,鵝肝必食 。豆腐、花生一般,個人認為力寶軒嘅滷水豆腐更為出色 。
鵝三寶
8 瀏覽
0 讚好
0 留言
除咗鵝三寶,仲有川椒雞頸肉。雞頸肉爽滑而且彈牙、夠肉地,川椒味道夠香同濃,但係唔夠麻,珍珠葉炸到輕盈薄脆嘅效果。整體味道夠惹味,餸飯唔錯,值得一試 。
川椒雞頸肉
3 瀏覽
0 讚好
0 留言
仲嗌咗個汕頭煎蠔烙。蠔烙落足料,每件都有好多隻蠔,蠔味極為突出,但係略嫌煎得唔係太熟,蠔烙嘅中間有少少呈糊狀 ,唔知道係未傳統應該係煮成咁嘅狀態,但係我自己同埋友人都覺得不太開胃,有待改進,唔推介。
汕頭煎蠔烙
9 瀏覽
0 讚好
0 留言
最後嗌咗個方魚炒芥蘭。芥蘭口感幾爽,煮得幾好,係方魚淡淡嘅鹹香味嘅映襯下,更加鮮味,值得一試 。
方魚炒芥蘭
3 瀏覽
0 讚好
0 留言
總括而言,正潮樓嘅潮州菜整體上味道都唔錯,就係汕頭煎蠔烙可以煎熟啲,同埋豬腳凍感覺上冇乜特別。食物價錢合理,唯獨係份量比較細,所以性價比一般。環境方面,坐得唔係太舒服,但係衛生情況可接受。如果咁啱係灣仔,而又想食潮州菜,正潮樓係一個OK嘅選擇。
張貼