影片
更多
2023-05-06
1181 瀏覽
🥰 谷友近日狂推 “榛” (Hashibami), 地點喺馬頭圍道, 好遠喎, 我梗係問下食家老友 “意大利長介” 有冇聽聞過, 佢冇答我, 就即刻擇日約戰! 餐廳遠離主戰場, 晚餐$1980+10%, 究竟壺蘆賣乜嘢?🥢 “榛” 屬住宅商場地舖, 落地玻璃對馬路, 用木系裝修遮蔽, 保持私隱度, 樓底夠高, 餐廳設兩張L型壽司吧枱, 望落係一張肥U型吧枱, 中間隔開咗, 一邊坐7人, 另一邊坐9人.😡 故事嘅開始又係 “長介” 遲大到, 我先到達餐廳, 服務員帶位後冇乜講嘢, 沒有期待嘅熱情, 雖然坐滿大半客人, 但係好靜. 壽司吧枱略高, 枱面放咗今日嘅菜單, 但係冇寫價錢, 有趣. 等咗足足一個鐘, “長介” 大駕光臨, 呢個時候服務員相對主動地招呼, 介紹今晚菜單, 問有乜唔食, 等等, 順便點埋清酒. 嚟到呢個時候, 我哋都唔知個餐幾錢.🥰 前菜北海道牡丹蝦毛蟹伴法國魚子醬北海道鮟鱇魚乾配自家製醬汁日式蒸三重縣赤鮑魚配鮑魚肝醬佐賀海苔配北海道馬糞海膽黑松露靜岡縣白燒鰻魚🍣 壽司季節貝類: 平貝和歌山縣鰺魚三重縣大蜆長崎縣中吞拿魚腩長崎縣大吞拿魚腩沖繩縣車海老長崎縣赤鯥魚瀨戶內
🥢 “榛” 屬住宅商場地舖, 落地玻璃對馬路, 用木系裝修遮蔽, 保持私隱度, 樓底夠高, 餐廳設兩張L型壽司吧枱, 望落係一張肥U型吧枱, 中間隔開咗, 一邊坐7人, 另一邊坐9人.
😡 故事嘅開始又係 “長介” 遲大到, 我先到達餐廳, 服務員帶位後冇乜講嘢, 沒有期待嘅熱情, 雖然坐滿大半客人, 但係好靜. 壽司吧枱略高, 枱面放咗今日嘅菜單, 但係冇寫價錢, 有趣. 等咗足足一個鐘, “長介” 大駕光臨, 呢個時候服務員相對主動地招呼, 介紹今晚菜單, 問有乜唔食, 等等, 順便點埋清酒. 嚟到呢個時候, 我哋都唔知個餐幾錢.
🥰 前菜
北海道牡丹蝦毛蟹伴法國魚子醬
北海道鮟鱇魚乾配自家製醬汁
日式蒸三重縣赤鮑魚配鮑魚肝醬
佐賀海苔配北海道馬糞海膽黑松露
靜岡縣白燒鰻魚
🍣 壽司
季節貝類: 平貝
和歌山縣鰺魚
三重縣大蜆
長崎縣中吞拿魚腩
長崎縣大吞拿魚腩
沖繩縣車海老
長崎縣赤鯥魚
瀨戶內海月子
香蔥長崎縣吞拿魚腩手卷
🍮 大分縣蘭王玉子燒
🥣 魚湯
🍨 甜品
🦀 北海道牡丹蝦毛蟹伴法國魚子醬. 極鮮味嘅組合拳揭開序幕, 賣相加分.
🥰 北海道鮟鱇魚肝配自家製醬汁. 口感軟滑, “長介” 話太甜, 我就覺得啱啱好, 一流!
🐚 日式蒸三重縣蒸鮑魚配鮑魚肝醬. 鮑魚夠腍, 配濃郁嘅肝醬更加係一絕, 撈飯食錦上添花!
🤗 佐賀海苔配北海道馬糞海膽黑松露. 鎮店菜式之一. 脆脆配鮮甜嘅海膽, 一體感出色.
🐟 靜岡縣白燒鰻魚. 魚皮超脆, 神級之作.
🍀 朧月蓮, 配蜜糖. 用嚟清下個口.
🐟 炸魚骨. 佐酒小食, 脆而不硬, 有料到.
🐚 平貝. 口感似帶子.
🍣 和歌山縣鰺魚, 即係池魚. 我鍾意蔥蓉味道.
🐚 三重縣大蜆. 新鮮, 爽口, 帶海水味.
🍣 長崎縣中吞拿魚腩. 充滿醬油味及鐵銹味.
🍣 長崎縣大吞拿魚腩. 肥美, 相對重醬油味, 精彩.
🦐 沖繩縣車海路. “長介” 對蝦嘅味道及溫度讚口不絕.
🍣 長崎縣赤鯥魚. 炙燒, 油脂迫晒出嚟, 但唔夠炭香喎.
🍣 瀨戶內海穴子. Ok嘅, 只係我食唔慣熱嘅壽司, 哈.
🤗 香蔥長期吞拿魚腩手卷. 一定好食, 略嫌唔夠蔥香.
🍮 大分縣蘭王玉子燒. 軟熟, 不俗.
🥣 魚湯. 魚味極濃, 又夠熱.
🍈 蜜瓜. 甜, 多汁, 唔錯.
🍨 薑味雪糕. 配薑味雪葩同埋薑味餅乾, 味道口感非常配合.
🤗 總結: 食物表現對版, 驚喜位有鮑魚, 燒鰻魚, 大拖羅等. 前菜環節主要由服務員介紹食物, 壽司環節師傅簡單講底魚料名稱, 略欠交流, 餐廳好靜囉. 大部份菜式都係後台製作, 前台只係見到摙壽司, 冇戲睇. “榛” 唔玩交流唔玩表演, 專注食材味道, 有緣再見.
張貼
