宏 (已結業)

都知道呢間餐廳最出名食嘅係抹茶或者一啲日本特色食物。今日同媽媽黎諗都唔洗諗，一於叫套餐，樣樣都食下😋因為menu選擇真係非常之多， 仲有另一本未影畀大家睇，睇完之後我哋都終於肯落單🙈抹茶沙冰夾軟雪糕呢個組合真係無敵，淡淡嘅抹茶味加上香甜軟滑既軟雪糕，令到抹茶味更加濃郁。而太妃朱古力可以再濃d就更好喇😋千祈唔好睇小佢哋份量，其實都真係好飽。。 佢哋個沙律夠曬fresh，淋上酸酸甜甜嘅沙律汁，更加開胃！大大條燒鯖魚外皮燒得香脆金黃，魚肉亦都唔會過鞋，調味適中。淋上新鮮嘅檸檬汁，令魚嘅味道更加突出❤️大鰻魚真係幾大條！ 而且佢哋個凍麵幾好食，煙煙韌韌 夠曬q彈。配上唔會好咸嘅味噌湯，清曬😋夠曬肥美嘅鰻魚，入口仲帶點溶溶哋嘅感覺，正❤️仲以為日式甜品會細細份，點之一嚟到好大份呀🙈🤣而且個窩夫夠曬鬆軟，邊邊位亦都夠香脆。加上充滿雲呢拿籽嘅香草雪糕 同埋燒過嘅焦糖香蕉，寧舍一流❤️呢個班戟比想像中可以再鬆軟啲🤫香甜既草莓醬同埋草莓再加多個細布丁，兩個人食其實真係好滿足呀😍😍

自從黃埔站通車後，沒多久就會來一次紅磡。這家餐廳位置較遠離地鐵站，不過離附近的黃埔花園很近，看來主要為附近街坊服務。餐廳裝潢簡單，燈光通明，座位寬敞，坐得舒服。⭐️純日本白燒鰻魚定食$210點了一份套餐，奉送紅茶、烏冬、新潟米飯、沙律和小蛋捲。白燒鰻魚只是一條又瘦又長的小鰻魚，附上各種醬料品嚐，有鰻魚醬汁、鹽、柚子醬油和芥末，希望客人可以品嚐最美味的鰻魚，可惜魚肉不算厚實，白燒的關係入口味道較淡，如果再肥美一點就完美了。⭐️錫蘭紅茶紅茶茶味香醇，濃而不澀，餘韻帶有甘甜。⭐️海藻烏冬海藻烏冬值得一試！湯底以木魚熬煮，嚐一口，入口清甜順喉。烏冬夾雜了海藻，口感富彈性，難怪有不少顧客點烏冬套餐呢！⭐️沙律沙律新鮮爽甜。⭐️小黑芝麻卷我點了芝麻味，口味比較新鮮，芝麻香氣迷人，口感綿軟，細細咀嚼，芝麻的香氣才緩緩散發出來。⭐️雜錦天婦羅飯套餐$170套餐同樣奉送紅茶、海藻烏冬、沙律和蛋卷。有炸天婦羅蝦、山葵和蔬菜。整體炸得乾淨利落，炸天婦羅蝦飽滿爽脆，山葵蔬菜爽甜。⭐️小抹茶卷抹茶蛋卷的抹茶味不算濃郁，海綿有彈性，抹茶忌廉軟滑，入口只是淺淺一抹，但總覺得缺少了什麼。⭐️京都宇治抹茶軟雪糕芭菲$88除了雪糕，還有

今日同朋友係黃埔海濱出面做完短跑特訓，訓練完當然要對自己好D補充動番失去左既蛋白質。想食D有質素既食物，宏hiroshi係我第一時間諗起的餐廳。餐廳係黃埔花園第九期九號水產入面 ，位置大概係碼頭同黃埔宣道小學中間。餐廳裝潢帶有無印簡樸風，舒適整潔。店長店員彬彬有禮，餐廳的特色食物和用材也介紹得清晰。於是就在他的介紹下，我和朋友叫了純日本白燒鰻魚定食及鱈魚飯套餐。純日本白燒鰻魚定食日本料理的鰻魚，通常都係用蒲燒製法最多。今次係我第一次食白燒（姐係燒時咩都唔落）的鰻魚。首先先講肉質，鰻魚燒到肉爽又而皮又彈牙，而鰻魚係我第一舊咩調味料都無落時已經feel到油膄肉香並重。當然，餐廳都有介紹幾種食法，除左有鹽，wasabi豉油，仲有柚子醬同蒲燒汁。係呢4款調味料入面我最喜愛就係最普通的鹽，因為通常最簡單的調味料，先能帶出食物最原始的味道。鱈魚飯套餐至於宏的鱈魚用的是白鱈魚cod fish。這裡的白鱈魚用燒汁燒過，予人結實口感，挺有咬口。而且還配有甘筍和西蘭花，肉和纖維也並重。除此之外，這兩個套餐還包括用木魚湯煮成的海藻麵，新潟米煮成的飯，藜麥沙律及宏最出名的小蛋卷。這些食材和用料，看得出老闆對食

相信宏這個餐廳名字，對一眾香港人並不陌生。早年藉著抹茶食品的大熱，因抹茶蛋卷和其他抹茶甜品而聲名大噪。餐廳沒有因此停滯不前，不斷推出新品，亦算奠定了在業界的地位。黃埔九號海產的開業，也吸引了宏的進駐。除了招牌日式甜點，當然不少得其他餐點，近期更主打鰻魚定食。我點了一份大鰻魚飯套餐(推廣價$180)，男朋友則選擇了白燒鰻魚定食(推廣價$210)。每個套餐也配有錫蘭紅茶及小蛋卷，挺划算。而我們所選的定食除了包含新潟米飯外，更有招牌之一的海澡烏冬。蒲燒鰻魚肉厚肥美，魚骨挑得十非乾淨，入口柔軟嫩滑。米飯沾滿蒲燒汁，非常入味。白燒鰻魚肉質較為結實，鰻魚皮燒得香脆。餐廳更採用日式傳統食法，為免蓋過鰻魚本身的味道，蒲燒汁分上，亦提供胡椒、鹽粒、日式豉油及wasabi、柚子醬油，讓食客自行選擇最喜愛的配搭。燒香的白鰻魚並不像一般鰻魚般肥美，卻充滿油香。個人尤愛白燒鰻魚沾上鹽粒這種簡單吃法，就像日式居酒屋中的串燒一樣，輕輕點綴出鰻魚的鮮味。海藻烏冬亦是宏的重點推介食品之一，烏冬上一點一點的黑色細粒，正正就是海藻，有豐富的纖維。烏冬細身軟滑，挺為掛湯，難怪奪得不少日本獎項。抹茶蛋卷吃得多，改為試一下黑芝麻

兩年前到過尖沙咀店食晚飯，知道「宏」有唔少甜品供應，但由於喺食晚餐關係，當晚所試嘅甜品唔多，今回同親友專登嚟到新開嘅黃埔店食下午茶，一試多款出色嘅甜點。餐廳環境無尖沙咀掛有西陣織或其他和風裝飾，只喺一邊牆身掛上日系風景畫繪，裝修簡約，有點日式大飯堂嘅感覺，天花嘅波燈照亮整間餐廳，予人光猛通明，整潔企理。我知佢哋嘅烏冬、拉麵、飯品都水準不俗，尤其其海藻烏冬，屬店家名物，上次都有試過，而甜品更喺另一亮點。以種類而言，有撈烏冬系列、熱湯烏冬系列、冷烏冬系列、咖喱系列、意大利粉系列、日式咖啡、熱菜、窩夫系列、班戟系列、芭菲系列、蛋糕及蛋卷系列、杏仁蛋白餅系列、曲奇系列，一時間真哋睇到眼花繚亂，樣樣都想試。抹茶窩夫配日本抹茶雪糕、栗子蓉、抹茶曲奇 $68其中一個表姨甥女喺窩夫粉絲，預咗佢會點窩夫，在乎揀咩味道。雖然佢話自己唔喺抹茶控，但呢一款配搭比較特別，就揀抹茶窩夫，一睇賣相就知真喺花過心思，下過苦工。寫明抹茶窩夫就堅加入抹茶粉去做，睇邊邊都望到，一切開窩夫心更清晰墨綠一片，伴上抹茶雪糕，再淋上吉士漿，多添一分香甜味；栗子蓉咪以為淨喺伴碟唧一堆就算，配上鮮忌廉，再灑上唂咕粉、抹茶粉及放啲粟米脆

黃埔自從開通左地鐵站之後，就多左好多特色餐廳。譬如九號水產，就係一個日本美食既集中地，可以俾想去日本但又冇錢／冇時間去既人黎呢度短暫體會下日本風情。近入口見到呢間主打鰻魚同甜品既餐廳，叫做宏，門口玻璃櫃既蛋卷好吸引，就入去試下佢！！餐廳設計開揚，座位都十分寬敞，可以坐好耐傾計都冇問題。牆上有d日本掛畫，營造東瀛風。餐廳主打日式鰻魚飯、海藻烏冬同埋甜品。純日本白燒鰻魚定食（＄210）侍應推介左呢款餐廳主打，白燒鰻魚，朋友同我都極喜愛鰻魚，當然要試試佢。呢款定食好精緻，一個盤入面已經包含左前菜、飯、鰻魚、烏冬、仲有6款調味醬/粉另上，睇到人眼花繚亂。朋友一開始見到咁多調味料真係唔知從何入手，好彩侍應好好服務咁黎教佢點食(幾十歲人都要人教佢食飯哈哈哈)純白燒鰻魚本身冇落咩調味，咁樣先食得出鰻魚原有既鮮味，魚肉幼嫩，食落唔腥反而有陣清香。每件鰻魚都可以配搭唔同醬料：日本芥末醬油、蒲燒汁、鹽同柚子醬油，一條魚食出幾款口味。沙律菜新鮮爽口，幾開胃。個餐好搞笑幾地方係，佢有飯又有烏冬，我平時好少會一次過食兩樣主食。不過個烏冬又真係幾彈牙，同埋見到一點點既海藻，絕對係健康之選。湯清清地，配埋昆布同蔥，