令和鍋物酒場

營業中

休息中

❤️ 超打卡able嘅日式居酒屋 📸令和居酒屋有2間店舖，今次我去咗尖沙嘴店 😊地方好大，座位都多，有卡位同梳化位，多人嘅話仲可以訂廂房添 😊 佈置又靚，充滿濃厚嘅日式風情 🤩🇯🇵可能店員知我鍾意打卡，所以安排咗個打卡位俾我坐 😁👍好正呀！成幅好可愛嘅卡通牆喺正我隔離，我冇理由唔影架嘛？😆🥗 霜降和牛洋蔥沙律真心推介🔥霜降和牛油花細密均勻，肉質嫰口多汁 😋偏向薄切，以及半生熟，夾埋新鮮爽口沙律菜一齊放入口，令你咀嚼嘅時候，一邊嚐到清新，同時嚐到鮮和牛肉味 ❤️車厘茄好清甜，再加埋醃洋蔥 😃 想講呢度嘅洋蔥冇我想像中咁嗆鼻喉，仲帶點甜添！因為平時食沙律都幾怕食太多生洋蔥，因為食完個口係成陣味 😵 但呢度冇啊！配埋車厘茄同黑醋食，酸酸甜甜好開胃呢 🥳🦪 燒廣島生蠔 (2本)自己本身唔食生蠔，好怕佢嘅味同生食嘅質感 😅呢度係用千島醬汁去燒蠔 😮 對於我有點驚喜，因為用千島醬，一來可以蓋咗少少我怕嘅蠔味，二來千島醬同蠔都幾夾喎！蠔肉肥美，夾埋千島醬汁去燒好香，食落多汁滋味！不錯 🤩🐐 鹽燒羊鞍 (2本)聞同食落口完全唔覺有羶味 😃👍燒得好香，鹽都冇落過多，鹹度剛好，羊鞍好juicy啊 🤩🤤 肉好嫰

早排見到呢間日本居酒屋好多野食😍，又有鍋物、爐端燒、刺身、串燒、小食、一品料理等等，作為為食鬼既我梗係就約埋朋友黎試下😋。Menu選擇太多同朋友望左好耐先揀到🤣。🔅澳洲M6和牛(200g) ($198)有店員負責燒可以un un 腳等食😝。建議唔使叫太熟，每邊燒到變色都差唔多🙌🏻。🔅日本黑毛和牛鍋燒烏冬 ($98)和牛好正！爽嫩又唔會太膩，烏冬口感偏腍啱晒我💕。不過如果有壽喜燒湯就好🥺🥺。🔅鹽燒牛舌 ($48)燒得好爽口👍🏻，唔使沾醬已經夠味。鹽燒食落牛味都濃啲。🔅柚子鹽黑豚肉 ($28)平時最怕啲成舊肥肉🥺，呢串黑豚肉啱啱好唔算肥，加左柚子鹽幾fresh😋。🔅黑豚大腸串 ($28)大腸唔韌又超入味🥺，唔錯♥️❤️。🔅唐揚墨魚咀 ($38)墨魚咀好有驚喜！$38無expect有咁多粒😱，新鮮炸起真係無得彈🤩💕。🔅冰火菠蘿 ($28)平時既燒菠蘿係熱既，呢個應該燒左再加糖喺面燒，然後再雪凍。口感好新奇，大大舊凍冰冰又juciy，正😎。🔅荔枝乳酸梳打 ($33)🔅菠蘿乳酸梳打 ($33)💬食物性價比好高！環境都唔錯，又有酒飲，好適合同朋友gathering 🥺。

早一日book咗令和 , 兩個人有卡位坐鋪頭響2樓, 地下入口好窄唔留意分分鐘行過都唔知,不過好在有職員接待👌🏻望一望menu , 都好多唔同類型嘢食!小食,漬物,沙律,爐端燒,一品料理,一人前石板燒,天婦羅,海鮮飯,嘢飲種類都多!👍🏻1)日本黑毛和牛鍋燒烏冬 $88 👌🏻熱辣辣賣相唔錯!分量ok!價錢唔貴好抵食! (湯底略為鹹咗少少不過可以接受)2) 一人前石板燒 (澳洲M6和牛200g)👍🏻❤️呢個真係超級抵食!兩舊水唔使 ! 職員拎住生牛肉同埋石板去枱面即場燒! 有8大舊!牛味超香~ 厚切幾有咬口! 另外叫咗碗白飯都係十幾蚊! 餸飯食真係一流! 呢個真係推介!⭐⭐⭐⭐⭐2)抹茶炸蝦(唔記得個名,廚師推介menu🤣)我偷食咗一隻味道唔錯!3)燒三文魚頭👍🏻👍🏻❤️燒三文魚頭超好食! 面豬登重滑嘟嘟! 好好味唔會一味死鹹❣️八十幾蚊都唔係貴4)燒冰火菠蘿👍🏻凍嘅甜品!正👍🏻5)叫咗兩杯乳酸梳打 ! 好唔錯👌🏻👌🏻非常滿意!可以翻兜再去👍🏻❣️❤️提一提:90分鐘要交枱(唔知係咪日日都係咁)

可以同朋友食飯傾計真係好開心, 🔸令和鍋物酒場🔸個環境好靚又好似好多貓貓佈置, 所以就Book 咗呢個地方。上到去就安排咗我地坐包廂卡位, 好喜出望外呀! 成間餐廳嘅佈置都好日式, 氣氛好好!🫓 香蔥拖羅蓉配鍋巴片拖羅蓉係好新鮮的, 不過老實說, 同鍋巴片個質感好唔夾。🥗 霜降和牛洋蔥沙律和牛好Juicy, 肉質軟腍, 配合埋帶有酸酸地味道嘅洋蔥真係好Fresh。🍢 串燒(柚子鹽黑豚肉 & 大蔥荀豚肉串)串燒燒得剛剛好, 肉質保持嫩滑, 好適合用嚟餸酒食。🍥 日本黑毛和牛鍋燒烏冬黑毛和牛係半生熟咁上枱, 靠熱辣辣嘅壽喜燒湯慢慢浸熟d, 充滿牛肉香味。烏冬唔會好粉, 粗幼適中, 好彈牙。將半生熟嘅雞蛋拌勻一齊食, 口感再幼滑d。🥃 蘋果汁個外表可以假扮飲酒🙃 蘋果汁唔會太甜/ 酸, 有香香嘅蘋果味。整體食物同飲品都Ok, 而環境真係好好, 坐得好舒適, 好適合同朋友傾計。

每次經過厚福街，都會被呢度門口嘅燈籠同埋「令和」吸引住，同行朋友話聽聞食評幾好，今次就特登book嚟試吓，果然無失望！開胃前菜令和刺身爆丼 $188共有9款刺身，樣樣都新鮮，滿足！拖羅 $58/ 二切滿滿魚油香，依家做緊promotion，好抵！日本黑毛和牛鍋燒烏冬 $88適逢落雨天，硬係想食返款鍋物，和牛油脂分佈均勻，口感柔軟而味濃清酒生蠔 $28/ 份 必食！味道鮮！蠔味濃！燒秋葵 $18鹽燒白鱔 (一本) $48白鱔肉質彈牙，如果魚皮燒得脆啲就更好味喇~蜜桃乳酸梳打 $33檸檬威士忌梳打 $58純粹見食評多人飲，就嗌嚟試吓，呢度有無兩個檸檬呢？威士忌味突出，食完餐飯，啲檸檬仲未溶到，忍唔住要將佢肢解，篤哂檸檬後，先至最好味！