牡蠣小屋

營業中

休息中

Bookmark 左呢間小店一段時間，之前亦見到許多人介紹，因為什少過港島區食飯，所以一直都未幫襯；終於尋晚可以一嚐晚餐，朋友們和我都覺得值得推薦😌知道小店的坐位不多，兩日前訂座都竟然訂到夜晚7:00，起初擔心會不會名過其實，所以少左人幫襯🫣 抱著試伏的心態，慶幸喜出望外。個人最推薦明太子玉子燒、月見雞肉棒、泡菜牡蠣鍋、鐵盒燒生蠔。 蠔的size都唔細，味道鮮甜，亦唔會縮水😆整體食物質素不錯，服務也挺好的，服務生都很忙碌，但也有求必應（斟水、影相、跟單、提醒鍋物的火力等等）。最重要是當晚食客不多，沒有限時收檯（本來網上訂座寫用餐時間2小時）大讚👍🏻👍🏻👍🏻 離開時，隔離檯比我地早入座嘅日本人仲繼續叫啤酒同甜品😆我地一行3個女仔食左$1400左右（叫左兩杯飲品）。大家都食得好飽，又可以傾餐飽。價錢話平唔平，又唔算太貴。難得食物有質素，服務又不錯，會推薦一下，亦會再幫襯😁P.S.若果人均消費閒閒地$400 （唔飲野）至$600（叫下酒類飲品）仲要限時，都真係幾趕客🥲 難怪而家香港嘅餐廳晚市咁小人，希望好似牡蠣小屋呢啲小店可以守得住💪🏻

餐廳係樓上鋪，面積唔算大，所以想黎既話記得要book位🙈呢次安排坐左bar枱位，位國之間都幾闊落，枱都夠大放野食🍢🦪🐥🐮🍶值得一提既係所有店員都好好服務態度，成餐飯食得好愉快😚🦪鐵盒燒生蠔（6隻）$240黎到蠔既專門店冇理由唔食蠔😆本身都驚驚地會唔會燒得太老會韌，好好彩6隻大生蠔都燒得岩岩好，飽滿多汁，店員介紹生蠔係用清酒煮，建議第一隻食左原味先，真係幾好食，好鮮！桌上附有檸檬汁同辣味檸檬汁調味，不過我覺得都係原味最好食！🥰🥚明太子玉子燒 $108玉子燒都超推介🌟沙律醬．明太子．芝士．玉子，所有材料加埋竟然一啲都唔膩，同埋玉子燒得好滑👍🏻👍🏻👍🏻🫖🍚明太子茶漬飯 $58其實本身已經食得好飽，不過見到隔離枱叫好似幾吸引🤤果然冇令我失望，湯底清甜，而且係用飯有輕輕煎過😳少少焦香味加上明太子既咸香同茶湯，好食到一口氣清左🤣🐟炸大池魚 $98真心…唔推介😅係我孤陋寡聞，又預先冇問到店員，我真係想像唔到炸大池魚上碟會係吉列魚柳咁樣😂吉列魚都冇乜問題，但可惜魚身較薄，雖然炸粉冇佔條炸魚既一半😂魚肉真係見到既咁大條，不過炸粉同魚肉都幾分離，同埋有細骨🙊伴碟有跟他他醬同炸豬排汁，2款醬汁點魚肉都幾好味

#chuchu食在銅鑼灣📍 牡蠣小屋前排係咁係ig見到，🐷想book幾次都book唔到星期六日嘅夜晚，適逢父親節，🐷就成個月前book終於book到星期日嘅夜晚，就請🐷爸媽食佢至愛！食完真係登上 #chuchu推介 ，因為樣樣都幾好食！一出𨋢就會見到好多生蠔，見到有吧枱，一般嘅餐枱，仲有和式風情嘅榻榻米！今次🐷家就安排坐吧枱，望住師傅整野食！—————————————————————❣️ 鐵盒燒生蠔(半打) $220Signature Dish🌟 本來嗌左1打，但🐷爸一見隔離枱嗰啲好大隻就即刻改番半打🤣用鐵盒裝著生蠔，再燒熟生蠔，燒生蠔都keep到佢肥美又大隻！好juicy鮮甜美味，加入檸檬汁和辣椒汁又有另一番風味，必叫🦪！.❣️ 特上刺身拼盤（2人份）$440當晚有幾款刺身，包括深海拖羅、巨型牡丹蝦、金木鯛、馬糞海膽、北海道帶子等等，全部都好新鮮，全部空運到港！又厚又大件！拖羅入口即融，蝦好鮮甜！.❣️ 明太子芝士玉子燒 $98好食！玉子燒用日本九州雞蛋整，入面加左大量芝士同明太子，好滑蛋味好濃，明太子口感綿密同芝士完美match，拉芝🫶🏻再加上明太子沙律醬和蔥花，好正.❣ 10件拼盤壽司

與很久沒見的好友聚餐， 曾經一起去過北海道、東京等地旅遊，決定再聚時享受一下日本的滋味。 在銅鑼灣的牡蠣小屋舖面不大， 大約坐到七至八枱客左右，晚市分1800及2000兩場， 每天都會有不同的新鮮生蠔和海鮮。 新鮮岩蠔一隻$180，聽落好似好貴，但蠔的size大過手掌，蠔味同海水味濃郁，計埋日本空運費用，其實價錢算合理。另外本身想叫活赤貝，可惜賣哂。 店家賣點「鐵盒烤蠔」，一打$380，是廣島蠔，基本上只是略略烤熟，避免蠔肉變得太乾太細，原本我們只叫了半打，忍唔住encore。曾經在日本吃過生的粟米， 真的又甜又多汁，今次有得叫， $98一條係貴咗少少，但真係物有所價，係日本的感覺。 我們另外還叫了沙律、串燒、飯團等，全部都出色，推介烤蒜頭、明太子玉子燒！埋單用了2500左右，少少貴但滿足地行出嚟