鵜舞

營業中

休息中

收工好岩去居酒屋食下串燒同料理，飲個啤酒🍻成班朋友吹下水鍾意食牛嘅朋友就要叫鹿兒島A4和牛串燒，熊本A4和牛肩壽喜燒串，個人認為本身材料新鮮，水準就已經爭好遠！而呢度用嘅和牛水準都好唔錯！鹿兒島和牛肉質細緻嫩滑，而且油脂分佈均勻！熊本既和牛則肉味濃郁，肉質有嚼！熊本A4和牛釜飯會響你面前先點火整！啲串燒食到7788就可以食啦！除咗牛肉我都勁鍾意食明太子，必定要試厚燒明太子蛋卷同博多明太子黑豚腩肉卷串，淡淡都包住明太子，好足料架！唯一比較麻麻就係黃金芝士西京燒，食多兩舊就會有啲膩同偏咸，如果有成班朋友每人食一夠就啱啱好啦！另外仲食左自家手製雞肉棒串，豚肉露筍卷串，豚肉秋葵卷串同特製吉列豬柳三文治，甜品menu仲有得叫我最中意既水信玄餅同拌蕨餅！下次會再同大班朋友嚟就可以食多啲唔同款！最後值得一讚嘅係有位女侍應，佢好熱情會介紹唔同嘅菜式，仲會好留意我哋食嘢嘅進度，就算和牛釜飯煮好，都會先問下我哋需要食未，食先叫佢幫手唔使驚凍哂！

今日約咗兩個姊妹淘,聽聞D2 Place有間唔錯嘅居酒屋格調嘅日本菜, 一於同啲姊妹去試下先鰻魚蛋卷, 蛋卷好味,但同鰻魚好似無咁夾燒阿波尾雞翼,燒得香脆,雞肉滑滑,食得出係靚雞燒豚肉,豚肉配上醬汁燒,啖啖肉好惹味呀燒牛舌,厚切架入口非常爽脆,配上新鮮檸檬汁,可以中和油膩感。明太子蛋卷,呢個好味呀明太子咸香配滑滑蛋卷,推介呀鵜舞釜飯,呢個味道一般,價錢略貴。三個人每人分到一小碗,裏面有三文魚,鰻魚配飯及三文魚子。燒年糕, 煙煙韌韌配上甜甜的汁我地仲試咗荔枝生啤, 啤酒泡好似沙冰咁,感覺好得意呀整體燒物不錯如果經過附近,呢度係一個飲下酒食下串燒嘅唔錯選擇

作為街坊，又係開左幾年都無去過。難得賣甩粒豆丁，就二人世界叉叉電。訂左枱，準時去到，等左一分鐘。一直以為間餐廳就門口所見咁大，原來裡面別有洞天，幾大。裝潢都好有和風，坐得舒適。食物見圖。較出色係串燒同牛烏冬，本身不好秋葵，但夾在豬肉中，平衡了肉味：烏冬湯甜，牛肉不痴牙；蛋卷也很不錯，口感同甜味十足服務員充足。不過唔知點解會請唔識講廣東話的外國人做waiter，又唔係西餐...總結，一分錢一分貨，貴啲係好食啲。提醒大家，唔想坐bar枱，記得訂枱

好少去嗰頭， 行過見到，氣氛很好。入去試吓。 walk in 已無 table 枱了，只好坐爐端燒 bar 枱。 睇住個日本師傅係度燒肉，都幾好。 而且抽風很好， 唔會一頭煙。講返食物。要了一個魚生飯和一客鰻魚飯。 魚生飯的魚生不算大新鮮，只是中價貨。 而飯又調得太酸，失去飯味， 十分失望。失望中食個鰻魚飯反而有驚喜。 尐鰻魚很美，入口熔，飯加了浦燒汁，甜甜地，好正。另外，加了兩個小食，明太子蛋卷和炭燒牛舌。 蛋卷和明太子很夾。 但要趁熱食，否則有鯹味。 牛舌就值得一讚， 燒得恰到好處，彈牙又香。 好回味。 如果喜歡飲酒的， 佐酒無得彈。

之前一直都想試呢間, 見介紹講到好日本地道居酒屋咁, 好彩tablemap可以訂位, 所以約埋朋友去試下我地4個人分左2批去, 第一批坐低左先, 我同另一個隨後去到, 一去到門口果度, 店員已經係好熱情 (其實係扮friend果種)入到去坐低, 負責serve我地個枱既店員不斷催我地落單, 話星期五好多人要等好耐, 心諗你都要比時間人望下個menu有咩至得架, 再唔係就一係你地推介囉揀左D串燒, 但又猛咁要我地叫多幾串, 話唔夠食, 我唔係好明點解唔可以比我地叫多幾款唔同既野, 做咩係都要我地同一款叫幾串, 如果係咁樣, 我不如一人一個定食好過啦其實4個女仔order左十幾樣野, 都唔係好算唔叫野霸住人地張枱丫, 同埋朋友之前聽到佢地同冇訂位既人講滿晒唔駛等, 咁即係8點呢轉只係做一轉唔駛趕翻單啦我地叫左：刺身5點 -- 不錯！幾新鮮！鹽辛魷魚 -- 送酒一流碟野上枱後, 前後幾個店員同經理都來問我地知唔知呢碟係咩野, 話好多人都唔知, 驚我地叫錯左, 心諗唔知又點會叫, 叫左又點會唔知呢, 好煩囉明太子蛋卷 -- 入面勁好明太子, 一咬落去就標晒出來, 好好味！蒲燒鰻魚 -- 初時睇