八沢 (已結業)

今天很隨心在找吃lunch 的地方，看到很多正評就按入去個link 看看。湯烏冬，正合我意。找來同事一起去試試。去到餐廳，等位置的人挺多，但可以先點餐再進去，大概也是等了十分鐘左右。點了個黑松露忌廉三文魚鮮帶子烏冬，加配一客明太子雞翼。烏冬先上，奶白色的湯底超級好味。至於個雞翼，新鮮熱辣辣上台，醬爆的感覺，加上微辣，超愛。另帶一題，是日跟餐飲品是紅棗黑糖茶，飲完很舒服。無想過這家小小的店會那麼好吃，必定會再去試其他好味。

媽咪係上環附近番工 每次接佢收工諗食咩都係我地嘅煩惱咁啱行過新紀元廣場後門見到有間裝潢充滿日式風格嘅小店咁就諗都唔諗去試下7點鐘入坐 見到有幾個人等外賣堂食未係好多人 不過食到最後開始滿座侍應熱切咁介紹佢呢問鋪嘅招牌比我地但媽咪唔係非常肚餓所以就叫咗一碗黑松露忌廉海鮮烏冬做主食share再叫其他串燒有好多黑松露係上面我係未撈混就先試下個湯好有西式周打魚湯嘅感覺 好味撈混後 濃郁嘅黑松露味湧上嚟 勁香黑松露迷必試 同個忌廉湯異常地夾烏冬都好滑 係日本個種烏冬總共有兩件大帶子 幾件大三文魚 十分足料厚切牛舌真係好厚 但唔會好un 啱啱好！雞軟骨好'野'味 食得出用咗海鹽 唔係死咸明太子雞翼好香好juicy白桃梳打 同 蜜桃特飲個人覺得蜜桃特飲好d因為本身自己唔好梳打

最愛和相公Happy Friday試試新餐廳了 放工餓扁了來試試附近新開的八沢啦早幾小時電話訂座成功 到店時 發覺食客在 店員失蹤？等了一會 店員出現馬上詢問是否X小姐的訂座 算是補回了失蹤啦白桃特飲 $28 餐牌寫著就試試啦 心裡想的是白桃肉的清新甜味 實際上 是極人工的果汁 感覺像在喝啫喱水八沢特飲- 蜜桃 $28 也是餐牌上的 可選提子/ 蜜柑/ 蜜桃/ 士多啤梨 也是大伏 有檸檬片的極甜啫喱水無論飲品、串燒還是主食 上菜時間都慢得難以置信 只好拍拍環境啦😪😪😪😪黑松露忌廉海鮮烏冬 $88 餐廳的招牌菜 黑松露+烏冬控的我怎能錯過 湯底較一般意大利麵稀 三文魚肉幼嫩 其他海鮮沒什麼味道 烏冬爽彈 整體中上廣島蠔肉碎烏冬 $78 OK也是餐廳的招牌菜 賣相一般 湯頭有點兒戲 就是少量昆布加葱花吧 廣島蠔尚算肥美 但帶有一點點苦澀 鮮度不足 整體就是一碗普通的烏冬吧明太子雞翼 $30 OK也是餐牌上聲稱 吃不到明太子的味道 只能說是 像餃子雞翼一般厚切牛舌 $48 鹽燒白鱔$45 過晒火喉 白鱔甚至有點燶味⋯⋯埋單時 發現店員又已失蹤了 加上上菜其慢 為個黑松露烏冬 都可以一試既 再

同朋友去上環食好西。店內裝潢好有置身日本的感覺，兩個人叫左好多野食。黑松露忌廉海鮮烏冬 $88黑松露味好香好濃，仲有配上新鮮又大粒嘅帶子同新鮮三文魚，忌廉好滑，煮出黎個汁濃稠度岩岩好，烏冬彈牙之餘，仲會掛到好多汁，好好食﹗不過一個人食哂嘅話可以會有少少膩，同人分享就perfect。黑蒜灸燒極濃黑豚肉拉面 $78黑豚肉彈牙，好濃肉味，仲帶少少油香。拉面有嚼勁，配埋大量蔥同木耳同埋超濃蒜味嘅湯底，好岩中意重口味嘅人食。明太子雞翼 2隻 $30雞翼燒得皮脆肉嫩，入面仲有塞到滿哂嘅明太子，少少辣，好惹味。厚燒牛舌 $96牛舌真係塊塊都好厚，啖啖肉，又似肉味超濃呀。黑豚生蠔燒 2隻 $64黑豚燒到好似煙肉咁，帶D煙薰味。入面隻生蠔好肥美，又熱辣辣，成舊野其實有D heavy，不過好食就咩都唔理了~白桃特飲$28巨峰特飲$28，感覺好似罐裝汽水咁，冇咩特別～Overall 環境幾有feel, 店員都好有禮貌。兩個人叫得太多野,好飽。 

最近成日去上環 幫襯咗「八沢」好幾次 因為真心覺得食過翻尋味！食物優質、多元化 而且唔貴「菊花蜜」通常跟lunch set 但今次同朋友來食dinner時居然免費送 原來會送畀熟客㗎！店員認得小妹呀！ 玻璃杯夠厚夠隔熱 「菊花蜜」暖暖哋好潤喉 店員仲會不時為你添飲呢度嘅menu過哂膠 由客人自己用油性筆mark order落去 可循環再用 非常環保你 點好菜 店員喺你面前confirm多次 好細心先來餐前小食「明太子雞翼」 一客兩隻 以大塊蔬菜墊住吸油——事實上唔太多油 外層炸粉好薄 雞中翼部份切走一半 起咗骨 入面放入明太子——好入味 唔單只入面有明太子味 連雞皮雞尖都香辣可口！另外 order了串燒（最少兩串） 左邊係燒羊架 右邊係牛舌 牛舌有成cm咁厚（menu上仲有「厚切牛舌」） 咬落去煙韌多汁 但又唔黐牙朋友點咗「廣島蠔肉碎烏冬」 係招牌菜 昆布湯打底 有成4隻蠔咁多！！！仲要隻隻肥嘟嘟脹卜卜小妹就揀咗另一款推介食品「黑松露忌廉海鮮烏冬」 忌廉湯底 質地濃稠 碗邊黏滿忌廉 飲落好香滑 唔太鹹 烏冬橫切面呈橢圓形 半透明 軟綿綿而有彈性黑松露唔只幾粒 好似一座小山丘 有成吋咁高

呢排大食咗，我又著唔落25腰牛仔褲喇，但我哋始終係為食之人，絕食同食少啲對我哋嚟講真係好困難，所以同M佬的起心肝去做Gym，做Gym之前當然要食少少少少少少嘢啦，一於簡簡單單食碗拉麵烏冬，再上Gym room努力狂跑啦！呢間位於上環新紀元廣場嘅拉麵小店八沢 Hachi Sawa，好味到令我哋又唔覺意食多咗喇。黑松露忌廉海鮮烏冬：Creamy嘅烏冬真係罪大惡極，配合埋黑松露，我投降喇！烏冬完美地索晒啲汁，好彈牙又滑嘟嘟呀！海鮮方面有大量三文魚同帶子，份量十足。黑蒜炙燒極濃黑豚肉拉麵：至於M佬嘅選擇就係重口味嘅黑蒜油拉麵，原煲上枱，碗都洗少隻！豬骨湯底好濃郁呀，加埋大量炸蒜粒，蒜香味十足！溏心蛋夠晒鮮滑，時間掌握得啱啱好！至於4片嘅灸燒極濃黑豚肉，燒得燶燶哋，唔油膩。明太子雞翼：雞翼去骨再釀入大量明太子，一啖咬落去，明太子就咇晒出嚟，微辣嘅明太子配脆卜卜嘅雞翼，惹味又啖啖肉。厚燒牛舌串燒：牛舌厚切，香口又彈牙！串燒雞腎：雞腎燒到乾身，有咬口又夠腍！

住東區嘅朋友知道拉麵店「八沢」晌上環開咗分店，屬小店經營，叫我不妨試吓。老實講，東區就真喺唔多會入去，但上環離公司算近，即管試試友人嘅推介，睇睇喺咪咁正。所以，就順便約埋個親友聚聚食餐「麵」講吓近況。講明喺小店，地方就梗喺唔太大，基本上，裝修簡約，但餐廳尾化身成懷舊日式木屋，可見店主都花咗啲心思。此外，親友本身都畫開畫，所以，牆上嘅彩繪就最吸引佢眼球，影完相再打量，睇吓喺咪手繪，佢話畫得幾靚。坐低後，店員會放上一大張餐牌，可以直接寫晌上面點餐。前頁喺一系列烏冬、拉麵、串燒及炸物；另一面就喺小食、鍋物及飲品。溫提一句，餐廳設最低消費$60，不過，基本嚟食碗麵都一定過。此外，有10%服務費，亦有收開瓶及切餅費，但就無講幾多錢，唔知會唔會實質執行，但以小店而言，呢啲小費予人感覺唔太好。心諗，應該都好少人嚟拉麵店慶生帶蛋糕嚟切。明太子雞翼 $30 / 2隻、牛乳忌廉餅 $28明太子雞翼又喺友人叫我必試，我哋就再加一客 牛乳忌廉餅。明顯前者抵食啲，雞翼去咗上截骨位，釀入滿滿嘅明太子，一口咬落去，啱啱炸起嘅雞翼非常香脆，鹹辣嘅明太子令雞翼更惹味，又啖啖肉，食得夠晒暢快。而牛乳忌廉餅炸得甘金唔油膩，