影片
更多
2017-06-03
479 瀏覽
住東區嘅朋友知道拉麵店「八沢」晌上環開咗分店，屬小店經營，叫我不妨試吓。老實講，東區就真喺唔多會入去，但上環離公司算近，即管試試友人嘅推介，睇睇喺咪咁正。所以，就順便約埋個親友聚聚食餐「麵」講吓近況。講明喺小店，地方就梗喺唔太大，基本上，裝修簡約，但餐廳尾化身成懷舊日式木屋，可見店主都花咗啲心思。此外，親友本身都畫開畫，所以，牆上嘅彩繪就最吸引佢眼球，影完相再打量，睇吓喺咪手繪，佢話畫得幾靚。坐低後，店員會放上一大張餐牌，可以直接寫晌上面點餐。前頁喺一系列烏冬、拉麵、串燒及炸物；另一面就喺小食、鍋物及飲品。溫提一句，餐廳設最低消費$60，不過，基本嚟食碗麵都一定過。此外，有10%服務費，亦有收開瓶及切餅費，但就無講幾多錢，唔知會唔會實質執行，但以小店而言，呢啲小費予人感覺唔太好。心諗，應該都好少人嚟拉麵店慶生帶蛋糕嚟切。明太子雞翼 $30 / 2隻、牛乳忌廉餅 $28明太子雞翼又喺友人叫我必試，我哋就再加一客 牛乳忌廉餅。明顯前者抵食啲，雞翼去咗上截骨位，釀入滿滿嘅明太子，一口咬落去，啱啱炸起嘅雞翼非常香脆，鹹辣嘅明太子令雞翼更惹味，又啖啖肉，食得夠晒暢快。而牛乳忌廉餅炸得甘金唔油膩，
講明喺小店，地方就梗喺唔太大，基本上，裝修簡約，但餐廳尾化身成懷舊日式木屋，可見店主都花咗啲心思。
此外，親友本身都畫開畫，所以，牆上嘅彩繪就最吸引佢眼球，影完相再打量，睇吓喺咪手繪，佢話畫得幾靚。
坐低後，店員會放上一大張餐牌，可以直接寫晌上面點餐。前頁喺一系列烏冬、拉麵、串燒及炸物；另一面就喺小食、鍋物及飲品。
溫提一句，餐廳設最低消費$60，不過，基本嚟食碗麵都一定過。此外，有10%服務費，亦有收開瓶及切餅費，但就無講幾多錢，唔知會唔會實質執行，但以小店而言，呢啲小費予人感覺唔太好。心諗，應該都好少人嚟拉麵店慶生帶蛋糕嚟切。
明太子雞翼 $30 / 2隻、牛乳忌廉餅 $28明太子雞翼又喺友人叫我必試，我哋就再加一客 牛乳忌廉餅。明顯前者抵食啲，雞翼去咗上截骨位，釀入滿滿嘅明太子，一口咬落去，啱啱炸起嘅雞翼非常香脆，鹹辣嘅明太子令雞翼更惹味，又啖啖肉，食得夠晒暢快。
而牛乳忌廉餅炸得甘金唔油膩，同樣好脆身，裡面嘅牛乳軟滑有奶香，似喺加咗啲薯蓉，因為入口口感較實在啲。
廣島蠔肉碎烏冬 $78烏冬以石碗盛載，甚具和風氣息，睇起嚟份量十足，伴以唔少昆布同蔥；
成碗烏冬最有睇頭就喺啲廣島蠔，既大粒，又飽滿，肥嘟嘟咁，蠔味突出又鮮甜，食得出喺有質素嘅食材，反而肉碎唔多；
烏冬質感喺點呢？煮得滑溜，海鮮湯底OK啦，唔會有種好突出嘅感覺，整體而言，個烏冬都算唔錯。
黑蒜灸燒極濃黑豚肉拉麵 $78小弟鍾意食搵麵多啲，又喜歡黑蒜油，依個拉麵就啱晒我，仲以原煲上枱，夠晒型。先嚐一口湯，湯底如何呢？豬骨湯底濃厚適中，香濃得嚟唔會太漿口，而黑蒜油亦唔算下得太多，算喺點到即止，但估唔多仲加咗一大羹金蒜粒，所以，結果蒜香澎湃，其實都可以唔需要，反而俾客人選擇加唔加就仲彈性啲；
溏心蛋單睇外觀做得不俗，蛋黃凝固細膩，十分濃香，不過，雪白嘅外身就知無加入醬油去處理過；
今次碗拉麵就唔喺配叉燒，而喺灸燒極濃黑豚肉，細數共有4大片，薄切嘅黑豚厚薄均一，燒得帶點焦邊，入口有份燒烤味，感覺亦唔油膩；
拉麵用上曲麵，佢哋亦唔興揀硬度，啲麵條入口有微微腍身。
單觀乎今晚嘅食物，水準不俗，但仍有提升空間。晌香港，拉麵店真喺開到成行成市，競爭激烈，正所謂物競天擇，適者生存，希望小店繼續努力，做好啲出品，到時個名自然「沢」地有聲。
張貼
