阿三大牌檔

營業中

休息中

無意中發現呢個舖位又轉左手，幾乎每年轉一次。今次呢間餐廳嘅網上食評唔差，加上自己好耐無食大排檔，即刻約多2個人，試多兩款小菜。星期五晚上6點9到達，當時只有幾枱客。不過，餐廳好大，座位好多，估計即使8點嚟到都唔駛等位。燒魷魚筒 $58 上枱果陣都幾失望，因為實物同食客D相真係幾大落差🙉。魷魚本身無魷味，主要係食個汁，醬汁調得唔錯，偏向川味，但唔濃。星洲奶油蝦 $98 呢個幾特別，第一次食。蝦球好大粒，啖啖肉，肉質彈牙，以呢個價錢嚟講，份量幾足😏。不過炸衣唔脆，蝦球溫度亦唔夠。沙嗲粉絲滑牛煲 $78我中意呢款多過肥牛🙊，好多餐廳嘅肥牛肥到無肉咁濟，但呢個滑牛煲完全無呢個問題。沙嗲味都夠香，不過偏甜。脆皮咕嚕豬頸肉 $88 豬頸肉食果陣炸衣仲脆，個人覺得比傳統咕嚕肉口感更好，肉質又彈又爽😋，而且唔會食到好明顯嘅肥膏。黑醋骨 $88 又係酸甜野，加上配料同上面個咕嚕肉類似，令人產生兩款小菜差唔多嘅錯覺😅。排骨份量唔少，而且大大舊，仲要多肉少骨。配料居然有蕎頭同酸薑😲，幾特別。椒鹽鮮魷 $108 中途加嘅小菜，最熱就係佢。炸衣好薄，鮮魷厚身、彈牙，調味啱啱好。每個小菜加$10跟白飯及例湯，每碗

大埔開左間有冷氣嘅大排檔, 打破左一向俾人覺得坐得唔舒服又唔乾淨嘅印象, li間新式大排檔環境啱唒一家大細, 有好幾張坐到一圍嘅大枱, 又有卡位, 又有outdoor, menu嘅菜式有好多選擇🤤, 最緊要係冷氣夠舒服&夠鑊氣.🥢星洲奶油蝦現叫現炸嘅奶油蝦外脆蝦新鮮大隻爽口, 個層薄薄炸漿令到蝦肉完全唔會乾柴勁好食😋, 以拉過油嘅蛋絲墊起, 炸紫菜口感卜卜脆, 好夾好好味, 阿三同我都推介😋.🥢啫啫蝦乾唐生菜煲夠鑊氣👍🏻嘅啫啫煲上到枱食緊仲出緊煙ga, 大量嘅原粒蒜頭🧄, 豬肉碎, 勁多惹味蒜, 椒, 蝦乾炒成嘅唐生菜煲好正, 啲菜非常新鮮翠綠, 送飯perfect.🥢鐵板法式羊架*Attention!!相機食先📸*店員即席喺鐵板羊架上點火, 羊架厚肉又腍軟, 淋上惹味黑椒汁仲正, 特別在件件羊架都好大件, 咬落又juicy, 推介.🥢白飯都好好食👏🏻

姨仔上星期去大埔探朋友，佢地食咗呢間新開嘅大排檔，話超級無敵咁好味，一定要同我地嚟食，咁巴閉一於奉陪！大埔舊墟直街我都係第一次到，原來附近都有好多食肆，相信好多人都識嚟搵食！大排檔係入舖嘅，地方夠大，間隔闊落，坐滿哂都唔覺迫！叫得大排檔，食熱辣辣嘅鑊氣小炒就梗㗎啦，花多眼亂，就叫店長幫我地寫幾個小菜，佢都好細心，問我地有咩唔食先落單“脆皮咕嚕豬頸肉”係店長特登寫俾阿仔食嘅，咕嚕骨咕嚕肉排就食得多，原來咁樣整豬頸肉外面勁脆，入面勁腍，咀刁刁嘅阿仔都食哂碗飯，可想而知幾好味！“椒盬雞軟骨腰果”，真係送酒佳品，熱辣辣脆卜卜，一流！“原條燒茄子”連唔食茄子嘅太座都豎起手指公！“鐵板德國咸豬手”上枱淋油再點火燒一吓，點可以唔打咭吖，而且層皮真係好脆口，又唔太鹹，忍唔到口一舊食完又一舊！“星州奶油蝦”蝦夠彈牙，但我最欣賞係伴碟嘅炸蛋絲，好特別！“黑醋骨”另一個送飯佳品，我發覺師傅整呢類食物好有心得，全部外脆內軟，好功夫！另外配菜嘅蕎頭真係好正！“金沙蝦球”非常甘香，怕肥？食咗先算啦，哈哈！“馬拉盞啫啫通菜煲”已經食到好飽，但呢個餸上枱都係要食多半碗飯先得！總括嚟講，廚房夠鑊氣，功夫一流，可以再嚟！