阿三大牌檔

營業中

休息中

甚少走到大埔的我，今天專程到訪探望親戚順道一起聚餐，選擇位於昌運中心附近的新式大排檔「阿三大牌檔」享用晚餐-🔹泡椒魚皮 $68魚皮質感爽滑充滿麻油香，搭配芝麻、花生、芫茜、辣椒和沙律菜，開胃滋味-🔹麻香海蜇手撕雞 $78加入大量青瓜絲、芫茜、芝麻及花生雞肉雪白嫩滑而鹹香適中，帶濃郁的麻油香；青瓜絲新鮮爽甜，花生香脆可口-🔹懷舊蠔餅 $118蠔餅份量十足，炸漿厚薄適中也夠金黃帶有蛋香，毫不油膩；口感鬆化香脆，蠔肉飽滿鮮甜-🔹酸菜魚片 $168除酸菜及魚片外，加入支竹、絲瓜、芽菜及寬粉等，份量充足魚片雪白嫩滑，魚香豐富；支竹吸湯後夠滋味、絲瓜嫩甜、芽菜爽脆、寬粉輕韌，酸菜魚湯微辣鮮甜，齒頰留香-🔹小炒王 $118除韭菜花外，材料有魷魚、鮮蝦、蝦乾、大頭菜、沙葛及魚乾等韭菜花鮮嫩爽甜，魷魚及鮮蝦鮮爽，蝦乾香甜鮮味而有嚼勁，配合大頭菜、沙葛及魚乾等，味道口感層次皆豐富-🔹蜜糖柚子一字脆骨 $108件件一字骨非常厚肉，做到外脆肉嫩，脂肪比例不高，加入酸甜平衡的蜜糖柚子醬汁，非常滋味

回娘家食飯，揀咗附近最有風味的阿三大排檔，坐得舒舒服服有冷氣又乾淨，價錢好抵食，小炒有鑊氣。蜜餞鱔球首先上檯是招牌手工菜，阿姐都話正。蜜餞鱔球，脆炸鱔球外層炸至金黃色，口感非常酥脆。鱔球新鮮，肉質彈滑，最緊要係冇骨無腥味。 軟嫩惹味配上秘製醬料，口感層次分明，滿足豐富。稱得上是招牌菜式，充滿大牌檔特色，香港獨有的飲食文化。川椒回鍋肉再來是啊你試吓呢？，大埔相對少川菜店，呢碟川椒回鍋肉就係我至愛之一。辣味醬汁超級滋味，炒椰菜配搭豬腩片，入口食到少少麻辣味，豬腩片增加香味，吸收哂醬汁，可以送到一碗飯，值得一讚！泡椒魚皮當然食埋涼伴小食，幾款中我們點咗泡椒魚皮，辣度都幾有勁！中辣口感夠爽脆，而個秘製醬汁係辣中帶酸，幾惹味，夏天食好開胃。燒乳鴿接著是燒乳鴿，肉質鮮嫩，可口多汁，灑上少許鹽調味配搭恰到好處。新鮮的燒乳鴿，最緊要夠熱，外皮脆口，是街坊必點菜式。日豚五花腩串最後飲啤酒食串燒，其中之一係日豚五花腩串，未食已聞到香味。先食腩肉，都有相當厚度，入口彈牙，肉味鮮甜。燒一口牛串嫩滑無筋，香辣脆口，無得輸。

同朋友聚會，佢就介紹左呢間大排檔，有冷氣而且環境幾衛生。懷舊蠔餅蠔餅份量多，蠔餅炸得金黃香脆，不油膩，炸漿厚度適中，口感鬆化香脆，蠔肉飽滿鮮甜。小炒王有韭菜花、魷魚、鮮蝦、蝦乾、大頭菜、沙葛及魚乾等。韭菜花鮮嫩爽甜，魷魚同蝦鮮爽可口，蝦乾香甜鮮味且有嚼勁，整體味道出色口感豐富。脆皮咕嚕豬頸肉呢個咕嚕肉係用豬頸肉嚟做，肉質更加嫩滑、肥而不膩，炸到外脆內軟，配上香濃咕嚕汁，酸甜層次豐富，加埋青紅椒同菠蘿，超級開胃！椒鹽鮮魷魷魚新鮮，一樣炸得唔好厚粉，炸到酥脆，鮮魷肉爽滑彈牙，椒鹽好惹味！乳鴿皮脆香可口，咬落去嫩滑多汁，非常美味！

去到大埔 隨便揀一間， 阿三大排檔， 我叫咗一個南瓜雞煲， 蒜蓉炒白菜仔， 同埋一個小炒王， 兩個都炒得好有鑊氣， 小炒王配料多，有韭菜花， 腰果， 蝦米， 蝦乾， 青椒，黃椒， 見佢咁好味，即時叫啤酒， 小炒王配醇滑嘉士伯， 真係冇得輸， 跟住個南瓜雞煲， 出面都比較少有，南瓜煲溶咗， 好似鹹蛋黃咁鋪咗喺面頭， 再加埋爽滑嘅雞件一齊食， 正呀， 而且個汁仲好好餸飯， 之後再食一個蒜蓉即炒白菜仔，白菜仔揀啲最細條畀你夠嫩， 配埋蒜蓉 一齊食增加香氣咁難得去到大埔， 又食到咁好嘅嘢 我一定會畀五星星佢

今天走到大埔開業多年口碑不錯的「阿三大牌檔」跟家人聚餐，冷氣充足，用餐環境理想*泡椒魚皮帶有麻油香嘅魚皮口感爽滑，配料有芝麻，花生，芫茜同沙律菜，係一道惹味開胃嘅前菜*麻香海蜇手撕雞雞肉份量好多，嫩滑緊緻有雞肉香，麻油香十足，加埋香脆花生，爽甜青瓜，芝麻同芫茜，滋味而不油膩*酸菜魚片魚片接近二十片，嫩滑帶魚香，酸菜魚湯鮮甜不膩，加埋支竹，絲瓜，芽菜，芫茜同寬粉等，足夠豐富，下飯一流*懷舊蠔餅蠔餅炸得金黃香脆而不油膩，炸漿唔厚，蠔肉大隻多汁又鮮味*蜜糖柚子一字脆骨一字骨肉厚爽嫩有肉香，做到外脆內嫩，醬汁調得稀杰適中，蜜糖及柚子比例平衡，甜滋滋的味道很好下飯*小炒王有韭菜花，魷魚，鮮蝦，蝦乾，大頭菜，沙葛及魚乾等，材料新鮮，蝦肉及魷魚鮮甜，蝦乾鮮香，韭菜花爽嫩，出色！

好少因為一間餐廳好食留食評，但作為大埔人都覺得呢間大排檔真係超好食，所以為咗佢可以喺悲觀環境都樂觀生存，所以我繼續可以食呢一間咁好食嘅大排檔，(🥹🥹你知而家市面上幾多收得價錢,貴嘢食,唔係特別好食淨係買名氣，呢間真係真材實料)我決定好落力咁樣幫佢寫食評。我甚至出去土瓜灣啲大排檔，我都覺得佢係好好食好多，係傳統多油多鹽，但係啲味道真係啱啱好，價錢又抵，比起出邊出晒名嗰啲土瓜灣深水埗大排檔更加好味。題外話，深水埗萬發入咗大埔，沙拉骨賣緊$150，呢間呀三真係吊打佢10倍。所以特登揸車返入嚟大埔食都好值得，另外附近都幾多停車場位時租都係$20 埋單$560仲要叫咗啤酒同埋汽水，上菜速度可以形容為光速我食到飽飽一個鐘頭仲可以攞返架車走。

大牌檔主打，果然充滿大牌檔風味📍地點：大埔🍽️菜式：中菜💰人均消費：晚餐 HK$200~300🔖服務費/ 茶芥：❎ / ❎🧻餐巾/ 濕紙巾：❎ / ❎🪑座位類型：卡位 / 圓枱 📝落單方式：侍應生落單【蜜糖柚子一字脆骨】💰HK$108一字炸香，再以蜜糖柚子燴煮包裹。【酸菜魚片】💰HK$168魚片嫩滑，湯夠酸，有大豆芽菜、薯粉、木耳等配料。【咸魚蓉炒白菜仔】💰HK$88清新白菜配咸香咸魚蓉，咸魚蓉份量剛好。【泡椒魚皮】💰HK$68夏日炎炎首選，不過就唔好送飯。3.阿三大牌檔🏷️大埔舊墟直街4-20號美新大廈地下B1號舖

天氣咁熱落水就最岩，喺大埔泳池行去食飯，近近地都係去番飯堂阿三大排檔 ，佢平時巳經有60款以上小炒仼你揀之餘，仲不時有新菜式，每次嚟都會有驚喜，今次亦唔例外，游完水食多小小都唔太過份啦🤣環境嚟講呢度嘅座位好多好大，亦都有好多卡位，仲可以帶毛孩一齊食飯添👍🏻最鍾意食佢個滷鵝腸，個底墊住好多芽菜，份量多送酒一流，呢樣我每次嚟都必定會點的 另外魚皮都係一絕，非常開胃🤤其實鍾意食小炒嘅我，都係喜歡佢夠鑊氣，加上佢每碟份量好澎湃，絕對抵食之選

入大埔食飯 好自然咁想揾傳統懷舊嘢食 最後揀咗間入舖嘅大排檔 食鑊氣小炒-🥠黃金豆腐粒香口小食係必叫 但係呢度太過分啦😅 點解連小食嘅份量都咁大碟‼️而且水準唔錯 豆腐嫩滑外脆內軟-🥬蠔皇牛肉炒菜心牛肉軟腍唔柴口 菜心翠綠爽口 所謂「平凡中見真章」 呢個平常不過嘅家常小炒 我哋反而最先將佢K.O.😋-🐷脆皮咕嚕豬頸肉用豬頸肉嚟做咕嚕肉嘅好處 係啖啖肉得來 肉質Q彈帶脂肪甘香 咕嚕芡汁酸酸甜甜 確係下飯🍚佳選-🥔蜜椒薯仔牛柳粒作為牛魔王 小菜點可以只得一碟牛肉呢🥹 追加咗呢個少辣又飽嘅小菜 再啤一啤 都幾爽😘-📍阿三大排檔大埔舊墟直街4-20美斯大廈地下B1舖

如果想食到大牌檔口味，這裡當然就係我嘅首選，這裡晚市都很多人到來，地方大座位多，還有個開放位置，可以帶寵物一齊座！今晚就點了個超正必食椒鹽鮮魷，大大條煙韌彈牙鮮魷，鮮魷外面沾了一層香脆炸漿，加埋爆香了嘅香蒜粒，不論佐酒，送飯都十分出色！另外一個就係蜜椒薯仔牛柳粒，以健康三色椒炒香再加上入口酥軟咀嚼嫩滑軟熟牛柳炒，還加上蜜糖拌炒至黃金焦香，色香味俱全！而脆皮咕嚕豬頸肉，這款咕嚕肉唔係坊間用開嘅梅肉、豬腩肉製作，用上了更加肉嫩、肥而不膩，厚片嘅豬頸肉，炸到外脆內軟，配上香濃咕嚕汁，酸酸甜甜層次豐富，加埋青紅椒同菠蘿，同樣推介！魚香海皇豆腐煲，以熱燙燙嘅煲上枱，上面放滿了不同材料，有彈牙鮮魷片，爽口大蝦，大大隻帶子，還有彈牙爽口班片，加埋吸晒味道入口香滑嘅豆腐，放滿了整個煲內！口味十分有大牌檔風味，上菜又快，食物質素高，價錢合理相宜，絕對係街坊必食之選！

放工唔想諗煮咩食，去咗太和呢間新式大排檔，可以嘆住冷氣食鑊氣小炒，餐廳提供多款粵菜，款式非常多🔹紅燒乳鴿 $71乳鴿外皮香脆， 肉很嫩滑多汁，點埋椒鹽食更添風味🔹黃金四季豆 $98外皮炸得好香脆，食落有陣陣鹹蛋香味，惹味小炒送飯一流🔹脆皮咕嚕豬頸肉 $98豬頸肉好大件，咕嚕醬汁酸甜惹味，咕嚕肉皮脆內軟，肉質飽滿，加入洋蔥、青椒、黃椒一齊炒🔹水煮牛肉 $98除咗大排檔小炒，仲點咗川菜食，口味豐富為特色，越食越辣好惹味，入面配料豐富，嫩牛肉、雲耳、節瓜、蒜頭、同埋有寬粉！寬粉絕對係精華，吸盡湯汁

與家人剛巧經過此大排檔, 雖然名字叫大排檔, 有冷氣就不再話下, 環境也非常整潔! 眼見價錢也屬正常, 所以二話不說走進店內試試看 😊 由於時間尚早, 所以店內未有太多客人。黃金四季豆 $98用咸蛋沾上四季豆後炸成, 咸蛋灑得均勻, 不算油膩, 最重要的是炸了後四季豆仍然保持水潤 ☺️ 咸蛋絕對是為四季豆加了不少分!懷舊蠔餅 $118巨型的蠔餅上碟時大家嘩然四起, 沒想到會份量會如此多 🤩 不只蠔餅份量, 連蠔的份量跟大細都絕不簡單! 廚師亳不吝惜, 務求客人滿意 😃 蠔餅炸得超酥脆, 一咬咔嚓聲相當清脆! 😌紅燒乳鴿 $71總共有兩隻乳鴿, 燒得恰到好處, 微微的脆, 帶點油香, 而且肉厚多汁, 可媲比大酒樓的水準 👍🏻麻香海蜇手撕雞 $78手撕雞帶輕微的麻油味, 配有一些海蜇, 白芝麻和花生。雞肉鮮嫩十足, 雖然部份雞皮有點肥膏, 但也無阻大家進食進度 😄蜜糖柚子一字脆骨 $108脆骨先經過油炸的過程, 所以吃下去都有點脆口, 骨肉容易分離, 蜜糖柚子醬味道鮮甜, 就算吞了一字骨柚子味仍然保留在齒頰之間 😚揚州炒飯 $88這個飯看上去好像不錯, 但吃了發覺炒飯不夠乾身, 而且灑不夠鹽

唔係朋友介紹都唔知粉嶺呢邊有間大排檔, 而家啲大排檔已經今時唔同往日, 有冷氣又唔污糟, 呢間都唔例外, 一入去見到好多招菜既posters, 小編見到已經流晒口水 🤤 大約六點幾, 人流都開始多, 開頭見我地坐左好耐連水都無杯真係有少少燥, 後尾先望到原來佢係自助斟水, 所以大家要醒少少 😆 點左菜之後好快已經上碟, 又真係幾有效率 👍🏻 每一碟都幾大堆頭, 特別係蠔餅, 一黎到真係嘩左出聲, size大過我個頭 😳 炸到好脆, 有好多蠔, 好好味! 比廟街蠔餅更出色!! 另一味出色既就係乳鴿, 熱辣辣, 拍得住酒樓水準! 仲有黃金四季豆, 超惹味!! 魚皮切得比較幼, 小編鍾意厚身大塊個啲魚皮, 不過味道唔錯, 有少少麻辣, 口感再爽口啲更好。炒勝瓜都好鮮甜, 炒到岩岩好, 唔老唔嫩, 大家食一陣已經ko左佢 😙朋友果然冇介紹錯, 大件夾抵食!

阿三大牌檔📍大埔舊墟直街4-20號美新大廈地下B1號舖天氣咁熱 唔想去戶外果D大牌檔 又熱又唔好坐 熱愛中菜既家人就揀左食呢間大牌檔有冷氣 又幾闊落同乾淨 可以舒服咁食晚飯所以平日夜晚都好旺😀主打大牌檔懷舊粵菜 亦有燒烤 邊爐 幾多選擇叫左5個菜 上菜快 份量多 店員亦好好客好抵食 大埔區黎講係中菜既好選擇👍🏻麻香海蜇手撕雞好開胃清爽嘅前菜 青瓜絲 海蜇 手撕雞 好有口感撈埋個汁 麻香味重又惹味☺️黃金豆腐粒豆腐炸得好好 金黄色外脆內嫩完全唔爛香脆可口 食唔停口😌椒鹽鮮魷大大件鮮魷 炸得金黃色食落爽口彈牙 魷魚份量都好多😀蜜椒薯仔牛柳粒好鍾意呢道餸試過自己喺屋企煮都係煮唔出呢種風味薯仔同牛柳粒都係一口份量甜甜地又帶點黑椒味薯仔粒 炸過 好香口牛柳粒 炒得啱啱好 唔會太熟仲有啲三色椒炒埋喺入面好味😊金銀蛋肉鬆浸時蔬家人想食金銀蛋肉鬆浸時蔬有好多菜可以揀 莧菜白菜菜心生菜等但我就想食西蘭花🥦於是問店員做唔做到 佢話都煮到😍西蘭花大舊爽爽口好味 非常掛汁金銀蛋令西蘭花多左股鮮味 👍🏻

最近同朋友行大埔唔知食咩好，行行吓見到呢間阿三大排檔，見性價比幾高咁，一於入去試吓🤭！麻香海蜇手撕雞手撕雞嘅雞肉新鮮嫩滑，配上麻辣醬汁，超級惹味。同埋海蜇脆口爽滑，同雞肉一齊食，口感層次好豐富又凍爽😋。個盤底加咗青瓜絲，手撕雞嘅份量夠多，海蜇嘅清涼感襯托住麻香味，撈埋青瓜絲一齊食好開胃，食到最後仲有陣陣涼意❄️。泡椒魚皮泡椒魚皮嘅辣度剛好，唔會太過，而醬汁嘅酸辣滋味超級惹味，口感爽滑得嚟又彈牙，非常適合夏天配啤酒🍻食～蜜糖柚子一字脆骨一字脆骨嘅質地好鬆脆，肉質嫩滑，表層塗咗蜜糖柚子醬，酸甜口感好特別。呢個一字骨好厚身，仲夾咗啲豬軟骨，口感超級有特色。蜜糖柚子醬香甜開胃🤤，加上炸得好酥脆嘅外皮，肉質亦又軟滑，完全唔會膩。金沙蝦球個人最愛嘅菜式肯定非呢個金沙蝦球莫屬。大大粒蝦球，外皮酥脆入口爆香，內裡嘅蝦肉鮮甜彈牙，口感大滿足👍🏻👍🏻！