農圃飯店

營業中

休息中

今年阿嫂同Mr.J既生日飯,由我提議去農圃食,其實呢間餐廳我想試好耐,招牌菜都有幾款,多人食會好d~一早訂左位,順便預訂左每人一隻糯米釀雞翼,同埋一窩杏汁白肺湯~去到點好其他菜後,侍應先上前菜~唔好以為前菜只係花生酸菜,一碟係苦瓜,一碟係炆牛展~我唔鍾意食苦瓜,不過家人話幾好~至於牛展,又腍又入味,仲有腍滑既牛筋,即使係前菜都做得好認真,可以獨立成饌~再來就係今日主角糯米釀雞翼~每隻非常飽滿,油光立令,顏色吸引~一咬之下,真正係皮脆肉嫩,裡面塞滿足料炒糯米飯,有冬菇又有蝦米,非常有水準~不過食左一隻已經飽飽地~杏汁白肺湯亦係招牌菜之一,我其實未飲過呢種湯,上枱見到咁杰咁奶白色都覺得好夠火候,飲一啖,杏汁味好濃,好似食緊甜品咁,唔係話唔好,而係飲完有少少膩滯感覺~京烤骨相對冇咁突出,肉質有點鞋,完全靠酸酸甜甜既醬汁開胃~是但,即係海鮮蒸蛋白,我既焦點不在海鮮,而係滑到似豆腐花既蛋白,師傅確實功架十足~甜品係好多食友都會點既流沙奶皇包~其實我一向唔好奶皇,不過既然係名物,又有人生日,都試一試~個包確實熱力十足,奶皇暴露係空氣良久仍然好燙口,d餡唔算好甜,不過始終唔係我杯茶~

前菜4款 共$40 有牛筋好''林'' 和入味 ; 麻油苦瓜 唔太苦和尚算爽口 ; 右上角是荀菇 爽口 ; 雖然份量唔多總好過又是食花生和酸菜 xo 醬 都要成$40 就好唔抵 茶要成$16/位 貴冇上鏡的秘制炒牛河$90 有辣味但唔係好辣, 而且辣味炒得很平均, 牛肉''林''得來不會醃到冇咬口京烤骨 $90 的肉炆得好'林'' 而同台朋友對醬汁有不同意見, 有的認為醬汁唔夠濃, 有的卻認為個獻汁做得濃的話, 會似東坡肉咁金湯肉絲蟹粉絲件煎米粉 $120 煎米粉和金湯分開上, 的確是一個頗特別的菜式, 因為其他中菜店都冇食過, 但只會叫一次試過便算, 不是等別好/差, 金湯即是南瓜, 做法是一個湯羹內裏有白果, 肉絲, 菇, 蟹粉絲, 南瓜蓉咸甜味適中, 但米粉只有8小件 , 如果有12件就差不多, 因為唔夠米粉用來伴南瓜羹米粉煎出來的硬度適中是但 $88 即是海鮮蒸蛋白, 有咸蛋王在面, 帶子有鮮味(其實不只有帶子還有其他配料), 蒸得很滑 ; 我覺得這個菜是貴價版的翠塘豆付, 當然蒸蛋白難過蒸豆付, 而且翠塘豆付有個獻汁令到整個菜有咸味這個則

同利苑有得比喎....!!古法糯米雞翼 ~ 入面釀咗好香o既糯米飯漲卜卜, 炸得皮脆肉滑乾身, 食落一d 都唔覺得油膩, 當然係必試功夫菜呢!!日本南瓜海鮮燴鮑翅 ~ 原隻南瓜翅湯料足!!是但 ~ 即係海鮮蒸蛋白, 蛋白滑味鮮, 應該係吸收咗海鮮o既味!!原隻22頭鮑扣遼參 ~ 鮑魚好鮑味又淋, 無乜唐心, 遼參入晒味, 有多一條就好喇!!!鵝肝焗響螺 ~ 好香鵝肝味響螺一d 都唔韌, 好特別!! 紫羅豬頸肉 ~ 酸酸地, 豬頸肉爽口, 味道好似食緊咕嚕肉!!:魚茸湯米線 ~ 濃濃o既魚湯味, 魚肉無乜特別, 米線很滑!!鮮磨杏汁官燕 ~ 毎一口都食到燕, 杏汁好香, 最好係唔係好甜!! 燕窩流星壽包 - 食不到看不到燕窩, 流沙餡好香滑濃味!!埋單唔知幾錢....超老闆萬歲!!