影片
更多
2011-09-25
739 瀏覽
今年阿嫂同Mr.J既生日飯,由我提議去農圃食,其實呢間餐廳我想試好耐,招牌菜都有幾款,多人食會好d~一早訂左位,順便預訂左每人一隻糯米釀雞翼,同埋一窩杏汁白肺湯~去到點好其他菜後,侍應先上前菜~唔好以為前菜只係花生酸菜,一碟係苦瓜,一碟係炆牛展~我唔鍾意食苦瓜,不過家人話幾好~至於牛展,又腍又入味,仲有腍滑既牛筋,即使係前菜都做得好認真,可以獨立成饌~再來就係今日主角糯米釀雞翼~每隻非常飽滿,油光立令,顏色吸引~一咬之下,真正係皮脆肉嫩,裡面塞滿足料炒糯米飯,有冬菇又有蝦米,非常有水準~不過食左一隻已經飽飽地~杏汁白肺湯亦係招牌菜之一,我其實未飲過呢種湯,上枱見到咁杰咁奶白色都覺得好夠火候,飲一啖,杏汁味好濃,好似食緊甜品咁,唔係話唔好,而係飲完有少少膩滯感覺~京烤骨相對冇咁突出,肉質有點鞋,完全靠酸酸甜甜既醬汁開胃~是但,即係海鮮蒸蛋白,我既焦點不在海鮮,而係滑到似豆腐花既蛋白,師傅確實功架十足~甜品係好多食友都會點既流沙奶皇包~其實我一向唔好奶皇,不過既然係名物,又有人生日,都試一試~個包確實熱力十足,奶皇暴露係空氣良久仍然好燙口,d餡唔算好甜,不過始終唔係我杯茶~
一早訂左位,順便預訂左每人一隻糯米釀雞翼,同埋一窩杏汁白肺湯~
去到點好其他菜後,侍應先上前菜~
唔好以為前菜只係花生酸菜,一碟係苦瓜,一碟係炆牛展~我唔鍾意食苦瓜,不過家人話幾好~至於牛展,又腍又入味,仲有腍滑既牛筋,即使係前菜都做得好認真,可以獨立成饌~
再來就係今日主角糯米釀雞翼~每隻非常飽滿,油光立令,顏色吸引~一咬之下,真正係皮脆肉嫩,裡面塞滿足料炒糯米飯,有冬菇又有蝦米,非常有水準~不過食左一隻已經飽飽地~
杏汁白肺湯亦係招牌菜之一,我其實未飲過呢種湯,上枱見到咁杰咁奶白色都覺得好夠火候,飲一啖,杏汁味好濃,好似食緊甜品咁,唔係話唔好,而係飲完有少少膩滯感覺~
京烤骨相對冇咁突出,肉質有點鞋,完全靠酸酸甜甜既醬汁開胃~
是但,即係海鮮蒸蛋白,我既焦點不在海鮮,而係滑到似豆腐花既蛋白,師傅確實功架十足~
甜品係好多食友都會點既流沙奶皇包~其實我一向唔好奶皇,不過既然係名物,又有人生日,都試一試~個包確實熱力十足,奶皇暴露係空氣良久仍然好燙口,d餡唔算好甜,不過始終唔係我杯茶~張貼
