番茄18

營業中

休息中

行將軍澳海濱嘅時候都經過呢間餐廳，見到門外人流不絕，餐廳裝潢有好多充滿香港特色既招牌，好吸睛一於入去試一試佢既下午茶ʕ•̫͡•ʔBtw, 不得不提要讚下呢度既侍應姐姐叔叔都好有禮貌胡椒雞湯米線湯底蠻濃但無味精味道，如果胡椒味更重的話，就更完美啦入面嘅配料好多，竟然有單骨雞翼，啖啖肉蕃茄麻辣手撕雞米線一睇就知湯底非常之濃稠，蕃茄味同麻辣嘅味道融合得好好，蕃茄湯底夠濃，加上小小麻辣味，越食越上癮！勁正好重視米線口感既我地覺得米線軟硬度適中，夠彈牙手撕雞份量亦頗多木碎花生多士呢個係店員推介餐廳招牌多士₍ᐢ..ᐢ₎外表平平無奇，但食落非常有驚喜，滿滿嘅花生碎，多士烘非常之香脆，除咗花生醬，仲有煉奶，成件事好邪惡但好鬼正

將軍澳南開左好多餐廳，好多都好似幾正咁。呢日就黎試下呢間人氣小店。呢度d裝修係用懷舊將軍澳做主題，感覺幾長清，充滿打卡位。雖然係小店，但野食選擇都吾少。呢杯華田脆脆，睇樣就知好足料。紅綠椰冰既椰味十足，好香又有豆豆既口感，係一杯幾解暑既野飲。麻辣番茄米線叫左少辣。雖然真係少辣(吾食辣既我都可以吾洗飲水)，湯底既麻辣味都幾出，後勁既蕃茄味都夠突出，比一般米線店的蕃茄湯底更特別同惹味。招牌胡椒豬肚米線份量好大，夠兩個女人或1個大男人食。米麵爽口有米香，胡椒豬肚味道有家既感覺，飲哂成碗湯都吾會口渴。招牌瑞士雞髀好入味，但都保留到少少雞味同肉汁，值得一試。招牌木碎花生多士真係好特別。脆口既多士，配埋花生碎同煉奶。未食前以為花生碎會sip牙縫，食落發現花生碎真係磨得好細滑，真係好似木碎咁，幾過癮喎。