是蛋

營業中

休息中

講到長洲必食嘅餐廳，身為蛋控嘅我一早就Bookmark定「是蛋」🤩 由於小店座位有限（大約10個），同埋晚餐時段先有得book位，人多嘅話真係要揀啱時間，或者預留時間排隊😌🍽️我哋叫咗幾款比較出名嘅必食料理：🥚是溫泉蛋也是薯蓉：面頭係黑松露+溫泉蛋，底下係薯蓉。我哋照店員話撈勻後連埋麵包一齊食，呢個配搭的確好夾😋 同我一樣鍾意食黑松露蛋嘅朋友，應該會好鍾意😊！🥚土製炸蛋：有塊炸豬柳包住嘅流心蛋，邪惡得嚟又好鬼好食🤤 外面塊豬肉好似豬柳蛋漢堡塊豬柳嘅升級版，而切開之後嘅蛋黃仍然保持流心！簡直係高水準之作🙌🏻🍳松露是蛋炒配煎薯餅：黑松露炒蛋，配粒粒薯仔嘅煎薯餅。特別之處就係真係每啖都食到一粒粒薯仔😹 同埋邊皮脆脆哋，又幾好食～🍝真卡邦尼意粉：相信唔少朋友都知道，真正嘅卡邦尼意粉係用蛋黃汁煮。呢度嘅卡邦尼好食之處唔單止係用蛋黃汁做底，店員亦會即場刨芝士上面😻 不過啲煙肉就比較重口味，所以最好撈埋啲意粉一齊食😉🍟 我哋仲叫咗 黑醋田園沙律 同埋 即炸粗薯條配自家蛋黃醬，自家醬有兩款，兩款都好正😀絕對係一間值得Encore嘅餐廳，下次嚟要試吓焦糖燉蛋🍮

年衫四去左長洲今晚食既是蛋係長洲都算有d名氣比較有名既係可以食到正宗既卡邦尼意粉亦都仲有好多蛋類料理仲要係黃店出發前幾日係whatsapp book檯佢就話有兩個時間可以揀五點半同七點咁如果食到八點幾再番出去就有d夜所以book左五點半但趕頭趕命去到佢門口就仲係落緊閘就過去格離舖食個糯米滋再番去終於開左了入面真係得十個位左右所以真係要book定咁我地就坐左係最入面果張二人檯叫做唔洗同其他人搭檯地方細細叫做有少量裝飾主餐牌只得一頁期間限定菜式飲品因為話晒都主題餐廳所以我就全部都揀晒蛋料理先上係前菜松露炒蛋下面係巨大塊薯餅松露味幾出炒蛋亦都幾滑薯餅就正正常常下一道係是蛋名物土製炸強即係蘇格蘭炸蛋配埋薯條今餐真係熱氣之選切開入面流心度岩岩好隻蛋亦都唔會甩皮甩骨我覺都算唔錯因為都飽飽地只係叫左一份主菜就係最期待真卡邦尼上檯仲係面前刨芝士小店都有呢種心機都真係幾好顏色望落就好靚又用上豬面肉無落奶該個好正宗既卡邦尼不過食落就唔算好夠味同高級餐廳仲有些少距離最後仲有甜品是焦糖燉蛋個面就唔係燒到好焦筆落去仲有少少蓉既質感同一般有些少分別幾特別叫左四樣野埋單加埋二百五左右唔洗加一就真係唔算貴一個正宗意粉

📍長洲 𝙲𝚑𝚎𝚞𝚗𝚐 𝙲𝚑𝚊𝚞❝是蛋!🍳以雞蛋為主題既小店cafe💛必食4款菜式😋炸蛋/炒蛋/卡邦尼/燉蛋!❞中意食蛋既 去長洲一定唔可以錯過呢間小店🍳😋今次假期入長洲專誠為左佢🤤👋🏻cafe food黎講算抵食(冇加一!)😍🍳土製炸蛋 Scotch Egg $51 (4/5)每日限量❗️當日臨入座 店員問要唔要炸蛋 淨番幾舊要幫我留定💕香港好少見呢種UK美食(之前係london食過一次😚)免治豬肉包住流心蛋再炸🔥香脆惹味 配流心蛋黃好正!🥔松露是蛋炒配煎薯餅 Truffle Scrambled Egg on Pan-fried Hashbrown $62 (4.5/5)勁大份炒蛋🤤超香滑 松露味好香 好高質! 底下係煎薯餅 外香脆 條條薯仔絲好香軟😋不過幾飽濟 要share!🤭🍝真•卡邦尼意粉 Real Carbonara $82 (3.5/5)只用蛋黃同芝士整既傳統carbonara! 店員會即席刨芝士🧀仲有煎香左風乾豬肉 幾香! 但我覺得醬汁唔夠厚身 感覺唔夠多芝士～不過呢個價錢算很不錯👍🏻🍮是焦糖燉蛋 Creme Brulee $51 (4/5)好香濃蛋香同雲呢拿味🥹見到燉蛋嘅黃

好耐冇黎長洲一日遊啦🥳 長洲嘅大魚蛋同埋甜品當然好出名，但今次比我搵到呢間好出色嘅cafe，個名好特別叫「是蛋」🤣🤣 呢間Cafe細細地嘅，大概容納10個顧客左右，不過食物準備得好快，落咗單唔夠10分鐘已經可以開始食嘢啦👍超推介「松露是蛋炒配煎薯餅」，佢嘅份量超大份，松露味嘅炒蛋放係大家最鍾意食嘅薯餅上面，建議一嚟到就快啲食啦，趁薯餅仲熱辣辣嘅時候都幾好脆🤭另外都試咗佢嘅「是蛋自家肉醬意粉配溫泉蛋」同埋「櫻花蝦煙三文魚忌廉汁蝴蝶粉」🍝 兩個都好有特色，尤其覺得櫻花蝦同煙三文魚呢個配搭好好 💯 真心覺得呢間Cafe唔錯，值得再返嚟再試吓其他嘅食品☺️

應該無乜人唔識呢間長洲良心小店，佢地以蛋入饌，菜式好有創意。店內只坐到約10人，平日去都等左3-4個字，今次試左三款招牌菜，是蛋但不是但呢！🍽 松露是蛋炒配煎薯餅 Truffle Scrambled Egg on Pan-fried Hashbrown ($60)薯餅類似瑞士rösti嘅做法，刨好薯絲後壓平煎香。可能因為要將炒蛋疊成塔，所以比平時早餐食嘅滑蛋結實少少，但絕對唔係鞋，而且落左好多松露醬。🍽 土製炸蛋 Scotch Egg($49)香港版scotch egg，豬肉碎包住流心蛋再炸，一切開蛋汁即刻流出，豬肉碎炸完都唔乾，好食，有薯條伴碟。🍽 真·卡邦尼意粉 Real Carbonara ($80)越黎越多人知正宗嘅卡邦尼唔會會落忌廉，呢度都只係用左蛋黃同芝士，所以要趁熱食，唔係會痴埋一舊。上枱後店主即席刨巴馬臣芝士，同埋介紹佢地用豬面頰肉取代煙肉，更鹹香惹味，幾有誠意，意粉幾有嚼勁，不過我同朋友都覺得鹹左啲。餐牌：

同幾個朋友一齊入長洲行下平時都係食中式野多~夜晚就食海鮮.今日2點幾入到黎就試下新野食西式, 支持小店落船之後就即刻過黎排隊, 前而都排緊3枱..一排就差唔多等左30mins終於可以入座.我地嗌左All day breakfast, 香蒜蕃茄豬面頰肉意粉, 日日唔同意粉同埋一份松露是蛋炒配煎薯餅。All day breakfast: 炒蛋又香又滑, 煎薯餅真係一絕, 係好好味。份量好足~係食唔晒的香蒜蕃茄豬面頰肉意粉: 呢個辣辣地, 蕃茄味好濃, 豬面頰肉好淋日日唔同意粉: 今日就係鴨胸意粉, 意粉軟硬度岩岩好~好味 松露是蛋炒配煎薯餅: 絕對係比佢驚艷到! 好欣賞佢個薯餅係一絲絲嘅薯條, 唔係外面既急凍薯餅, 食落好香有d邊係脆卜卜下次黎都一定係為左煎薯餅