更多
2016-12-17
892 瀏覽
之前行過次次都見到幾多人,今日見放工都冇乜嘢做就行過嚟食下。 舖頭名叫甲天下正宗桂林米粉,等我就試下佢咪真係咁正宗先! 個米粉大概30至40蚊不等。跟住就可以自己再加材料。我見平時都係食米線呀,木薯粉嗰啲,今次見佢有個螺螄粉覺得幾特別,所以就叫咗個黎試下。不過此螺螄粉就不同彼唔係螺絲粉。因為佢唔係嘅形狀係螺絲,而係佢個粉入面有一種叫做螺螄嘅,應該係貝殼類嘅嘢 ,我都唔好sure, 但好似幾特別咁,以前喺鄉下好似見過。 個粉嘅份量都幾大。基本上就係木薯粉 , 但係個湯底就似乎係用螺螄嚟淆嘅。有少少辣,都幾濃味! 感覺好有家鄉嘅風味。 上面除咗我加個幾個配料,仲有本身個粉個d豆角,腐皮等等。 個五花腩肉真係超級肥, 但係又好好味 嗰種入口即溶嘅感覺唔會令到你覺得好似食咗啲豬油落肚咁樣。 我仲叫咗個豬手同冬菇,兩樣都炆得好林!我好喜歡 朋友叫咗個乾撈薯粉。撈檬就聽得多!估唔到薯粉都得!真係第一次見幾有特色呀!同埋試過都覺得幾好食, 仲有特別係再加咗呢玉林牛巴,好香!好有牛肉味而且烤得啱啱好 仲要讚嘅係佢有得免費咁樣添前菜! 有醃青椒同埋醃蘿蔔, 醃蘿蔔就食得多,醃青椒真係第一次見。感覺幾清新
61 瀏覽
0 讚好
0 留言
51 瀏覽
0 讚好
0 留言
張貼