回春

營業中

休息中

🐏 迷迭香輕煎紐西蘭羊架佐莎莎焗薯（$168）一上枱就聞到好香嘅迷迭香味道，羊架有3件，份量頗多，羊架醃得好入味之餘唔羶；焗薯切成片狀，入味之餘保持爽脆，加上由生洋蔥同紅黃青椒整成嘅莎莎，味道帶點辣亦有開胃解油膩作用🐖 斧頭豬鞍伴紅酒川貝肉桂燉啤梨（$148）豬鞍好大塊好厚身，肉質結實但食落口肉味香濃肉汁鮮嫩，表面燒得金黃焦香仲帶有脆邊，配上用紅酒川貝同肉桂燉嘅啤梨，紅酒川貝同肉桂嘅香味滲透哂入啤梨，非常入味，食完豬鞍再食啤梨，啤梨嘅香甜啱啱好中和左豬鞍嘅膩🥛核桃蘋果香蕉燕麥奶昔（$58）奶昔好幼滑，燕麥味重，奶昔嘅甜味係來自香蕉同蘋果本身而且無額外添加糖，好味有益又健康☕️ Ruby Ruby（$58）佢由士多啤梨、石榴汁，檸檬汁同Long Black組成，第一啖飲落口會飲到士多啤梨同檸檬嘅酸甜果香，然後黑咖啡嘅回甘慢慢滲出來，餘韻系口腔持續時間頗長，味道頗特別

- 荔枝角｜回春 -▪️斧頭豬鞍🐷 伴紅酒川貝肉桂燉啤梨🍐豬鞍好厚身，但煮得啱啱好，肉質鬆軟而多汁，亦都好有肉味。伴碟有紅酒川貝肉桂燉啤梨，紅酒滲晒入啤梨入面，好香甜，又可以一解肉類嘅膩感▪️地中海鮮燉飯🥘用上新鮮蕃茄🍅，配搭墨西哥煙燻辣椒🌶️去燉飯，酸酸甜甜中帶少少辣，好惹味。飯面有大大隻虎蝦🦐、青口，同埋紅黃波椒🫑，好豐富▪️核桃蘋果香蕉燕麥奶昔🍎🍌🥛奶昔用新鮮水果去blend，好清甜，唔需要添加糖都夠晒味，係健康嘅感覺▪️美式咖啡☕️▪️自家製開心果巴斯克芝士蛋糕🧀🍰一入口開心果味道非常濃厚，口感幼滑creamy，再加啲cream同開心果碎，更有層次▪️自家製紅棗黑芝麻巴斯克芝士蛋糕🧀🍰係新口味，食落黑芝麻味比較突出，再帶有淡淡嘅紅棗香，配搭特別回春 📍荔枝角福榮街538號喜遇地下1號舖

今日發現到呢間特色嘅Cafe 🩷環境以木系嘅裝修有種文青嘅感覺🪵見到Menu既食物同飲品都比較健康蔬菜同水果嘅份量都唔少🍀有種養生小清新岩曬我口味🎋⭐️ 松茸味噌三文魚春之定食 💚三文魚豐富得黎有豐富嘅蛋白質🍣 配上松茸菇飯好入味🍄‍🟫 兩點係附上唔同嘅蔬菜生果例如蕃茄同蘋果🍅同埋丸子做甜點🍡有種家庭便當嘅溫暖感🫐⭐️ 秘製冬蔭青口海鮮蝴蝶粉 🥘冬蔭醬嘅調味香口而恰到好處🌶️融入晒蝴蝶粉裏面青口都好新鮮彈呀🐚⭐️ 自家製伯爵茶巴斯克芝士蛋糕 🍰巴斯克芝士蛋糕嘅半溶口感掌握得好出色🎨伯爵茶既茶味好突出唔會過甜☕️整體係好有驚喜既甜品🍮⭐️ 核桃蘋果香蕉燕麥奶昔 🍼香蕉配上燕麥奶好Smooth甜度好天然🍌加上蘋果淡淡既香氣🍎有高纖排毒嘅作用🥹

呢排真係真係食得太多肉🥹🥹係時候要食得健康啲清一清腸胃，食個美容餐😇今次我哋去咗間環境幾靚，野食又好養生嘅cafe😌😌😌🥘秘製冬蔭青口海鮮蝴蝶粉 ($108)一嚟到已經勁香😌蝴蝶粉夠爽彈，除咗兩隻大青口，仲有好多粒粒海鮮🦐秘製冬蔭醬汁甜甜辣辣加埋重蒜勁惹味😋雖然愈食愈辣，但真係辣得好上癮😝大推‼️🍳素食All-day ($108)食得健康餐就試吓素食嘅ABD😝原來冇想像咁齋😆中間嘅黃薑豆腐都幾惹味，南瓜同雜菇炒得好香😋堅果貝果配香草cream cheese好好食🤤🧀自家製巴斯克芝士蛋糕 ($58)到最後都忍唔住要叫甜品🫣芝士味幾濃😋不過如果流心啲就更加正啦😆😆🍓火龍果杞子莓莓燕麥奶昔 ($58)🍎核桃蘋果香蕉燕麥奶昔 ($58)見到咁有功效嘅奶昔點可以唔試💃🏻杞子明目，香蕉火龍果又排毒😇兩杯都勁天然冇添加😋仲要燕麥奶味勁出，好飲又有益🥰🥰🥰