四季良晨 (新都城中心) (已結業)

去完朋友屋企, 順便食埋野先走但其實已經2點幾見到呢到無乜人排隊, 好快就入左去, 應該只係好彩, 因係我地坐低左就出面有人排隊 見到menu 有下午茶但因為仲未食午餐,同埋打算晚飯食少啲所以就skip 左呢一個page但望返lunch menu 都好平如果大家行開過黎,下午茶時段真係幾抵食呢到應該係出名食牛肉麵所以就一定揀返一份牛肉麵啦一解台灣之愁呢個係紅燒牛筋三寶麵可以揀米線我黎食台灣野, 梗係揀返台灣麵呢到上菜好快我估我落左單俾埋錢唔到5分鐘牛肉麵就已經送到上黎乜都唔洗講, 飲一淡湯先湯頭顏色唔係好深色起初以為都係一般貨色但原來係有驚喜佢呢個湯頭飲到牛肉味但仲帶啲甜味 同埋 好少少嘅藥材味呢個感覺就好似用左甘草去煮咁帶少少甘味同藥材味係絕對係好飲再夾埋啲麵一齊食個麵都係有心之作因為佢個軟硬適中有啲出面牛肉麵用個麵係太硬呢個係兩者之中, 我自己幾鐘意呢個質應, 唔洗點用力都可以咬開個麵, 用筷子都可以夾開到牛肉係牛腩位黎,呢個牛腩位一啲都唔會煮得過快都係一咬就開, 同埋牛肉味好濃中間嘅肉仲係粉嫩嫁!牛筋有三大舊! 同埋大量牛肚!兩樣都係好入味同埋好淋! 另外點左一份三杯雞定食套餐呢

今日同屋企人去新都城行街，見到四季良辰有好多人等位，於是我地都一嘗佢既下午茶。下午茶好抵食！價錢$19起。我地點左好多樣黎食😬1.芝士醬酥排骨吐司，吐司烘到表面脆脆地，酥排骨脆香，加上芝士醬，好味！😋2.芝士肉鬆蛋餅配地瓜薯條，蛋餅入面非常之足料，餅皮煙韌。平時好少食到地瓜薯條，每條都好粗，有地瓜甜甜地既味！👍🏻3.煎餃子配桂花雞翼，餃子煎得剛剛好！雞翼炸得好香脆，有一小碟香甜既桂花醬去比雞翼點黎食，好夾！👍🏻4.紅燒鹽酥雞扒麵，鹽酥雞扒皮脆肉嫩👍🏻可惜可能因為我擺得太耐，麵有點冧。5.麻辣紅油水餃，正常表現。6.紫薯薏米黑糖冰仙草，好足料，有好多綠豆、薏米、紫薯，軟硬度適中；仙草同黑糖冰，甜度剛好！😋7.熱紅豆豆乳，唔會好甜，又有我既至愛-紅豆！😋8.芝士奶蓋桂花烏龍茶，芝士奶蓋好香濃，加埋茶一齊飲，唔會覺得飽濟👍🏻總括黎講，樣樣都好好味！性價比極高！推薦👍🏻

星期六同男朋友去食台灣菜，2:00已經有下午茶餐叫。芝士醬酥排骨吐司配桂花雞翼+番茄湯米線芝士醬酥排骨吐司食落夠香脆，吐司亦烘到夠脆身，同香口既排骨夾住一齊食好惹味。桂花雞翼既桂花係要自己點附有既一碟桂花醬。雞翼炸得香脆惹味。番茄湯米線正常。加配滷水豆腐，唔會太鹹。煲仔 ‧ 塔香三杯雞定食配上湯浸時菜及白飯雞件份量夠，啖啖肉，不過三杯既味道唔太出，但本身個雞係唔錯既。拉絲芝士肉鬆蛋餅配地瓜薯條蛋餅略油但足料，地瓜薯條熱辣辣，唔會油淋淋。紫薯珍珠黑糖冰鮮草十分足料，有幾舊紫薯，大量珍珠、椰果、仙草，仲有黑糖冰，不過我嫌太甜。芝士奶蓋阿華田少甜好好飲，芝士奶蓋重奶味，阿華田味濃，無用水黎溝稀到，而且兩者好夾。夏日水漾鮮果茶半甜少冰果味同茶味兼備，都唔錯。

《 台灣野永遠都食唔厭 》自從帶左朋友入台灣菜嘅坑之後，每次見面都係食台灣野。但又真係無論食幾多次都唔會厭。🐮 三盛紅燒牛肉麵 $69三盛分別有牛腩，牛展同牛丸。紅燒湯 湯頭清甜但後勁帶辣。牛肉嘅份量比得較為大方，牛腩同牛展都煮得入味，入口軟爛牛味濃郁～ 麵底係台灣麵。🐥 鹽酥雞排滷肉飯 $59鹽酥雞排香味撲鼻。雞扒外皮好脆，不過有小小硬。滷肉飯新鮮出爐熱辣辣，另有加香菇係滷肉之中，入口淡淡菇味有助降低滷肉嘅油膩感。而最特別係肉燥入面有加蔥油，哩個係香港食咁耐第一次見，肉燥嘅香味亦都大大提升。🥟 麻辣紅油水餃 $28就咁睇以為平平無奇，但麻辣紅油絕對能令你驚豔。入口已經覺得辣味突出，麻辣後勁亦都不容忽視，自問都喜愛食麻辣。喜歡挑戰食麻辣嘅朋友唔好錯過。🌼 桂花雞翼 $26哩個組合非常新奇，係鹽酥雞翼，另外配上桂花糖漿俾你點雞翼。雞翼鮮嫩有肉汁，加上糖漿之後，味道鹹鹹甜甜，都幾有趣。🧋 鐵觀音珍珠鮮奶茶 $23鐵觀音配上濃濃的奶蓋，入口淡淡茶香，珍珠甜度合宜又大粒。🧋 黑白配珍珠豆乳 $19豆乳係固定甜度，加上珍珠亦都唔會過甜，豆乳味道同珍珠配合。而且珍珠份量都幾多，飲完豆乳仲有珍珠淨

好耐冇去台灣，上次去好似系一年幾前嘅事，雖然喺香港都食到台灣菜，但味道當然不及台灣本土嘅特色😩記得幾個月前去過呢間台灣餐廳度食野，覺得啲食物都幾吾錯😋咁啱有個朋友又係住將軍澳，一於建議佢同我去食，睇吓今次質素同上次會唔會爭好遠先。上次入嚟都係好鍾意呢度個環境，有好多書籍同埋唔同嘅小擺設擺喺啲枱隔離，俾人感覺真·文青feel😁雖然話台灣野不嬲冇乜種類選擇，喺呢度黎講又唔係喎，淨係睇餐牌都有好多頁😳最抵食嘅我覺得係晚市套餐加原盅燉湯，$100都吾洗呀。其餘嘅主菜款式就有牛肉麵、台式傳統麵食同埋滷肉飯等等，應有盡有。首先就梗係試咗小食先，叫咗一份桂花雞翼，夠晒特別喎，喺出面真係未食過👀原來唔係啲雞翼本身有桂花味，而係有一碟仔嘅桂花汁，食雞翼嗰陣可以倒啲汁落去🤓好多味嘅雞翼都食過，但咁食真係第一次。炸雞翼本身係偏向油膩嘅食物，倒啲桂花汁落去令雞翼多咗份清甜。我就叫咗份鹽酥雞扒滷肉飯定食，呢份定食抵食，有埋上湯時菜同埋原盅燉湯☺️時菜係娃娃菜，健康美味。燉湯入面有粟米、豬骨等等，竟然冇乜味精，滋補呀👍🏼另一份就叫咗酥炸排骨麵，排骨每件都好脆，夠曬香口呀，份量都幾多。牛肉麵原來都有得揀湯底😳有紅燒牛

近期一再懷念台灣美食，所以今晚和朋友在將軍澳寶琳行街時見到有間食店，見佢裝修得好文青，俾人感覺好舒服睇吓係食乜，原來係台灣美食，啱晒我所想，即刻入去坐低試吓，叫左d小食、麵和飲品桂花雞翼：雞翼外脆肉嫩，唔點桂花醬已好好味，點左更加清甜美味煎餃子：皮薄多肉，咬落好多肉汁滲出台南手工餡餅：餅皮煙煙韌韌，香脆可口，肉汁味濃麻辣紅燒腱心牛肉麵：要左少辣，湯底好濃，台灣麵好彈牙，牛肉味濃好軟腍，呢度好細心，將辣油分開用碟仔上，等食唔到辣既唔使浪費整碗麵麻辣蕃茄豬肚麵：一樣係少辣和台灣麵，蕃茄湯底好濃蕃茄味，有好多鮮蕃茄和豬肚，蕃茄酸酸甜甜，豬肚好爽唔韌，好大碗麵好底食荔枝QQ綠茶（凍）：香甜荔枝味和清香綠茶味，而且有粒粒好似椰果肉粒增加口感芝士奶蓋阿里山金萱（凍）：鹹香芝士味配上甘香嘅茶香味，配搭好正台灣美食食極唔厭真係值得一試再試

今日相約朋友去新都城食下午餐，又想食台灣菜就諗到四季良晨呢間，因之前食過一次又幾好味。芝士醬蘇排骨吐司+蕃茄湯米線，芝士醬蘇排骨吐司多士烘到好鬆脆又軟熟，蘇排又炸到好香配埋一起食好好味，地瓜又炸得好香口。蕃茄湯米線湯底好濃郁，米線又有咬口又夠味道。桂花雞翼雞翼煮到外脆內嫩又有肉汁，沾上桂花汁又更加香又好味😋古早味滷水拼盆有腱心牛𦟌，牛肚，雞翼，蛋，腱心牛𦟌好有咬口又不韌，全部滷得好入味又不會太咸。台灣烤香腸香腸好香又不油膩。

位於將軍澳新都城商場的臺式食店，7點半還未到就已經有超過10個人排隊就知道很受歡迎。選擇多元化，臺灣麵、定食、小食等等一應俱全，而且價錢相宜。我們吃了這麼多才240元左右。一定要推介嘗試的是桂花雞翼雞翼炸得十分鬆脆可口，更重要的是店員為他配上了桂花糖漿，這是沒有試過的新口味。點完後雞翼變得十分甜美、清新！本來想試餡餅，但是7點45分已經賣清光了只好改為煎餃子吧。晚市定食套餐10分超值，才70多元就已經有正宗燉湯、鹽酥雞扒、上湯浸菜，還可以自由選擇滷肉飯或者雞肉飯，由於滷肉飯較常見所以嘗試了後者。以為祇有雞肉碎原來是很豐富很多的雞肉還全部都是瘦肉呢，簡直多得好像有另一個餸菜般，十分豐富。滷水蛋牛腩雞肉飯也十分美味，連配菜也做得很出色，白蘿蔔老蛋十分入味，牛腩沒有多餘的肥膏，但是一點也不會乾硬。別小看白飯，也充滿驚喜，飯裏面有甜豉油和蔥油，吃起來更加香滑。當然不能錯過燉湯，從圖中可見肥油沒有太多，而且沒有味精配搭也很健康，今天的湯正是蓮藕綠豆薏米湯，非常滋潤清火，吃完鹽酥雞扒後正好下下火呢。兩款茶飲也非常值得推薦，這裏的另一個窗正是賣外賣飲品的，別的茶飲都是容易調好的茶加水，但是這裏卻是完

話說上星期三我拎左個對我黎講幾重要嘅獎於是同我BOSS去慶祝一番我BOSS帶左我黎到勁耐無黎嘅寶琳係四季良辰食一餐豐富嘅台灣菜我就要左紅燒三盛牛肉麵($68)三盛牛肉包括了 腱心牛肉 牛腩 牛丸湯底清甜而濃郁 自家研製的幼麵味道好夾 而麵質有彈牙口感👍🏻而MY BOSS就叫左酥炸排骨滷肉飯 ($76)仲有上湯浸時菜 加個冬瓜蜜棗花生燉排骨湯份量豐富 氣勢迫人酥炸排骨脆身 配上滷肉飯 整體好香濃😛另外想推薦 獨有的桂花雞翼($23/3)點上桂花醬汁 味道清新香甜 好夾雞翼😋________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

經過這裡看到豐有台灣特色的餐廳，有花花牆身和書架牆身佈置，書卷味道濃郁，很有文青風格📚鹽酥雞排滷肉飯套餐 $76套餐包括上湯浸時菜和蟲草花杞子燉雞湯。我和朋友很久沒有吃滷肉飯！於是2人把整個滷肉飯吃光了🤣很誘人的滷肉味道。鹽酥雞排酥脆金黃又不油膩燉湯碗小小的內裡材料十足，有雞有杞子，味道較清淡，濕潤喉嚨不錯喔！😋涼拌貓耳朵 跟套餐加配的貓耳朵，冰涼爽口的雲耳帶點微辣，超開胃的前菜😊滷水牛肚 $38滷水味道濃郁，牛肚彈牙爽口！久違沒有嚐過牛肚的我按耐不住多吃幾塊😂蕃茄濃湯水餃 $28蕃茄味道十足，水餃有4大隻！皮薄餡多，每隻好juicy! 每人分2隻剛剛好🥰桂花雞翼 $23雞翼香脆可口，肉質不錯，桂花醬味道甜甜的帶有淡淡清幽桂花味道，小清新的感覺☺️鹽酥花枝丸 $23花枝丸酥脆兼彈牙，喜歡內裡花枝味濃郁又有嚼口🤩原來特飲是手沖台灣飲品🤣以外賣杯子送到，很可愛喔～鐵觀音珍珠鮮奶茶 $23少甜味道剛剛好👍🏻茶味較濃😌還可以選熱的珍珠奶茶！珍珠小小的很飽肚😂日式紅豆抹茶 $26抹茶味道較香濃，飯後喝一杯好滿足喔🥳❤️mylittle score： 7 ❣️Will I be back? 70%

於8時到達四季良晨，門外有十數人排隊，可幸的是等待時間不長。入座後，職員送上餐牌，食客需要到門口收銀處下單。職員安排我們與其他食客搭枱前先詢問意願，後來更主動安排轉至2人座位，非常貼心。飲品於10分鐘內送上，鐵觀音珍珠鮮奶茶的珍珠軟硬程度適中，半甜味道剛好，鐵觀音茶底比普通珍珠奶茶清新。由於茶包置於飲品中，後來即使開始溶冰，茶味仍能保持。食品方面，地獄三盛牛肉麵(可選小辣)有三款配料，以炆牛腩最為出色，淋而不散。鹽酥雞排滷肉飯是一整份餐點，包括了湯、菜及主食。雞排醃製及油炸時間合適，經油炸後仍保持多汁，而炸粉之薄及脆亦屬難得。因懷念台灣掃街之樂，特意再點了台式烤香腸、椒鹽花枝丸及桂花雞翼。其中花枝丸大大粒，花枝味道突出。而桂花雞翼仍新奇之作，甚具特色。餐廳環境清新寫意，我尤其喜愛那幅真書牆，打卡一流!

很久沒來將軍澳，發現這邊原來開了很多不同的餐廳。隨意選了這家台灣菜的，才發現裡面裝潢很有心思、又放了很多書，很特別喔。下午茶時分人很多，到我們走的時候才比較多空位了。黑糖珍珠鮮奶 $29近期那麼火的黑糖珍珠鮮奶，自然還是該試一下的！芝士奶蓋白桃烏龍茶 $28 加蘆薈 +$4白桃烏龍茶看到茶包，茶味頗濃的。桂花雞翼 $38 5隻桂花雞翼原來是炸雞翼配上桂花醬，味道很特別呢！椒鹽花枝丸 $38 5粒這個絕對是我吃過最好吃的花枝丸之一，不會只感覺在吃麵粉，花枝超多的。台灣烤香腸 $28烤香腸也很惹味，大大的一盤喔。養生清燉牛腩麵 $58朋友點了牛腩麵，感覺蠻不錯。上湯浸時菜 +$6麵食可以加配小食，先要了一個時菜。涼拌貓耳朵 +$12另外還加了一個貓耳朵，份量也不少呢，很好吃。不是剛好來這邊也沒發現有這種有水準又價錢得宜的餐館，偶爾真的要到處explore一下呢！

台式餐廳食嚟食去都係嗰幾間，今次試試新意思，呢間餐廳由裝潢到食物都好用心，價錢相宜，味道唔錯。煲仔 · 塔香三杯雞飯 $88 呢個係晚市定食，跟餐有埋上湯浸時菜同埋燉湯，三杯雞用上九層塔煮，味道香濃、肉質亦嫩。麻醬雞絲冷麵配涼拌貓耳朵 $52 加配滷水蛋 +$6 夏天真係好難抗拒台式冷麵，特別係佢濃濃嘅麻醬，簡直將成個麵昇華，呢到嘅冷麵整得都出色，雞絲唔會乾柴，而且麵質好彈牙。涼拌雲耳調味出色，酸味恰到好處，超開胃。蕃茄濃湯水餃 $28/4隻 水餃比較一般，外皮略嫌有啲厚，但係個茄湯真係對得住濃湯呢個名，相信如果叫茄湯嘅麵食應該好出色。桂花雞翼 $23/3隻 我孤陋寡聞，叫嘅時候我以為係凍食嘅，原來係將一隻隻炸起香脆嘅雞翼，點上桂花醬嚟食，個桂花醬靚到呢～ 兩者配起上嚟食，都幾夾，點上個醬後味道fresh啲，食起上嚟無咁熱氣，同埋個味道都幾特別，好鍾意。芝士奶蓋抹茶 ＄28 芝士奶藍唔算突出，比較稀身，只計抹茶嘅話味道可以。鐵觀音珍珠鮮奶茶 $23 鐵觀音茶底清香，茶同奶比例唔錯，整體都ok。唔駛加一服務費，埋單2人約$250。如果你鍾意睇我嘅食評，不妨關注我，支持吓我，謝謝你☺️💕

四季良晨🥰寶琳CP排隊台灣菜.星期五去到寶琳晚飯🍽揀咗呢間排隊台灣菜.麻醬雞絲涼伴麵 配雲耳🍝超級大碗! 上菜個刻有少少嚇親因為真係幾大碗，麵上面鋪滿青瓜+雞肉+蛋絲+蔥花。點解一啲都唔孤寒，雞肉好多😍麵身好彈牙，撈左甜甜的麻醬，好爽好好食😁值得一題呢度嘅小食可以揀少量或者多啲，好適合兩個人黎食，而又想食好多唔同種類嘅小食嘅人！👫.桂花雞翼🐥 $23/3隻本身唔知係啲咩，但見到OpenRice推介美食就嗌黎試吓。原來係炸雞翼配上桂花嘅醬汁，桂花醬汁好似蜜糖咁，但係非常清甜無蜜糖嗰種酸味，點落炸雞翼上面好特別，令本身熱氣嘅雞翼變得清甜滋味😋椒鹽花枝丸🍢 $23/3粒炸左嘅花枝丸幾彈牙，食到入面粒粒嘅花枝🦑現做煎餃子🥟 $28/4隻煎餃子亦都唔錯，皮煎得香脆，豬肉餡多肉汁👍🏻酥炸排骨滷肉飯🐷炸排骨係薄切豬扒配炸粉，飯上舖滿肥瘦均勻嘅滷肉碎同滷肉汁，炸排骨同滷肉飯幾時都係最夾嘅！見到隔離枱嘅炸雞扒都好吸引，下次試吓！飲品芝士奶蓋阿華田🧀🍫 +夏日水漾鮮果茶🌻阿華田配芝士奶蓋個組合都幾新鮮，但又估唔到原來阿華田同芝士一齊飲又OK喎！鮮果查好Fresh好鮮甜，入邊好多新鮮生果，茶味亦好香😇呢間台

平時都幾鐘意食台灣嘢，又鐘意飲台式茶飲，所以經過見到呢間四季良晨都有啲興趣試下。打開餐牌，有啲set仲有菜加燉湯，均衡飲食，夠健康啦掛，都不過係七十幾蚊姐，幾抵食。比較可惜嘅係牛肉麵冇定食set，只可散叫🥺。為食嘅我地太肚餓啦，叫左兩款小食同飮品頂住肚先😋《桂花雞翼》本身覺得桂花配雞翼好似九唔搭八，但食落有驚喜喎！雞翼個皮好脆，肉夠juicy，個醬汁係桂花糖漿，有花瓣嫁，食落好重花香，配雞翼又意想不到地幾清新幾夾喎！推介！《煎餃子》見餐牌寫個餃子係明係爆湯汁同必食，所以叫左。咬落又真係好爆汁，餡料豐富，唯一係略嫌個皮厚左少少。《仙氣火龍果茶》顏色紅紅地紫紫地咁女仔應該幾鐘意。茶底相信係桂花，上面就係火龍果汁，比例幾平均，火龍果味都明顯，我建議可以叫少甜，可能果味會更出。《芝士奶蓋桂花烏龍茶》個芝士奶蓋偏甜，冇鹹香味，配埋桂花烏龍，飲落竟然有啲似芒果奶昔嘅味道。我個人比較鐘意喜茶嗰款鹹鹹地嘅芝士奶蓋，配純烏龍茶應該會更突出到茶味。其實已經有啲啲飽，但仲有兩個主菜未食😂《滷水豬手飯定食》豬手好入味而且炆得好焾，最想讚嘅係個燉湯，蘋果無花果燉排骨，好清甜好正！！仲有好多湯渣可以食，所以飲完已