快樂漁港酒家

營業中

休息中

平時唔多寫Review, 今次真係忍唔住要比個好評 「快樂海鮮酒家」星期五晚同同事慶祝生日想食海鮮🦐🦞🦀，就揀左鯉魚門呢間快樂試下點知好有驚喜😋😋🦐🌟呢個黃金蝦開邊炸左，隻隻都好大隻又香 非常惹味 ！☄️ 睇落呢個蒜蓉粉絲蒸扇貝好似平平無奇，但佢個蒜蓉係生熟蒜 😍 好夠味呀！！ 完全唔駛咩蒸魚豉油， 重點係隻扇貝好新鮮，彈口又唔痴牙🤩🤩🔥椒鹽賴尿蝦炸得個外邊夠乾身唔會油淋淋既感覺， 啲肉仲好嫩！ 我自己本身唔好賴尿蝦都食左幾舊呀😋😋👀👅 黎到重頭戲啦～ 招牌芝士焗龍蝦伊面💥🦞呢個真係俘虜左我既心呀佢唔似一般既芝士焗得好膩既感覺全因老闆佢加左一種特別既食材入去😏😏個汁掛麵得黎仲有種綿密感，當然龍蝦亦沾滿芝士汁， 相信呢一道餸大人細路都鐘意👍🏻👍🏻最後呢個係客家砵仔焗魚腸🐟🐟講真我真係第一次食呢味菜不過同事就話想食呢道懷舊菜式特別叫既😆好煙韌既感覺，配合埋胡椒粉辣椒醬👍🏻👍🏻👍🏻最後酒樓仲送咗啲精美甜點比我地，員工都好親切幫我地影相切蛋糕，為我地餐生日飯劃上完美句號🎊🎁

大伯生日，　一行九個大人，五個小朋友出發去鯉魚門食海鮮慶祝！一共叫咗六個海鮮同以下架食物：1. 鼓椒聖子(10隻) (辣辣地,好彈牙,好美味)2. 墨魚刺身(2隻)／白灼 (跟埋一個芫茜豆腐火鍋俾你灼啲墨魚)3. 椒鹽賴尿蝦(5隻) (好味) 4. 上湯大蝦(6隻)伊麵 (好啱小朋友食架伊麵)5. 薑蔥蒸鮑魚(10隻) (好鮮味)6. 薑蔥炒肉蟹(2大隻) (都好ok)7. 楊洲炒飯 (一黎驚啲小朋友肚餓,叫個炒飯俾大家食住先,大碟夾抵食$75)8. 咕嚕肉 (冇食到,唔知味道)9. 芥蘭煲 (喊咗少少)10. 一人一碗木工豆腐魚湯 (free) 好飲11. 鮮果拼盆 (free) 12. 桂花糕 (free)海鮮都叫咗$1,500左右,每人坐低已經要收$80, 仲有加一同茶芥,諗住要差唔多四千, 點知買單都係$3,100,所以都ok!

以人頭計的海鮮酒家,感覺無咁扼秤。今次係第二次來。餐前枱上小食是,糖芯皮蛋酸薑、鹽花生、酸青瓜(可是豐富!每位$10計)。七人可揀六款海鮮。豉椒蟶子,大隻、鮮甜、豉汁勁正!椒鹽賴尿蝦,上次整得過咸,今次就啱啱好,賴尿蝦肉好爽!白灼海螺,大家說好食,但我真係唔識欣賞。蒜蓉粉絲蒸帶子,無乜特別,都係好食既!清蒸海青斑,蒸的時間剛好,肉唔韌,難得難得。上湯e麵大蝦(e麵+$40),蝦真係好大隻,味道/口感同食龍蝦差唔多,可惜上湯好淡,白烚可能仲好食。雞油鹽焗奄仔蟹,原來可以用雞油咁整!?好香之外,蟹本身也好多膏,尤如大閘蟹,好好食!魚湯浸菜芯$68,好激氣!熟客同事之後同我講,海觧檔(i.e.琦旺)會送菜,和炒飯。但老公去揀海鮮時,阿叔無俾海鮮menu佢,無白紙黑字,此「優惠」,已沒法追究。p.s淨海鮮每位$250；加工費每位$90-$110；醬芥@$10、茶芥@$10

同事帶領下,去到呢間最篤篤的酒家,我地十二人,可揀七款(on list)海觧。然後行前幾個鋪位─琦旺係同一公司的海鮮檔,揀海鮮。除左海鮮外,仲叫左幾碟小菜。炒芥蘭、炒通菜。椒鹽豆腐,雖然豆腐唔脆,不過椒鹽幾惹味。咕嚕骨,沒太多炸槳,排骨有脆感,難得難得。海鮮時間開始喇!白灼蝦,吓….原來係海蝦!?我我鍾意食紅bob bob的基圍蝦多D law…木瓜豆腐魚湯,魚味唔濃,不過木瓜味都幾出,ok啦。炒蟶子,好鮮鮮鮮甜呀!!肉質軟綿綿架!微辣度,增加惹味!蒜蓉粉絲蒸帶子,賣相非常企理,我覺得蒜太多,蓋過左帶子鮮味,同埋蒸過火了。油泡墨魚,新鮮墨魚已經好好食,但係酒家秘製既蝦醬仲正正!極之鮮味,可惜無得買走。椒鹽賴尿蝦,佢地好有良心,先上一隻,說道另一隻開左無膏,再整過一隻俾我地。呀…佢地D椒鹽真係整得幾乾身,幾好食咕噃!清蒸雜斑,少少蒸過火,條斑種都唔係咁好味。芝士焗龍蝦,萬眾期待!因為一同事是「熟客」,加量E麵底。橙色芝士好食過普遍的黃色芝士好多好多倍!由於芝士味濃,龍蝦味好似迅色左。薑蔥炒蟹,兩隻肉蟹,真係好多肉,好多膏!不過肉味好似有D霉霉地味,食唔郁。揚州炒飯,很乾身,又多义燒、蝦、芥

Honey 鐘意食海鮮，佢生日當然要就吓佢啦，我哋嚟到鯉魚門就先到明記揀海鮮，因為個老闆都幾老實，我問佢有什麼海鮮抵食，佢話閹仔蟹好靚又多膏，嘩！"多膏" 聽到就要食，原本想要大蝦，但佢話大虾喺養嘅，叫我哋揀中蝦喎、其他仲有聖子王、賴尿蝦和貴妃蚌，買完海鮮就去酒樓啦。嚟到時已差不多滿座，好彩我哋一早Book 咗位，到達後waiter 帶我哋到近窗口的枱，可以睇到海境，坐得幾舒服，十分滿意。坐低後waitress 先開茶及放低花生和酸瓜，花生很香脆但咸咗少少，不久有個 waiter 過嚟問我哋点煮D海鮮，我哋揀完煮法，就等食嘞。 首先嚟碟豉椒炒聖子王，好惹味，爽口又唔靱，煮得啱啱好，好好味呀，唸住仔仔食唔哂一只，我想幫佢食D，點知佢食完仲想食。 跟住喺鼓油王炒虾，個Sauce甜甜哋，D蝦鮮甜又爽口，有少少膏，好正呀，如果大隻D就更好嘞。 椒鹽賴尿蝦和粉絲蒜蓉蒸貴妃蚌差不多同一時間到，先食椒鹽賴尿蝦，炸得好好，D膏就熟哂但肉又唔會乾，椒鹽也很惹味，愈食愈開心tim，Honey 都好欣賞椒鹽賴尿蝦，早知要多隻啦，仔仔都唔執輸，我食乜佢又食乜，真喺拍住上。試吓個貴妃蚌，貴妃蚌都唔錯，但D粉絲

今天是祖母的生日,我們一班孫仔孫女及她的仔仔女女一起到鯉魚門食海鮮為她慶祝.今晚這一餐海鮮餐真的很昂貴,但真係一分錢一分貨,比起普通的海鮮酒家,真的貴得很有道理.通常到酒樓食海鮮,都會有炒聖子,賴尿蝦等等. 今晚,這幾碟例牌菜,真係好好味.首先,先講講這碟炒聖子. 師傅真係炒得好有鑊氣,很夠火候,最主要是口感十分適中,但唯一的美中不足,就是這個汁鹹了一點,所以我們很喜歡這個汁來溝白飯,也不錯的.而椒鹽賴尿蝦,也是不錯的. 真的很香口. 雖然好大隻,但好似肉不是太多.閹仔蟹,蟹十分多膏,好好味. 雖然是閹仔,但價錢也不平的.鮑魚也真的好好味. 之前到布袋澳食過一間海鮮店的鮑魚很難咬的,但這一間便完全相反,咁大隻鮑魚口感也剛剛好,鮑魚又滑又好好味,超正.今晚食了很多好貴的海鮮,有一碟我還未介紹,而我也覺得這一碟是全晚師傅整得最好味的一碟,就是花尾蠆. 食過咁多碟濃味海鮮,終於有一碟清清淡淡的海鮮了. 清淡得來,特別帶出魚的鮮味,也不太油膩,勁力推介.之前食海鮮都是去一些普通的酒樓,今次十分豪氣地來到鯉魚門,開了一間貴賓房,而且還是望海的.終於明白,點解鯉魚門比普通的海鮮酒家貴咁多,除了望