炊豕店 (威靈頓街) (已結業)

喺中環返工都聽過炊豕店，呢間台灣人氣小店，午飯時段經常大排長龍。年尾多嘢做要加班晏收工，晚上見唔使排隊，即刻跟同事去食返個豬扒飯！餐廳裝潢 懷舊有Vintage感覺，店小整潔有點擠擁。店員態度良好，點餐送餐服務秩秩有序。眼見顧客車水馬龍，翻枱率高甚有效率！餐廳主力做豬扒飯，有3款招牌口味 -蔥油、秘製肉燥、秘製咖哩，每款都係$50-60。呢個價喺中環基本上都好難搵到！秘製豬扒飯 (肉燥汁) 58招牌飯餐 神級豬扒好似隻手板咁大塊，差不多遮住個碗，外皮鬆脆粉薄，炸得乾身唔油膩，肉質嫩滑Juicy。肉燥滷蛋飯 54呢度嘅肉燥係用切碎豬肉粒，肥瘦適中 特別有口感。醬汁用甜醬油混製，鹹中帶甜，非常惹味撈飯一流。椒鹽魷魚鬚 38必食推介！ 採用魷魚鬚 酥炸香脆，椒鹽惹味香口，有濃烈嘅海味魷魚乾味，應該係經過風乾吸收曬水份，才用高溫油炸，魷魚鬚味道非常突出！

今個星期都非常之忙，甘啱晚上去到中環威靈頓街，想食埋飯先返屋企，路過見到有間好多人既小店，就走入去試下新野。入到餐廳，地方不算大，但裝修走經典懷舊復古路線，仲一直播放住80後聽得最多既Local流行曲，心裡面覺得好有Feel~ 真係詁吾到晚上8點幾中環既小店都仲係甘多客人。秘製豬扒飯 (轉撈幼麵，配肉操汁，加厚午餐肉)飲品: 蘋果汁 (set hk$ 74)呢個豬扒麵好大碗，件豬扒接近成個碗面甘大，豬扒大大件，熱辣辣，似係新鮮即叫即炸，豬扒外表炸得金金黃黃，咬落去啖啖肉，非常香口鬆脆，肉質又厚又實在，但又不會覺得油膩， 而且仲帶點juicy, 以炸豬扒來講，真係好有驚喜!!另外加配既午餐肉，煎得外脆內軟，而且有成吋厚，真係食肉獸至愛~至於撈麵，似係幼身蛋麵，麵既份量好多，麵質彈牙，而且撈埋炸蒜蓉同埋肉操汁來食，非常惹味!!~ 秘製豬扒飯 (配肉操汁，加炒滑蛋)飲品: 五花茶 (set hk$76)炸豬扒配埋台式肉操汁，味道超夾，加埋個厚厚既炒滑蛋，食完超滿足!!~椒鹽魷魚鬚 (hk$38)魷魚鬚炸得非常香脆可口，醃得好惹味，值得一試!!~整體來講，如果要食好味有水準既炸豬扒，中環呢間小

起初聽「炊豕店」以為係日式豬排餐廳，但原來佢係一間行港式懷舊風嘅美食店！久聞尼間餐廳嘅大名，時不時都聽到同事強烈推薦！為左方便7哥放工過海，我地就選擇中環尼間。由中環站C出口出左利源x街，大概行12分鐘就到！實情係🥢記附近，冇想像中咁唔方便😂-是晚決定同7哥每人1個主食+1個小食1. 蔥油豬扒飯大量嘅蔥+芝麻，放係原塊厚切嘅炸豬排面，氣排十足！豬排炸到金黃色，香口脆卜卜得黎炸粉薄🐷 正呀！2. 沖繩豬軟骨飯而豬軟骨飯係完全另一種體驗！豬軟骨軟骨同豬肉嘅份量平均，唔會食軟骨食到好膩，又唔會食肉食到好寡🥴 甜甜地嘅秘制汁深深滲入豬軟骨、蘿蔔中，而蓮藕鬆化，撈埋珍珠米簡直係絕配♥️ 3. 炸芝麻雞翼炸雞翼嘅火候岩岩好！灑上辣粉，味道更上一層樓！必試之選！4. 椒鹽魷魚鬚Deep fried 有避風塘炒軟殼蟹嘅口感😂💭是晚溫柔嘅涼風由大窗吹入，聽住餐廳播放嘅懷柔舊歌（王菲，劉德華-一起走過的日子，李克勤-飛花，孫燕姿-Silent all these years），甚有一番味道。

有日lunch time同同事行過見到呢間店幾得意，上openrice見到零負評就即刻約happy friday兼長假前夕就約埋黎試一試有幾正~呢間店舖裝修好懷舊，好似去左六七大年代既食肆咁!牆上面貼左d懷舊海報，仲有古老要用手撥號既電話~點餐係剔紙仔既~樣樣都好似好吸引，最後我同同事分別叫左肉燥豬扒飯同蔥油豬扒飯~仲加多左個芝麻雞翼同椒盬魷魚鬚。野飲同事叫左cc lemon~我就叫左個熱蜂蜜生薑茶。cc lemon係咩名大家都知道就唔多講，想講既係唔係好多餐廳提供既蜂蜜生薑茶~因為今餐都係炸野比較熱氣~諗住有杯蜂蜜生薑茶可以清一清熱~果然叫得好~呢杯茶入口順喉唔過甜，薑味都夠重~岩哂女士飲!跟住我地既豬扒飯上檯~兩碗既豬扒都好大塊!炸到金黃色勁吸引!肉燥分佈係豬扒既下方，食落唔會過咸，撈埋飯食好好食!好有台灣既風味!而主角豬扒炸得非常脆口，但入面仍保留肉汁唔會炸得太乾，非常juicy惹味!同事既蔥油豬扒飯本身我諗到係會好油偏咸d，點知完全唔油，仲好香蔥油味，佢話比我既肉燥飯更香更好送飯，見佢三扒兩撥已經食哂，都知道一定好岩口味!另外叫既小食椒盬魷魚鬚亦唔錯~以前細個興過一排街邊買$1

愛情若不動人 世界再無浪漫💕美食唔識翻啅 肚皮豈會滿足😆短短兩個禮拜前係炊豕店銅鑼灣店吔完，一直想知佢幾時開中環店🤭今日行過蓮香附近見到，人龍未起就去馬💕門口寫住試業中，原來16號先開張🚩由幾時開始大家都玩soft opening? 可能做錯唔駛比人鬧得太甘🤭中環店暫時都係20個位以內，枱都未set晒😆 又係紙仔落單，價錢一樣宜人☺️中環店少咗焗飯，但多咗個梅菜扣肉飯😯對葱油無愛，要咗佢個秘製豬扒飯🐷（肉燥汁）加厚餐肉🥓加多個椒鹽魷魚鬚🐙豬扒飯上枱風采同銅鑼灣店一樣👏👏厚厚既豬扒，豬扒表面係燈光下面閃耀🌟 呈現出黃銅優雅神秘既顏色😮 豬扒下面藏住加左既厚餐肉 炸出黎既豬扒同餐肉一啲都唔油膩，咬口落去啲肉汁都係完美鎖起💋飯底溝埋佢既肉燥汁，唔會太搶👏迫走豬扒味，餐肉味又無頂企✌️ 至於小食魷魚鬚🐙 又係將佢炸技發揮得精彩，炸起黎入面水份都仲係度💧其實加埋嘢飲同小食都係70蚊左右一條友，趁住中環未咁多人知佢開咗真係要快啲去💕💕