古琴雅苑 (QRE Plaza)

營業中

休息中

古琴雅苑是一間精品京滬菜館，其中鎮店之寶要數由北京遠而來的師傅以正宗方法烹調的北京填鴨，今次我們來古琴都是為了它。＊＊＊＊＊＊＊＊＊＊＊＊＊＊古琴格局走新派中菜路線，店內裝潢簡潔明亮。平日夜晚都幾乎坐滿，幸好我們已預先訂座。瑰荔堂煌坐低先開壺茶，古琴茗茶$11/位，但茶種比較特別，有較為少見的桂花烏龍和瑰荔堂煌。我們點了瑰荔堂煌，就是玫瑰荔枝茶。茶入口有很清香的玫瑰和荔枝味。精美四小拼($168)四小拼包括水晶餚肉、雞絲粉皮、花雕醉雞和手拍青瓜。花雕醉雞入口微涼，食到淡淡花雕酒味，只是雞件不夠滑。手拍青瓜帶點微酸，都幾開胃。水晶餚肉是其中一款我喜愛的鎮江前菜，肉色鮮紅，鹹鹹地，幾好食。雞絲粉皮麻醬夠香又夠多，粉皮又薄又滑，好味。烤北京填鴨($328)古琴的北京填鴨可以點半隻或全隻，因為近年人們越益注重飲食，所以每隻鴨約兩斤重，肥瘦適中。負責主理的師傅是由北京遠道而來，師傅會以正宗的烹調，先用特製的風乾櫃把填鴨風乾十小時，之後再放入雪櫃冷藏一天，最後再風乾多十小時才拿去烤爐中掛起烤一小時。師傅的京腔不算特別重，他會在食客前即席片鴨，一邊片鴨一邊介紹食法。師傅會先把填鴨近胸口的皮片成一小片

今晚同屋企人去了灣仔食京菜，古琴雅苑是在灣仔站新開的D出口隔離，地點十分方便。我們先點了壺瑰荔堂煌，玫瑰味清新，再加上淡淡的荔枝甜香，整體茶味偏濃。北京填鴨（鴨胸皮）師傅是北京人，說得一口北京控，介紹著填鴨用法。師傅先片了鴨頸下的胸口位置的鴨片，每片只有五毫子大小，大既切了十片，醮上沙糖吃，入口爆油且脆，只可淺嘗。北京填鴨之後師傅開始整齊有序的切好大大小小都幾乎一樣的鴨皮連肉，先舖上包皮，加上兩片的片皮鴨，放上蜜瓜、青瓜、京葱及海鮮醬捲好，鴨皮脆而不膩，鴨肉嫩滑無血腥，有油份及肉汁同時配料能中和油膩感。椒鹽黃魚黃魚約有一隻半手掌大小，兩面煎到金黃色，外層酥脆，肉質嫩滑而且魚肉鮮甜，醮上一點椒鹽就可以提高魚的鮮味，不需要其他醬油已經好夠味。雞汁鮮蝦煮乾絲湯底是金華火腿雞湯，有火腿的咸味同時帶起雞湯味，鮮甜無比，豆皮乾切成絲狀，大小幾乎一樣，質感爽口帶點韌度，似食粉麵的感覺，而且豆皮吸收了雞湯的鮮甜味，更香而且有點肉鮮味，蝦仁爽口彈牙而且已去腸，非常乾淨。合桃露有很香濃的合桃炒香的味道，而且非常濃稠，即使放了一陣都不會變稀，合桃香味持久不散，磨得很幼滑，完全唔會起粒粒，甜度適中。

新春撈起 ＄228新一年個個都希望可以撈到風生水起，咁梗係要點返碟撈起黎食啦。新春撈起材料有紅蘿白絲、青蘿白絲、黃蘿白絲、京蔥絲、紫椰菜絲、番薯乾絲、炸芋頭絲配上炸蓮藕片、金華火腿絲及煙三文魚。仲有酸酸甜甜嘅醬汁而成。不過最緊要食個意頭，我都係依度恭祝大家新一年事事順心！烤北京填鴨 ＄168（半隻）＄328（一隻）師博出色嘅刀功，將北京填鴨切成108塊，其中有十幾塊係「一口酥」，亦係北京填鴨最精華嘅部分，入口即融嘅口感真係好正。而古琴雅苑嘅北京填鴨最特別嘅地方就係有哈蜜瓜做配料，岩晒小朋友嘅口味。香草鮮魚羹 ＄88鮮魚羹超香甜，即使係好似我唔係太鐘意食魚嘅人都覺得容易入口。唔怕會有一陣魚腥味。宮保河蝦仁 ＄158微微辣辣嘅花生同蝦仁，但對於鍾意食辣嘅我黎講就一定唔夠。雖然係有少少微辣味但絕對唔會蓋過鮮蝦嘅甜味，令人好似食緊一堆辣粉咁。蟹粉獅子頭 ＄158 傳統上海菜式，賣相同味道都一流。婆婆最鍾意就係食依樣餸。因為有好多菜岩晒上左年紀嘅佢。椒鹽黃魚 ＄138 廚師將條魚炸度脆卜卜，所以就連骨都可以吞落肚。而且唔洗擔心小朋友或者老人家食個陣會啃親。啖啖魚肉岩晒鍾意食魚但又怕啃骨嘅朋友仔。

第一次嚟到灣仔古琴雅苑，人非常多，好彩一早已經訂位。古琴雅苑最出名的菜式自然係正宗北京烤鴨，不過,今次食完，除了烤鴨之外，我仲有其他菜式推介。先講烤鴨，據說這裡請來了曾在全聚德工作多年的北京師傅坐鎮。而且鴨子亦由北京送抵香港，感覺由食材到製作都非常正宗。今天便會他一會。推來烤鴨，色澤非常靚仔，傳來陣陣香味，已經流口水。特別留意師傅片落去後，鴨皮和肉身之間有一層黃金色晶瑩的油脂，烤得非常靚！師傅先片出「一口酥」，配上特製的蘆薈蜜糖醬和砂糖，入口香濃油脂香，超正！烤北京填鴨（$328）。片出兩碟連皮帶肉既鴨片，配合哈密瓜、青瓜等配料，包住食。粉皮不易破，粉感不重，所以吃著鴨味更顯著。而鴨亦不騷，油膩感不算太重，個人覺得相當不錯，連食了5、6卷都不覺膩。椒鹽黃魚（$138）皮脆肉嫩，非常可囗，而且表皮沒有厚重炸粉，不覺油膩，食落有淡淡胡椒香味。唔覺意夾晒成條。無乜扣分位，值得推介！香菜鮮魚羹（$88/例）素來不愛芫茜的我，反而覺得呢個湯幾正！清淡得黎帶點惹味，同樣是胡椒味濃，魚肉有咬口，相當不錯。新春撈起($228)年近歲晚，見這裡出了賀年菜單，於是叫了一個非常有意頭的「新春撈起」攞個好意頭