天吉屋 (已結業)

第一次食天丼，滿心期待一入去坐低，會有一大盆椰菜絲啲椰菜絲好幼好嫩，完全唔鞋口落埋柚子醋汁，可以一口接一口咁食唔停我地想食軟殼蟹，亦想食鳥冬於是點了All star 丼($108)同天幕御膳($148)食物都好快上就天幕御膳，服務員會講解食法服務態度很好至於烏冬，鰹魚湯淡咗啲上面有D柚子皮同埋海帶，係夏日清新之選烏冬不是太特別，也不特別彈牙是正常的日式烏冬All star 丼有炸蝦、炸洋蔥、炸茄子、炸流心蛋炸物爽身沒太多油口感恰到好處又唔熱氣連吸油嘅洋蔥都炸的算是乾身唔會食到一口油炸物下面仲有半碗飯，加埋烏冬女仔一定夠整體是高質，但又未去到驚為天人可一試

來到天吉屋，叫了一客天吉雙品（$108）及 All star丼（$108）。侍應首先上了一碗椰菜絲，椰菜絲爽口清甜，但略嫌草青味偏重，吃完還可以免費添加。大楖等了十分鐘，便有主菜了。天吉雙品：故名思義，雙品即是有兩種不同的料理，分別是熱／冷烏冬和丼飯，而我則選了熱烏冬。熱烏冬以袖子皮，乾海草及蔥花作配料，烏冬入口煙韌，湯底有鰹魚湯的味道，並散發出淡淡的袖子清香。丼飯配有不同炸物，分別是黑虎蝦、洋蔥、四季豆、茄子及溫泉蛋。每款炸物都炸得恰到好處，香脆得來又不會太油膩，而且食材亦都不會炸到乾爭爭。 最有驚喜是溫泉蛋，外面炸得香脆而裡面亦保持著流心的效果，充滿蛋香味，無論撈飯還是就咁食都一流。ALL STAR 丼比丼飯有更多的炸物，友人最欣賞的就是海紅鯛配紫蘇葉，魚味濃旭，外脆內軟。天吉屋雖然開了一段日子，但門外的人龍亦從無間斷。我們大概平日八點去到，仍需等候約九個字才可安排入座，認真誇張！如果不用等的話絕對會再次光顧，百零蚊一個天婦羅絕對是物有所值，但如果要等九個字的話就未必值得了！

一講到日本菜你會諗到咩 魚生? 壽司? 下一樣一定係天婦羅!上個月去咗幾日日本 有晚住溫泉旅館有天婦羅食個種味道令我一直念念不忘 返到嚟香港都仲好掛住 有日喺網上睇到來自東京既天吉屋嘅報道原來佢哋喺六月中已經喺旺角開業 睇到相真係令人口水都流 我哋六點鐘到達唔駛排隊店鋪面積唔係好大感覺好簡約優雅店內播住充滿節奏感既三味線音樂令人有一個置身於日本嘅感覺 職員遞上茶壺 倒出嚟嘅味道完唔同一般嘅綠茶聞一聞原來係牛蒡茶呀 平時屋企都有沖開牛蒡茶飲 真係第一次喺餐廳飲佢既功用好好既可養生，又可降血脂食天婦羅少不免有啲油膩感用佢嚟減低油膩感真係好貼心 職員喺我哋點完菜之後職員遞上新鮮嘅椰菜絲平時都好少食椰菜絲因為都怕佢會有苦味但係呢度嘅椰菜絲係好甜㗎仲可以自行加上柚子胡椒汁去調味 感覺真係好開胃啦 我哋叫咗兩個天婦羅天丼 分別係軟殼蟹丼同埋天幕御膳 軟殼蟹丼 $158 係香港限定視覺上好震撼！ 除左軟殼蟹仲有雜錦炸物，係皇帝菜配櫻花蝦茄子、南瓜同溫泉蛋天婦羅軟殻蟹有濃濃蟹味配上天丼醬超好味！雖然我好大食但係淨係食到食天婦羅都已經飽到食唔曬啲飯隻天婦羅蛋都好正～但究竟係點炸架呢？：P天幕御膳 $14

All Star丼 $108 + 10%點了All Star丼, 貪其款式多。有黑虎蝦, 海紅鯛配紫蘇葉, 軟殼蟹, 魷魚, 什錦炸物(洋蔥和櫻花蝦), 雞肉, 茄子, 南瓜, 四季豆和溫泉蛋。另跟丼配有椰菜絲(可refill)和麵豉湯。天婦羅炸醬薄薄一層裹着食材, 質感鬆, 但不脆。食物基本對辦, 唯炸物真的很膩, 椰菜絲加醋不禁encore了3次。價格實惠, 抵食。用餐限時75分鐘, 進食期間店員提醒了兩次, 感覺有壓力。題外話: 16:30路經天吉屋, 見其準備中, 便問店員晚市營業時間, 店員回覆約17:00。平日路經見人龍排到上一層, 見沒有人排隊, 而且只差約30分鐘, 一於做一姐。等了又等, 約17:30, 店員開始派餐牌及預先落單, 到17:45才安排入座, 回頭一望, 人龍已排到上一層。入座良久, 見四周座位仍然空著, 好奇心驅使下, 便詢問店員為何出面排長龍也不讓客人先入座, 而要讓客人站著等, 店員解釋此乃日本文化。結賬時再次詢問休場時間, 店員稱約為16:00-17:30, 感覺不同員工對餐廳的營業時間的認知並不一致。