元祖沾麵專門店

營業中

休息中

香港真係一個美食天堂，各國嘅美食都應有盡有，日式沾麵文化唔知幾時開始響香港流行，越來越多食日式沾麵嘅餐廳充斥市面，呢間位於尖沙咀鬧市中嘅日式沾麵店非常有名，不少藝人都曾經光顧，每次經過都見倒大排長龍，到底有幾好食？蕃薯妹終於忍唔住要嚟排隊試吓😕我同朋友晚上8點15分嚟到，元祖沾麵嘅達摩招牌好靚好吸睛，經過厚福街一眼就望倒唔難搵，門口好多人等緊位，望入店內真係「全院滿座」🙃果然要食好嘢係要俾啲耐性。等咗大約20-30分鐘，終於可以入座👏🏻👏🏻👏🏻呢店裝修好有日本風味～ 極似去咗日本旅行食嘅小店～睇吓個餐牌，款式配搭非常多！當中龍蝦、海膽同埋蟹皇沾麵都非常吸引！而唔太鍾意食沾麵嘅朋友都可以叫普通拉麵。牆上有貼心介紹沾麵應該點樣食，而且仲貼心提示如果食嘅途中，湯變凍了可以叫店員換個熱石碗，相當抵讚👍🏻極上芝士蟹皇沾麵（加飛魚子）$148熱石碗上枱嘅時候非常熱，碗入面嘅湯底一直滾起，發出‘吱吱聲’，未食已經覺得好吸引！ 急不及待夾起一啖麵沾上湯汁，好香，食到有少少鮮味，原來個湯汁入面有海膽，唔怪得咁鮮味😋 用筷子攪一攪碗底，海膽都幾多，好驚喜！湯汁入面有幾件小排骨肉，炆到淋曬好好味。佢地嘅麵底

厚福街出名多野食, 小妹同朋友行完街就黎左搵食 一見到呢間日本餐廳已經比佢吸引門口已經列出左佢既餐牌入面都幾大, 但都幾FULL, 好彩小妹得兩個人比較易搵位餐牌有幾款沾面可選擇, 仲可以揀自己鍾意既湯, 同埋好多款配料追加, 好貼心 仲有得加底 牆上有講解沾麵既食法豚肉魚介沾麵($89): 呢個係朋友order既, 一上枱, 小妹已經覺得好抵食, 因為個份量好多, 個湯係用石鍋上既, 令到溫度可以保持, 麵好彈牙, 就算浸左落個湯都唔會淋身   魚湯味濃郁, 岩哂重口味既朋友 極上芝士蟹皇沾麵(加飛魚子) ($158): 呢個係小妹order既, 哈哈, 一黎到, 朋友已經好羨慕  蟹膏同芝士既香味再加上滿滿既飛魚子(只係加$10)  湯有蝦既鮮味, 蟹膏都好新鮮, 仲要熱騰騰, 店員都提我地要襯熱食  小妹當然食哂成碗麵LA 最後真係要讚一下服務我地呢枱既女店員, 佢既態度十分好呢間餐廳 無論食物同服務都令小妹覺得去似去左日本咁, 一定會再返食 

唔算成日食沾麵，但當我食過沾麵之後又或者本身中意麵食既多數都會愛上，因為佢同平時食湯麵有好大分別，麵會係凍身，更加有彈身，再夾落熱湯食，同就咁食湯麵，係口感上同味道上都會有分別。尖沙咀向來多美食，今日係已經食左野再過來食宵夜！餐廳環境咁夜黎都仲係全場爆滿，呢到既受歡迎程度真係不容忽視！店內都以日式風格設計為主，座位都唔算太少。當然要教點樣食沾麵。極上芝士蟹皇沾麵(加飛魚子) $158可任選4款湯，有龍蝦/芝士海膽/魚介/赤蝦。我就揀左芝士海膽湯，上枱係用可鍋挫住上，唔怕湯會咁快凍，就算凍左都可以要求店員再拎去加熱。一上枱已經好期待，沾麵既芝士湯十分濃郁，而且好滾咁上枱，不斷滾起泡泡，芝士海膽湯入面仲有肉粒同埋海膽，芝士湯不會過咸同埋唔覺得好膩，夾起麵再放入熱騰騰既芝士海膽湯入面浸一浸，十分惹味，麵非常掛汁，再搭配芝士蟹皇同飛魚子，要左蟹皇增量版(+$30)，果然份量十分驚人！芝士鋪係面，內裡有海量蟹皇，中意蟹膏既你一定好滿足，我唔係話特別偏愛蟹皇蟹膏，因為怕腥，但呢到既蟹皇完全無呢個問題，好新鮮而且鮮甜，再加上溶溶既口感，配落芝士海膽湯同彈牙既麵底，真係每啖口感都好豐富。實不相暪，已經