金鶴拉麵 (利民大廈)

營業中

休息中

隨意走入這間拉麵店，店內裝修舒服整齊，店員亦都非常殷勤，服務非常好！叫了主打的極濃龍蝦拉麵，龍蝦先甜，湯底濃郁，拉麵軟硬適中！另外也叫了極濃雞白湯拉麵，雞白湯拉麵令我們非常意外，雞湯非常鮮甜，雞肉非常鮮嫩滑，拉麵的軟硬度適中，叉燒也非常美味，叉燒肉非常嫩滑，比起一般其他拉麵店的嫩滑十倍！整個拉麵都十分滿意！湯很好渴，整個湯都喝完！兩個拉麵的溫泉蛋都令我們感到10分意外，溫泉蛋非常好吃，半熟蛋黃配合濃郁的湯，簡直是絕配！

今晚朋友指路，帶筆者到旺角吃雞白湯拉麵！目的地就是圖中的這間「金鶴拉麵」。必試招牌雞白湯拉麵！極濃版本的湯頭非常濃稠，據悉是用日本赤雞熬煮逾六小時而成，難怪入口是如此香濃的雞湯香味。拉麵條帶有少許煙韌的口味，甚為掛湯。碗內配有一球炸牛蒡絲，脆身美味。另外還有2塊赤雞肉和1塊黑豚肉叉燒，兩者都做得嫩滑軟腍，味道各有特色。另一碗點了黑蒜醬油口味。對比前一碗，黑蒜醬油湯底明顯較鹹，以及重口味一點。配餸方面也是大同小異，只是炸牛蒡絲換成紫菜。欣賞店舖的拉麵有2個size可選擇，今次筆者點的2碗都是小份的份量，適合食量不大的人士，不用怕吃不完浪費。唐揚炸雞有3大件。炸粉不會太厚，雞肉juicy滑嫩。而黑豚肉腸有4條，口感有點像台式香腸，配上了照燒醬汁，唯略嫌有點過鹹。店舖推行會員計劃，電話登記後，可以迎新積分換取可樂1罐又或溏心蛋1隻，夠著數！

近期見到呢間多次出現起IG，好多都話雞白湯好正，於是就搵埋男朋友一齊去旺角果間試下啦！我仲以為會好旺，就OpenRice 訂定位，大概六點搭三去到點知無人，同上次同一個時間去奇蹟拉麵係完全兩個世界，到最尾食完就知點解嚕！點左兩款雞白湯：金鶴·雞白湯及極濃·雞白湯，主要最大分別係湯頭濃厚程度及價錢，其他都一樣，成碗拉麵我最鍾意係雞胸肉既口感，好嫩🤭同我平時食果啲即食雞胸肉一樣😎除左拉麵仲叫左兩款小食，照燒黑豚肉腸及鹽燒秋散，兩款都好好食😋肉腸更熱辣辣多汁唔知係咪因為佢多分店，個人覺得服務唔太好😀第一碗拉麵一上枱，我問店員「呢碗係極濃定普通？」個位店員只係講「雞白湯」共兩次，我心諗「兩碗都係雞白湯喎，講多兩個字都唔得👎」可能我同呢位店員唔夾，成個feel不太好，夜晚喉嚨有啲渴渴地，令我懷疑🤨有味精！原本仲諗住遲啲試龍蝦湯拉麵架，現在可能說不了！有時真係唔可以只相信網上，要親身去試食先得😚雞白湯拉麵起我心目中既第一名，始終都係來自大阪的《ぼっこ志》🩷🩷🩷

難得可以有自己 Metime,今日好想食拉麵🍜去咗旺角通菜街嘅 金鶴拉麵 我叫左個呢度最出名嘅店長推介 ：💛極濃雞白湯拉麵💛呢個湯底超級超級濃郁，見佢寫係用咗原隻雞烹煮8小時以上，精華係天然嘅骨膠原，啱曬想要保養美顏嘅我🥰主要材料有 2 件慢煮雞肉+ 1 大塊豚肉叉燒，肉質好嫩滑，仲有好鍾意佢地配嘅炸牛蒡👍🏻仲叫左2 款串燒/小食：💛黑椒牛舌串💛💛明太子雞翼💛我係超級鍾意食牛舌同雞翼，呢2 款小食都冇得輸，牛舌燒到好香食落又好juicy，雞翼皮脆卜卜，裡面充滿住明太子，辣辣哋好過癮。好鍾意呢度D座位好闊落坐得好舒服，因為之前去過啲拉麵店相對啲座位係好迫，三五知己同朋友嚟食吓野吹吓水都幾啱。另外我臨走買單仲聽到有兩個客人嚟挑戰大胃王比賽，原來呢度會定期舉行大胃王挑戰，不過係要預約的。

今日出旺角覓食，朋友話好想吃拉麵，找到這間金鶴拉麵🍜，店鋪門面同裝修都好有日式風格💕🍜極濃雞白湯拉麵 $138 💕(人氣No.1)大大碗拉麵好足料，碗邊鋪上大大片雞胸肉、豚肉叉燒、炸至金黃香脆的牛膀、黑木耳絲、洋蔥絲、溏心蛋、竹筍等，賣相相當吸精🥣再試試湯底，雞湯味道濃郁出色，口感濃稠飽滿，感受到滿滿的骨膠原包圍著口腔，原來極濃雞湯用八小時熬製而成奶白色，其精華就是天然的骨膠原，對健康及美顏非常好，拉麵麵質軟硬適中爽口彈牙，每一口都掛滿雞湯汁，非常滋味💕活燒蒲燒鰻魚飯 $238 🍱💕(店長推介)係驚喜之作，鰻魚鮮甜肥美，由師傅每日新鮮處理，即叫即燒，厚度比平時食的厚兩至三倍，燒到外脆內嫩，散發微微香，入口魚脂四溢，肉質彈牙，配自家秘制鰻魚醬汁，味道與鰻魚完美融合，簡直無可挑剔，送飯食一流啊⭐下載APP做會員，即時送一隻溏心蛋或一罐可樂🥤

【旺角高質連鎖拉麵店🍜金鶴拉麪】-估唔到連鎖拉麵店都可以咁高質❗️話說今日行開旺角突然想食拉麵🍜就上網搵咗間拉麵店😳湯底正之餘，串燒都唔錯👍🏻旺角、中環、銅鑼灣都有分店😗有機會可以試吓～-😋極濃雞白湯拉麵🐓 $138+1呢個係✨店主推薦✨個湯底用咗原隻雞熬煮8個鐘，飲落超濃厚🥰拉麵有得揀『全份』或者『可愛的小份』😗細份平$30哦～金黃色一條條係炸牛蒡，食落幾香脆😌兩塊雞胸肉好嫩滑，仲有一片叉燒同半隻溏心蛋😗拉麵幾掛湯，整體都唔錯👍🏻好味指數：🌕🌕🌕🌕🌘- 😋醬油拉麵🍜 $98+1醬油拉麵嘅配料同上面個個基本上一樣，少咗炸牛蒡同埋湯底唔同😗醬油湯頭用咗日本直送嘅醬油同埋鰹魚高湯製成，味道細緻清新😉啱曬食得清淡啲嘅朋友仔😙好味指數：🌕🌕🌕🌕🌑-😋黑椒燒牛舌串👅 $68牛舌食落爽脆、彈牙，肉質柔嫩🥰仲有啲油香🤩正！好味指數：🌕🌕🌕🌕🌘-📍金鶴拉麵旺角：通菜街110號利民大廈地舖佐敦：閩街3號地舖中環：荷李活道39號地舖天后：炮台山蜆殼街6-16號寶榮大廈地下E號舖銅鑼灣：軒尼詩道525號澳門逸園中心7樓土瓜灣：九龍城道10-16A號聯業大廈地下B號舖

同朋友食飯最鍾意就係嚟旺角呢啲中心點㗎啦🤣 夠晒方便吖嘛 呢次嚟咗食呢間出名食雞白湯嘅拉麵🍜 呢度嘅雞湯真係好濃郁 飲兩啖都覺得個人靚咗🙈極濃雞白湯拉麵呢個拉麵係店長推介 仲見到周圍嘅客人好多都係嗌呢款添 所以我都嗌咗呢碗😙 拉麵一嚟到已經聞到好香嘅雞味🐥 未食已經覺得呢度好真材實料 呢個雞湯非常濃郁 用咗原隻鮮雞再煲咗八個鐘熬製🔥 個拉麵仲有低溫慢煮的雞肉同埋豚肉叉燒 仲有好有氣勢嘅炸牛蒡 點埋啲雞白湯食特別滋味😉黑蒜醬油拉麵友人唔係太肚餓 所以嗌咗碗可愛既小份😮 只係啲麵嘅份量少咗 上面嘅配料完全冇少到 都有低溫慢煮的雞肉同埋豚肉叉燒🐷 低溫慢煮嘅雞肉咬落口仲好嫩滑 豚肉叉燒就唔會太肥膩 呢個黑蒜醬油湯底 用咗店舖自家製嘅黑蒜油🧄 聞到已經覺得好香鹽燒雞腎一碟有兩串 呢個雞腎份量好多 咬落去仲好有口感😌 呢個價錢份量有咁多真係好抵食 呢間拉麵真係超人氣 嚟到呢度一定要試佢嘅招牌雞白湯 因為真係好濃郁啊 入面嘅餸仲可以揀蝦 牡蠣同埋和牛㗎😚

好多時食拉麵都只係得🐷豚肉拉麵揀，不過「金鶴拉麵」就有好多選擇，除咗有【招牌】雞白湯拉麵外，仲有牡蠣🦪、龍蝦🦞、蟹🦀️、醬油、鹽味等選擇，梗有一款啱你口味。😂⭐️推薦❗【招牌】極濃雞白湯拉麵($138)上菜嘅時候見到呈奶白色湯底起晒泡，原來係特色黎架，內有乾坤！😂湯底由🇯🇵東京空運直送，以日本赤雞、素菜、鰹魚等熬製而成，上枱之前用攪拌器打至柔滑起泡～😎所以湯底濃郁香滑，入口鮮甜，骨膠原感十足！麵條爽滑又掛湯，炸牛蒡可蘸一蘸湯汁食，就咁食都得，夠晒香脆可口，配上慢煮日本薩摩赤雞胸和火炙黑豚肉叉燒，赤雞肉柔軟嫩滑，叉燒唔會太肥，肉質鬆化，入口即溶，溏心蛋雖然唔係好流心，但勝在蛋香。👍🏻小妹就最鍾意❤️重口味！所以揀咗黑蒜醬油拉麵（$98）烏黑色嘅黑蒜油浮在拉麵表面，味道濃而不膩，同樣地配上慢煮日本薩摩赤雞胸和火炙黑豚肉叉燒，加上黑木耳絲、蔥花、紫菜等配料，重口之選！日式餃子🥟（$38/4件）煎得金黃香脆，餃子皮唔會太厚，菜肉內餡飽滿紮實，可以一試。令我覺得最貼心嘅係，拉麵仲可以改為素食選項！💕

唔講唔知，原來金鶴拉麵響香港有五間分店，好多人都食過，今次拉左朋友去旺角分店食拉麵。極濃雞白湯拉麵$138「用原隻雞烹煮8小時以上的濃厚雞白湯，其精華就是天然的骨膠原，對健康及美顏非常好，是女士天然護膚補品。」見佢餐牌寫住「店長推介」咁就緊係試下啦！湯底飲落有好濃郁既雞湯味！d精華響曬個湯底入面，而且有泡泡，幾得意。白雞肉有兩大片，非常嫩滑；豚肉兩片，流心蛋同埋有炸牛蒡幾特別，炸牛蒡香脆，唔油，拉麵掛湯力十足，每啖麵都沾滿骨膠原😙。🍜極濃龍蝦湯拉麵$198（配龍蝦尾）/$138（不配龍蝦尾）此為店內限定拉麵之一，橙色既龍蝦湯味道突出！相比白雞湯會偏重口味一點，但都好好食！配上紫菜，增添鮮味，同樣有豚肉和流心蛋伴麵，拉麵索曬龍蝦🦞湯味，拉麵既質地軟硬適中，唔會淋到一pat pat, 順便飲左幾啖湯😋拉麵好易飽肚，眼闊肚窄既朋友唔好貪心一次過叫太多野食呀！🥟日式餃子4pcs $38雞肉餃子，都煎得幾香脆，正常發揮。鋪頭食晚晚時間人流較多，如果人數較多，預先book位會較好。限定拉麵仲有一款瀨戶內海產牡蠣，即係日本蠔🦪湯拉麵，睇圖好吸引🤩，見隔離枱有叫，下次想試下。📍地址：旺角通菜街110號

《金鶴拉麵》聽就聽人介紹得多啦😋今次我都係第一次嚟食，結果真係無令我失望，おいしい～食物呢度有好多款嘅湯底，有最出名嘅雞白湯啦，豚骨湯啦，蟹🦀️湯啦，而家仲有期間限定嘅牡蠣湯。除此之外，重有串燒食tim 🤤極濃雞白湯拉麵 $138我梗係唔可以錯過呢個咁出名嘅雞湯啦♥️碗湯夠晒濃厚，上面除咗有雞胸肉，仲有豚肉叉燒，我一食入口全部都係滿滿嘅雞湯🐤好滿足呀～另外，個拉麵🍜亦都掛到湯！最特別嘅係，上面係鋪得超靚又甜甜地嘅炸牛蒡，真係好得意香辣豚骨湯拉麵 $98我朋友就選擇咗食呢款拉麵，同樣地，呢個湯底都好濃郁，好有豬骨味，而且仲辣辣地🌶️我諗我下次都會叫豚骨，因為我真係好鍾意食辣🤭雞軟骨 + 鹽燒五花肉 各$48呢度除咗拉麵出色之外，串燒都係不容錯過，尤其最啱送酒飲🤣《金鶴拉麵》原來推出咗會員制度，download個app，就即時送一罐可樂或者糖心蛋，而且食滿$98仲有得送$48嘅串燒🍢咁又幾抵wor‼️仲未試過呢間拉麵嘅朋友，一定要黎試吓佢咁濃厚嘅湯底❤️

極濃雞白湯拉麵🍜$138友人揀左廚師推薦的極濃雞白湯。拉麵上鋪滿香脆的炸牛蒡，香脆可口又回甘，湯底飲落好有驚喜：極濃厚，味道豐富，湯有齊雞油脂的香濃與滿滿蛋白質、又嚐到少許忌廉湯，是十分有心思與講究的湯底。香辣豚骨湯拉麵🍜$98嫩雞肉同叉燒，仲有糖心蛋都保持住水準，湯底香辣而不會蓋去其他食物的鮮味，好快就食到見底🤭拉麵有外賣自取，方便～雞軟骨串燒(2 串）$48雞軟骨燒得靚，香、脆、金黃色樣樣齊，是日式串燒必食之選。

好幾年前當金鶴只有兩間分店既時候，試過佐敦果間，當時獨沽兩味，得雞白拉麵同鰻魚飯，想多個小食都無，但lunch hour 依然排長龍。依家周圍都見到，唔洗點樣排隊啦仲可以外賣，又有勁多新口味！龍蝦啊蟹啊鮮蠔拉麵等，好多串燒、Sake、連啤酒都有free flow ! 睇黎要同居酒屋拼過由於友人對好多海鮮都敏感（而本人亦好懶等駁殼）最後決定再食番signature雞湯同試下黑蒜。極濃雞白湯拉麵依舊係超濃奶白湯底，雞味濃 飲完咀唇癡粒粒的，係豐富既骨膠原啊 炸牛蒡唔單止係得個樣，仲係好香口的，同雞湯好夾。溏心蛋亦係無得輸！雞胸肉係慢煮的勁嫩，又有同多蔥同木耳絲，拉麵黎講都係比較健康！黑蒜拉麵一上黎就好重既蒜頭味，係真係好濃，所以真係要蒜頭愛好者先好嗌啊😂 比起雞白會油dd, 但都係好好既配搭適合重口味人之選👍🏼另外試左d skewer, 留意番餐牌有清楚寫明係一串定兩串，就唔怕叫太多食唔晒啦！推薦燒帶子，簡單搽燒肉醬燒一燒 好鮮甜又嫩滑。另外既秋葵同牛柳咸香咸香，送酒一流（但拉麵已經好飽肚所以飲唔落酒）。保持到水準仲要新增咁多款式多咁多分店，係有d料到

平日中環返工經過都冇食過今晚收工出旺角，見到終於坐低左。坐低之後，除咗陸續見到有啲食客入嚟之外，都見到有人等緊外賣。呢間店主打極濃白雞湯拉麵。個拉麵除咗有雞肉之外，仲有叉燒、做配料。但有點意外嘅係個炸牛蒡。好香脆、唔油膩！雞肉唔會癡牙、都幾嫩，然後重點係個湯。個湯一啲都唔鹹，杰身嘅程度啱啱好所以一啖接一啖，將骨膠原飲落肚！！女仕必選！另外仲嗌左個極濃龍蝦湯拉麵。因為係限定拉麵，所以揀左嚟試。佢個湯同雞白湯一樣好濃稠。調味適中，啲湯又係可以一啖接一啖飲。配料除咗有叉燒、蛋、紫菜之外，都仲可以加錢，會有龍蝦尾。食拉麵點可以唔講下個麵。雖然冇得揀軟硬度，但係個軟硬度非常之適中。我諗呢個亦都係點解冇得揀嘅原因，呢個軟硬度係最適合嘅。個麵亦都唔會好麵粉味，唔會搶咗個湯嘅味道。再嚟就係串燒。分別嗌咗牛舌同埋五花腩。真係好值得推介。牛舌相對貴少少，但佢肉質真係非常之好，好腍。咬落去有牛油香味。黑椒同鹽味，好香。五花腩調味同牛舌一樣。肥瘦適中，全晚最可惜嘅係冇加個啤酒。整體來講，性價比都幾高。下次收工經過，要入嚟食個串燒，飲個啤酒。

🌟今次嚟到旺角呢間金鶴拉麵🍜🌟入面裝修樸實，不過坐得都幾舒服，空間感夠🌟一坐低，已經會奉上熱嘅綠茶😋極濃。雞白湯拉麵。（$138）-店長推介-用咗原隻雞熬製8小時以上而成嘅湯底-湯底呈奶白色，味道濃厚，香濃雞湯味-有滿滿天然嘅骨膠原，女士天然皮膚補品-拉麵裏面有炸嘅牛蒡，口感香脆，冇苦味-浸係湯度嘅牛蒡，吸左湯嘅精華，別有一番風味-有兩片厚實嘅雞胸肉，完全唔柴，嫩口-有兩片叉燒，用料豐富-有半隻完美嘅糖心流心蛋🥚-仲有筍片同埋黑木耳，配料豐富-拉麵口感適中，彈牙，掛湯力十足-好適合鍾意補身養顏，同雞湯嘅我😋北海道蟹湯拉麵 （$138）-日本北海道直送人氣no. 1-濃厚花蟹湯配上蟹肉，蟹肉份量十足-每一啖湯都飲到蟹嘅精華同埋海鮮嘅鮮味-除咗蟹肉外，仲有一大片叉燒-叉燒size好大，雖然係偏瘦嘅叉燒，一d都唔柴，出色-好適合鍾意海鮮鮮味十足嘅朋友