張公館

營業中

休息中

今晚係中菜廳食到一味炒得絕好既菜芯苗，冇錯，係蔬菜。定價黎講，真係比較貴既一碟菜，不過當你食一啖就會讚嘆廚師既手功同埋配料既用心精緻度。菜芯苗嫩綠，配上極之酥化豬油渣同炸脆大地魚粒，伴以適量蒜蓉，好好食，絕對值得呢個價錢。新菜單仲有香炸蝦棗，圓碌碌，彈牙厚肉，新鮮大粒，配酸甜冰梅醬好夾，一定要試下。新加坡胡椒蟹爪粉絲煲，個汁無敵，好惹味唔太辣，精華係粉絲煲，每條粉絲都吸滿汁，深啡色夾雜紅椒絲，太美味，蟹爪份量多，每隻都舔到乾乾淨淨只剩殼。甜品：橙絲清心丸綠豆爽，清心丸特別煙韌，糖水清清地好滋潤。香煎黃金糕，軟糯有椰香，金黃色應下節慶。壺茶有燭台熱住，西湖龍井，慢慢飲。

餐廳：張公館地點：銅鑼灣登龍街菜式：粵菜餐牌：頭盤，湯類，鮑翅燕窩，燒味，海鮮，小菜，四川風味，蔬菜，飯麵類，甜品飲品等等。一坐低就已經有前菜兩碟，分別係炸花生魚仔同酸堯頭，好香口開胃。每小碟$20。茶位每位$20，茶壺用蠟燭暖住。大蝦柚子沙律 每份$58 另加一大蝦柚子沙律用高身啫喱杯上，好多香甜柚子肉上面有兩片大蝦，加上適量千島醬，伴有一粒車厘茄。味道口感都非常好，甜甜地好開胃清新。脆焗鮮鳳尾蝦多士 每件$68 另加一叫左兩件脆焗鮮鳳尾蝦多士，大大件，炸得脆皮入面蝦肉好彈牙既大大件多士，伴有香甜黑醋沙律菜同另上沙律醬可解膩。果然係招牌菜式，大件夾好味道。百合鳳梨咕嚕肉 $268 另加一百合鳳梨咕嚕肉賣相唔錯，大大個新鮮菠蘿，放左好多舊咕嚕肉，炸得皮非常薄脆，酸咪咪，味道醒神，入面肉量就唔多，唔會太飽膩。菠蘿底層有百合，新鮮菠蘿，青椒，紅椒同洋蔥。上湯金銀蛋浸莧菜 $188 另加一上湯金銀蛋浸莧菜熱辣辣上枱，好多鮮嫩莧菜加上鹹蛋同皮蛋，仲有蒜子，鹹度剛好，令d菜好夠味，健康味道好既一道菜式。豬仔出浴奶凍 $58 另加一豬仔出浴奶凍賣相一流，係豬仔造型芒果布丁放係一個浴缸造型兜上面，加

餐廳：張公館地點：銅鑼灣登龍街菜式：粵菜餐牌：頭盤，燒味，小菜，飯麵類，甜品等等。一坐低就已經有前菜兩碟，分別係炸花生魚仔同酸堯頭，好香口開胃。每小碟$20。茶位每位$20，茶壺用蠟燭暖住。百花煎釀秋葵 $118 另加一百花煎釀秋葵一客8件，新鮮秋葵釀左彈牙蝦肉，食落清爽中帶彈牙口感，伴有少少沙律雜菜配黑醋可解膩。蝦醬骨 $228 另加一蝦醬骨好大碟，一共有6舊，整得好脆皮彈牙，連少少骨，味道調得好，唔會太鹹而帶好香既蝦醬味，呢點我欣賞。每件骨配一塊香甜菠蘿，仲可以中和鹹味。伴有黑醋沙律菜解膩。川式口水雲吞配糖心皮蛋 $98 另加一雲吞有四隻，蝦肉新鮮彈牙，皮又薄又滑，川式口水汁體貼另上，自己加添辣度。糖心皮蛋一隻開四片，個心果然好滑溜，中間伴有新鮮芫荽。靈芝菇雲耳上湯浸娃娃菜 $188 另加一靈芝菇雲耳上湯浸娃娃菜好大碟，好多條大大條娃娃菜面頭加上西芹條，雲耳同鹹香菇仔，加有薑片調味。個湯好清不過又夠鹹香。娃娃菜同菇仔同食可提味。橙絲清心丸綠豆爽 $38 另加一清心丸綠豆爽用有蓋燉盅上枱。入面有好多煙韌好似啫喱粒粒既清心丸同綠豆粒，味道少少甜甜地，絕對唔會過甜。養顏紅棗糕 $16 一