橫濱家系町田商店

營業中

休息中

已經喺 Airside 開業一段時間都未有機會試😬今晚經過見幾多人食，又心郁郁想食吓😆原來佢係全球第2大日本連鎖拉麵店🫢主打自家工廠製作拉麵🍜湯底每日人手新鮮熬製，叉燒仲要選用日本直送極品叉燒🐷唔怪之得平日都咁多人食😆😆🏆橫浜終極MAX拉麵 ($118) 第一次試梗係要試吓招牌拉麵😝湯底以豬骨湯及醬油雞湯混合而成，味道濃厚綿密🤤拉麵就揀咗粗麵，重口感又掛湯👍🏻叉燒有3大塊，肉同油脂圈圈相間，軟嫩唔油膩😋🧆魚子醬雞胸拉麵 ($158) 拉麵竟然加咗魚子醬😱魚子醬嘅咸香為整體大大提升鮮度🤗醬油湯底比豬骨湯清爽，一濃一清，各有特色😌雞胸嫩滑一啲都唔柴，令到人忍唔住一下就食哂😂🐣唐揚炸雞 ($58/5pc) 🍄小松菜配烤香菇 ($30)

呢間餐廳係日本第二大連鎖拉麵店，主打豬骨醬油拉麵，拉麵由自家工廠製作，加上日本運送嘅叉燒，保證還原風味🇯🇵💗橫浜終極MAX拉麵（$118）湯頭以豬骨湯同醬油雞湯混合而成，飲落有濃厚嘅豬骨味，而且唔會油膩🦴特別揀咗粗麵條，麵質彈牙有嚼勁🍜配料方面，有3塊薄切叉燒，肉質軟嫩而且肥瘦啱啱好🍖仲附有醬油糖心蛋、鵪鶉蛋同紫菜🥚💗斑馬大蒜牛油拉麵（$98）豬骨湯頭加咗黑蒜油同牛油令，令湯底嘅味道層次更豐富更香🧄同樣揀咗粗身麵條，附有一片叉燒、鵪鶉蛋同紫菜🍜💗餃子($58/ 6件）日式餃子煎得外層香脆，皮薄多餡，一咬仲會爆汁熱辣辣🥟💗小龍蝦沙拉（$40）小龍蝦沙律食到啖啖蝦肉，仲有脆卜卜嘅蟹籽，食落清新開胃🦞

橫浜家系町田商店🎌位於新蒲崗Airside，門面好靚好日系感覺，開放式廚房睇到師傅做拉麵🍜除左主打既橫浜推介外，仲有好多特式拉麵好似斑馬大蒜牛油拉麵、辣大蔥拉麵等，仲有做日式炒飯、天婦羅丼咁，好吸引🤩必食之選🎌橫浜終極MAX拉麵🎌橫濱拉麵係Mix九州豚骨湯同東京醬油既特色口味，家系拉麵可以加好多唔同配菜，試下湯頭😳濃郁香醇唔癡口，好好味，配鵪鶉蛋都好特別，同揀左粗麵，彈牙掛湯，加左野菜，同湯底都好夾👍🏻香菜雞肉，肉質好嫩滑，拉麵好朋友當然係生啤，爽🍻🎌魚介豚骨沾麵🎌，連同一個建議食法，魚湯超濃，沾湯食麵😋好味，湯濃配埋流心蛋同菠菜勁正❣️叉燒好腍加湯好味，食完麵同配料，加高湯飲埋個濃厚湯底，完滿🥰日式餃子，望落脆皮，⼀咬😮‍💨爆汁，餡料非常好味，係我食過最正既餃子之⼀🤤必食相當高質既拉麵店✨拉麵當然係最大招徠，價錢非常相宜，飯同小食更加係好抵食，想食下橫浜拉麵真係要黎🤞🏻

橫濱家系町田商店九龍城啟德協調道2號AIRSIDE地下G011號舖味道評分:☄️(必食之選)>☀️>🌤>⛅️>💨☄️橫浜終極MAX拉麵 $118湯底油脂感好濃厚，散發濃濃嘅豬骨湯味，第一啖有驚艷到我😊拉面質地算係偏硬身，但完全唔會有違和感，好味！☀️魚介豚骨沾麵 $118濃味之選，重口味人士可以bookmark，食用方法係將麵條浸落湯汁令麵條和暖及提升風味，魚的鮮味幾濃！☄️章魚小丸子 $48超級Creamy!! 薄脆嘅外皮包住飽滿的麵粉漿同八爪魚，食落有驚喜！☀️餃子(六件)$58餃子饀唔算好多，但食拉麵就想食埋日式餃子😂

🇭🇰横濱家系町田商店·橫浜終極MAX拉麵 l 魚介豚骨沾麵 $118呢間係啟德既拉麵都幾有日本既味道 兩款我自己鍾意個沾麵多啲 佢個麵質好好食 而且個湯都好夠熱 好掛湯🍜個拉麵我自己就覺得湯底偏油少少🫢·章魚小丸子$48 l 餃子$58之後佢嗰章魚小丸子都勁有驚喜 佢個質地超好 超軟糯🐙另外個餃子都勁多汁 如果再煎脆啲就仲正🥟·#rbyeat#rby日本菜 #rby拉麵#rby啟德·📍九龍城啟德協調道2號AIRSIDE地下G011號舖

呢間餐廳係日本第二大嘅連鎖拉麵店，終於開到嚟香港啦！唔使去日本都食到！佢開張第二晚我即刻去咗試吓，人流好多，仲要排隊，但好彩排左半個幾鐘就入到～不過唔知係咪太多客人，出餐都幾慢，一碟都要等至少15至20分鐘… 大家嚟食要預鬆啲時間～ 味道方面都唔錯嘅，都值得花時間嚟食！✎ 日式炒飯炒飯鬆軟香口，充滿蛋香味，都多蛋塊，只係略帶油份，所以入口唔會乾身，微微油潤感覺。叉燒粒/肉粒質感都軟嫩，配搭軟身嘅炒飯，整體係入口即溶感覺♡✎ 辣味噌拉麵材料有鵪鶉蛋、叉燒、肉碎、椰菜、銀耳、紅蘿蔔絲、鳴門卷等。叉燒相對薄身，肥瘦相間，入口嫩滑，冇渣亦唔嚡身；肉碎溝咗啲辣椒粉，帶出咗香辣肉味嘅味道；麵條爽口；而鵪鶉蛋同其他配菜嘅口感提升層次感。成碗都幾好味，唯獨美中不足嘅係湯底太少，多啲湯就好´꒳`✎ 橫浜終極max拉麵材料有叉燒、鵪鶉蛋、紫菜、菠菜同埋糖心蛋。叉燒同樣好好味，肥瘦相間；菠菜唔夠爽口，偏稔；糖心蛋攞咗醬油嚟浸，濃味滑口；麵條偏軟身略有咬口。同樣湯底都係太少…係豬骨湯，味道夠香濃但唔會太鹹。呢碗都幾惹味，可以encore～