馬拉公公

營業中

休息中

當天跟家母午市來到屯門新墟附近，想起雅都商場Go Go Mall的美食廣場，便上去看一看有什麼選擇，最後來到這家馬拉公公位置：在美食廣場差不多最後一排，但比較當眼環境：美食廣場算是整潔衛生，座位亦足夠服務：女店主細心推介食物，同時主動幫忙把食物送上我們的座位食物：女店主表示其父來自馬拉，食物亦充滿馬拉特色檳城福建蝦麵（$49）充滿東南亞口味，偏香辣惹味，配菜有鮮蝦、燒肉、半邊雞蛋及豆腐卜，讓人相當滿足檳城肉骨茶配白飯（$52）由於家母不喜辣，於是店家便建議這款肉骨茶藥材味不會太重，配菜主要有排骨、雞蛋及油條，排骨入味而有肉，油條香脆，整體很不錯原味咖央多士（$25）甜甜的咖央醬中帶點椰絲的口感，配合烘過的多士，正宗的馬拉口味桔仔話梅冰（跟餐＋$10）桔加上話梅鹹鹹的味道，是解辣開胃的飲品凍泡沫咖啡 （跟餐＋$7）微苦的泡沫咖啡，是本人的最愛，雖說跟馬拉菜沒有很搭就是在美食廣場不能要求環境太多，幸好這家馬拉菜味道正宗同時很美味，令這次的用餐體驗頗為滿意

放工後，來到屯門雅都商場GoGo Mall Food court，環境明亮，座位寬敞舒服。自己好鐘意食辣野， 所以來到呢間馬拉公公。點了檳城福建蝦麵$49和凍薏米水$10， 好快取餐鐘響振動後便可以取餐﹗店員多次問我食唔食得辣，看來呢碗檳城福建蝦麵辣度十足。檳城福建蝦麵:入面材料豐富，賣相不錯，包括:蝦隻、魚蛋片、腩肉、半隻蛋、芽菜、豆角等。湯頭用檳城白蝦熬製而成，所以充滿蝦鮮味，淡淡的椰香，配上辣椒等不同香料，刺激惹味，忍唔住飲左一啖又一啖湯。滲滲粗油麵同幼身米粉混合，掛湯力很強，雙重口感滋味﹗ 魚蛋蝦肉爽口彈牙，第一次食長身形豆卜，一咬爆晒濃郁湯汁。 凍薏米水$10:底部有足料薏米，解辣一流﹗

平日返工lunch搵嘢食次次都要諗爆頭🤧💆🏼‍♀️，放假就輕輕鬆鬆搵啲風味野食下啦，樓下商場開咗好多間格仔小食鋪位，見到呢間門面有個得意公仔就嚟買個takeaway！🚶🏼‍♀️🚶🏼‍♀️-檳城福建蝦麵（$49）用左油麵，材料有半隻蛋🥚、豆芽、豆角、豆POK、細蝦球🍤、魚蛋片同埋腩肉，濃濃微辣嘅蝦米湯底，正，碗麵份量好多，小女子都食唔晒呀！😅🍜🤰🏼-馳名檳城亞參叻沙米線（$48）有兩塊菠蘿、生菜絲、細蝦球🍤、魚蛋、魚蛋片、洋蔥、半隻蛋，配合埋米線，叫得叻沙就一定係辣㗎啦🌶，亞參呢個名詞就代表左有酸味。辣辣食辣辣🌶，好惹味啊！有我最鍾意嘅辣味，配埋紅色的辣湯底真係好完美啊。🍲🤝

屯門一帶雖然美食都算多，但係馬拉嘢食就唔係十分常見。今次黎到屯門新墟一帶既gogo mall搵食，間野叫馬拉公公。呢間餐廳位於商場入邊嘅food court裡面，周圍嘅環境都算舒適乾淨，不過有個唔好處就係點餐要自己取餐。諗唔到食乜好問問店員推介，就叫咗個咖喱雞配白飯，同埋檳城福建蝦麵。兩個菜式既賣相都靚，首先試咗個咖喱雞，望落好似細細兜，但食落都幾多料，咖喱汁夠香辣同濃郁，啲雞啖啖肉，同埋薯仔有夠粉同入味；蝦麵又有相當濃郁嘅馬拉風味，湯嘅辣味同咖喱汁嘅立美截然不同，相比起咖喱汁辣一點，而入口時會食到濃濃嘅蝦湯味。另外加配左兩杯野飲，桔仔話梅冰同凍薏米水，兩杯飲野各有不同，桔仔同話梅既配搭非常醒胃，飲完仲可以食埋粒甜話梅；而薏米水都算係足料，味道清新甘甜，相比之下比起話梅冰清淡一點，而兩款野飲都同食品既辣非常配合。總括來講，自己其實都唔算係十分之食得辣嘅人，但呢間餐廳嘅辣都算易接受同入口，相比起辣味，我覺得辣椒嘅香味更突出，而價錢確實唔算貴，所以喺屯門新墟一帶，如果諗唔到食咩，又想食下馬拉嘢的話，馬拉公公都算係一個唔錯嘅選擇。

困住冇得飛，個種鬱悶相信大家都好有同感..一年必去一次馬拉嘅朋友話帶我搵檳城嘅味道..真係咁勁？朋友帶左我去呢間寫住檳城美食嘅「馬拉公公」係商場foodcourt入面，價錢公道，即管一試各點左一個餐！雖然用即棄容器，但份量都算大方好食得辣嘅朋友點左呢碗紅卜卜，滿晒料嘅Hokkien蝦麵呢碗滲滲就係油麵溝米線啲馬拉回憶返緊黎料有：大片豬腩、蝦、豆卜、半粒蛋..麵唔會淋身，有啲咬口，豆卜吸晒啲湯，入口爆汁好滿足！因為佢嘅湯真係抵讚，辣味夠勁，但絕對唔會蓋過濃濃嘅蝦味！朋友估店主係用蝦頭熬湯! 下次返去問下店主係咪先(翻啅指數高)我就點左份Nasi lemak! 加炸小雞脾椰漿飯好香~~畢啖飯，加啲花生魚仔，再加啲正宗馬拉辣醬，nom nom nom認真滿足。炸脾仔熱辣辣唔會話好似擺左好耐咁..food court有咁嘅standard..其實我真係好感動幾啖飯，啜啖凍Milo...哇..夫復何求朋友杯薏米水都好正，清清地，唔會一味辣落去，成個set好滿意講真，掛住馬拉嘅你，一定要黎..(老闆娘話佢真係馬拉人，啲食材真係黎自馬拉..掂啦)

晚餐要外賣自取可能已經成為香港人既新生活模式，今日晚餐決定嚐嚐家附近的新加坡小鋪位於商場2樓的美食廣場有多間餐廳臨立，由小吃，主菜至甜品，甚至西式、日式及泰式都應有盡有，逛過一圈後決定來一個星馬風情之夜吧！自疫情嚴重後已習慣外賣自取，對不同餐廳之外賣餐盒與用具更多加留意，該餐廳的外賣器皿輕身而堅固，容量較大能妨止湯汁在回家中途傾出，而砌疊方式亦實在，不會鬆散食品跟餐加$6選擇了馬來西亞特飲白咖啡，份量竟與台式飲品相同，比起一般餐廳跟餐飲品份量為多，除了甜度適中外，香濃咖啡味中帶有白咖啡獨有的炭燒味！加上少冰而冰涼的效果，確實第1次飲咖啡會覺解渴。麵上的餸菜整齊排放好在碗內，賣相美觀，相信與堂食無大差別，放有魚皮2片、豆卜2件、蝦2個、3-4件小雞肉、2-3條四季豆及半邊熟蛋，食材也頗豐富。湯底與麵分開盛載著，以免麵質變軟，湯底呈紅色，油份甚多，湯底份量剛好蓋過麵食。整碗麵與餸菜溫度屬暖，麵食有如港式油麵，湯底令整體口感順滑，中辣度帶少許蝦味，但略嫌咸味不足，只突出辣味令味道較單調及清淡。所有餸菜也沒有經醃製，不帶雪藏味，同時相對較清淡，當全沾上湯汁，味道變得統一。對女生來說是一個飽肚的