LeeLaksa

營業中

休息中

餐廳：LeeLaksa地點：上環皇后大道中菜式：新加坡馬拉菜式餐牌：茶餐14選一，有多款飯粉麵，仲有多士同沙律小食，配冷熱飲品8選一。另收加一。檳城蝦麵 $66 另加一檳城蝦麵首先個湯真係唔錯，夠哂鹹香又唔油。麵原來係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。配料有開邊去殼蝦4片，豬腩肉4片，吸汁豆卜4件，糖心蛋半隻，再加上蔥花同洋蔥絲。豬腩肉既皮好有彈性。呢碗麵都唔錯，清清地。新加坡喇沙 $62 另加一個喇沙湯好香滑，辣度剛好，梛汁又夠，好惹味。呢度喇沙原來係用白色麵，質感比較腍身同滑溜。配料有去殼蝦兩隻開邊，炸魚蛋4粒，炸魚蛋絲幾條，豆卜4件，半隻糖心蛋，爽口芽菜同通菜，面頭灑上洋葱絲同脆脆，材料豐富。另上青檸一粒同參峇醬比你自己調味。重口味人士就可以選新加坡喇沙，愛好喇沙人士必試。巴東牛肉配米飯 $56 另加一巴東牛肉質感都幾好，唔會太硬，牛味唔錯。個汁味道濃厚，好惹味，面頭撒上脆脆，撈飯一流。配有好多花生米同脆魚乾，又香口又有多重口感。伴有青瓜，車厘茄同紫洋蔥可減膩。參峇醬燒豬頸肉 $65 另加一參峇醬燒豬頸肉一客10片左右，份量好多，半肥瘦，食落爽

/Lee Laksa🇭🇰/➖➖➖<下午茶幾抵食✨必試喇沙>➖➖➖最近成日有舖喇沙癮天氣凍番特別想食暖胃嘅粉麵✨喇沙係我嘅comfort food 之一👍🏻👍🏻近近地就去左屋企附近嘅店撞正下午茶都算幾抵食 包野飲正餐小食都好吸引 $300內都食到四人嘅份量其實之前食過都覺得好味😆今次二訪就試埋蝦麵、巴東牛肉飯同小食✨➖➖➖1️⃣檳城蝦麵 $66 大大碗 配料有啲似喇沙係多左啲豬肉😆湯底黎講相對較喇沙清 不過都唔錯食完唔會口渴👍🏻配料仲有蝦、豆卜、蛋等用左油麵同摻摻🫣份量多 夠飽肚 但湯底黎講都係覺得喇沙更出色✨➖➖➖2️⃣ 巴東牛肉配米飯 $56同樣份量十足～ 特別係米飯😂巴東牛肉抆得幾軟腍 辣味幾突出 不過都有青瓜番茄伴碟係略嫌米飯較乾➖➖➖3️⃣ 牛油果五色米紙卷（素）$56 會當係小食share 剛好👍🏻米紙卷皮晶瑩通透 幾煙韌 厚度適中💫不過就唔太覺牛油果粒➖➖➖4️⃣ 串焼拼盤（雞肉.大蝦) $68 就好似串燒山咁✨ 其實原先有埋魷魚鬚不過無晒貨得番兩款☺️較推薦雞肉 唔會好乾 都幾惹味➖➖➖飲品:香茅橙茶 / 香茅青檸荔技梳打/馬來拉茶/吉仔話梅水 全部包晒👍🏻☺️ 椰青另加$2

來到時大約點幾兩點，有一部份食客陸續離去，但也爆滿了七成，如果正正午飯時間來到一定全院滿座；2pm後有抵食下午茶，份量沒有減少，不過價錢比較便宜😆Lee laksa 當然喇沙出名，不過我已經在他其的姊妹店吃過，今次想嘗試下蝦麵。🦐檳城蝦麵$66蝦麵最講究就是湯底，主要用蝦頭及蝦殼一起熬至蝦味濃郁及鮮甜，這個卻做到了；至於面底是摻摻即是半麵半米粉/ 有剝殼蝦肉/豆卜/腩肉連軟骨，這個部份十分講究及少有👍🏻/ 蛋/ 蔥粒 / 紫洋蔥/ 乾蔥……. 湯飲完沒有口渴🥗大蝦青木瓜沙律$68這個夏日開胃之選，材料主要有青木瓜，其餘是蝦/ 蔬菜/豆角/車厘茄/花生碎/少量指天椒，配合起來很合拍，加上魚露/ 青檸汁/ 糖等組成了酸甜鹹汁零舍開胃，辣味一層一層遞增🍹香茅鮮橙茶果味加香茅味清新最後值得一讚是餐廳服務員貼心，會經常看看客人需要去補給物資/ 服務

食新加坡菜好多時候都會想食海南雞飯，又會想食喇沙，仲有肉骨茶，呢間餐廳好貼心，除左普通既海南雞飯，仲有唔同 set 係海南雞飯配喇沙，又可以配肉骨茶，真係好正，啱晒三心兩意既朋友海南雞好滑，好有雞味，配上黑醬油，辣醬同薑蓉，好好食，油飯好香，唔算好油。喇沙味道香濃，連湯都想飲埋🤣檳城蝦麵🦐以前覺得蝦麵好淡唔夠喇沙好食，呢碗蝦麵雖然無喇沙咁濃味，不過都好好味，蝦味好濃，啱晒好鍾意食蝦既朋友香芒大蝦米紙卷🥭食新加坡野當然唔少得米紙卷啦，呢款米紙卷色彩好豐富，有5隻色，賣相幾靚。味道好清新，可以減低喇沙同海南雞飯既油膩感。珍多冰🥤呢杯可能係飲過最好飲既珍多冰，椰漿同冰已經先整成沙冰，綠色既珍多食落口甜甜地，唔係食落去無味果 d,可以飲得出餐廳既誠意。好飲！

開會後太餓，不想吃cafe之下走著走著就找到這間設計時尚的新加坡菜餐廳，光猛的燈光吸引我們進內用餐～斑蘭咖央多士 $28吃新加坡菜我一定會點這個小食，這裡的多士用了後方包，底面全脆，咖夠濃郁，配上夠硬的牛油，配一杯咖啡剛剛好🥰新加坡鹹蛋黃魚皮 $68鹹蛋黃魚皮新鮮炸起，上桌的時候還在出煙，魚皮和鹹蛋黃漿混得很平均，每一塊都有滿滿的鹹蛋黃，夠惹味，只是油份偏多，吸油可以做多一點會更完美。新加坡喇沙 $82椰奶味非常濃厚，令喇沙不會太辣又夠滑，裡面的食材都很新鮮，讓人忍不住一直吃下去，湯底真的非常優秀，材料很足，吃完一碗一定夠飽！檳城蝦麵 $86兩款麵都能夠保持適當的彈牙口感，最加分是豆卜完全吸取的湯底的惹味鹹香，有咬口又有豆香，和麵條一起吃的時候會爆出湯汁😍蝦肉尚算新鮮，平均分很高的一碗麵～香茅青檸荔枝梳打 $36同日喝了咖啡所以轉喝梳打，這杯梳打香茅味相對濃郁，但不會抗拒，就算有荔枝也不會太甜，很適合用來平衡一下這些惹味濃郁的菜式。

今午行過皇后大道中, 見到間新開既 LeeLaksa (新加坡菜) 餐廳,   門口餐牌既相片睇落幾吸引, 咁就試下喇.     我就order左 "檳城蝦麵" 外賣,  大約等左15分鐘.   響等外賣期間, 店員都主動幫我跟單, 值得一讚.   打開外賣包裝紙袋內, 有一份餐具包, 內裡放有一小包消毒紙巾, 真係好窩心, 完全照顧到食客用餐既衛生.   打開餐盒, 已經聞到好香濃既蝦湯味, 湯底真係正 .  至於食材都好足料, 有蝦, 蛋, 豬肉,  芽菜, 通菜, 豆卜, 洋蔥,  仲有鴛鴦麵 (油麵同米粉).   食完, 真係好滿足.     

朋友推介我上環有間好好味嘅新加坡菜餐廳。鐘意周圍去食好嘢嘅我當然要去試啦。餐廳門口大大個名，好易認，離遠都可以見到。環境都好舒適，但礙於抗疫措施，唔可以堂食，所以只好買外賣返去試。巴東牛肉餐廳好細心，將白飯同巴東牛肉分層放，咁樣白飯就唔會吸收哂巴東牛肉嘅汁，巴東牛肉就可以保持鮮香。巴東牛肉燉得軟爛入味，味道香濃，辣度則是中等，另外仲配有青瓜片同車厘茄。檳城蝦麵賣相好靚，但將麵同餸今返落湯再砌返咁靚嚟影吓相，原來一啲麵唔易。麵底係星馬餐廳最常見嘅摻摻，即係米粉、油麵兩溝。湯底很濃郁鮮味，辣度亦不算高。相信堂食會更正。香茅鮮橙茶有別於一般嘅鮮橙茶、LeeLaksa嘅香茅鮮橙茶多出香茅味，而估唔到香茅同橙茶都幾夾。香茅青檸荔枝梳打香茅加青檸再加荔枝嘅梳打，我都係第次飲。甜甜嘅荔枝味，搭上青檸，再加埋香茅，非常有層次嘅味道，都幾好飲。