Romanne Leisure Food Concept (砵蘭街) (已結業)

旺角有唔少cafe，多數係喺裝修/遊戲上花心思，好似呢間咁無論食物定環境都有返咁上下質素嘅幾難得。大廈大堂焗促狹隘，估唔到上到嚟餐廳自然光充足，擺設予人輕鬆感覺。最近仲做緊全單75折優惠。餐廳菜式多元化，東南亞、日式、西式都有。價錢有高有低，午市套餐包前菜同飲品。熱菜可以沙律/餐湯二選一。跟餐嚟講沙律份量真係好大！而且係高質沙律。沙律菜種類夠多不在話下，最重要係佢唔係用沙律醬撈，而係用乳酪。沙律酸得嚟有啲奶脂香，呢碟沙律坊間賣幾十蚊都唔出奇。粟米南瓜湯味道亦好香甜。點咗店員推介嘅新菜式—川味麻辣醬脆炸雞扒漢堡配炸甜薯。擺盤精緻，漢堡伴有唔少柚子醋沙律。漢堡夾入蘿蔔絲、醃青瓜同紫洋葱，酸甜開胃。炸雞酥脆，雞肉嫰滑多汁。店員見我哋食得狼狽，即刻拎咗支籤嚟幫我哋拮住個包。張開口準備咬漢堡嘅一刻，花椒麻香撲鼻而至。烘過嘅漢堡包塗上牛油，食落更香。整體都食到麻香，醬汁唔漏，酸酸甜甜咁，但辣度只屬BB級，迎合大眾口味。食譜仲改進緊，或者會愈嚟愈辣？跟餐嘅炸甜薯係不得了咁好食！外皮酥脆，甜薯軟糯香甜。晶瑩嘅檸檬海鹽望落好似爆炸糖，但食落味道清新，令甜薯層次更豐富。肉眼扒比手掌更大，而且幾厚身。Per

今日行過旺角想搵一個靜靜地嘅地方傾吓計上網搵過發現呢間Cafe幾有情調 裝修得好好 結果就簡左呢間 地點係朗豪坊隔離都好方便我哋揀咗二人套餐 有餐湯 沙律 飯/麵 同主菜 先HKD378 計返當然平過分開叫啦而且選擇都幾吸引另外一開始唔知份量以為會好少結果叫多左兩個小食 但點知個套餐都幾多野沙律係煙火雞烤蘑菇粟米沙律火雞肉食落都幾嫩唔會老 成個沙律感覺都唔錯今日嘅餐湯係南瓜湯 淡淡地嘅南瓜味 好香而個飯我哋就揀咗黑松露雜菌risotto仲有一粒溫泉蛋 一嚟到濃濃嘅黑松露味道就已經撲晒出嚟 好香好吸引 仲有粒恰到好處嘅溫泉蛋 真係好正！個主菜 因為我哋好鍾意食鵝肝本來諗住揀牛柳伴鵝肝但係店員推薦下我哋試咗香煎沖繩豬鞍扒個豬扒比我想像中大舊好多通常豬扒好易就會煮到好'嚡'點知食落出奇地肉嫩 原來因為佢個豬肉可以煮到七八成熟 加埋少少嘅脂肪邊 超級香口 冇介紹錯 ！除餐我哋叫咗兩杯mocktail W Games同Zen小食就叫咗檸檬海鹽炸甜薯(HKD68)同埋芝士煙肉焗燒烤菇(HKD78)甜薯超好食 炸到岩岩好 最特別嘅係檸檬汁份量落得岩岩好 甜中帶酸 冇咁易濟 強烈推薦！最後叫得太多所

時間：星期三 6:30pm人數：4<< 食物 >>煙三文魚柚子沙侓 ($88) Smoked salmon pomelo salad 有紅洋蔥, 蕃茄仔, 青瓜, 木魚絲。 份量還好。個汁好似鹹鹹地咁。 檸檬海鹽炸甜薯 ($68)　Lemon seasalt sweet potato fries食唔到檸檬味，外皮唔脆。 甜薯味ok。黑松露意大利飯配63°C溫泉蛋 ($98) 63°C egg black truffle risotto 有蘑菇, 本菇, 洋蔥, parmesan cheese, 牛油。幾好，飯唔怕硬。好香黑松露味。 日本照燒香烤比目魚 ($198) Teriyaki halibut fillet 配西蘭花, 粟米, 瓜, 薯仔。　魚好淋，好香，好味。伴碟嘅野麻麻地。　 暖朱古力布朗尼配意大利雪糕 ($58)　Warm chocolate brownie with gelato 呢個令人失望。唔夠濕潤，有d乾。朱古力味又唔係特別濃。似普通朱古力蛋糕多過brownie。vanilla雪糕好味。 玉桂蘋果批配意大利香草雪糕 (2人份 $88

剛剛旅行完返嚟，一屋都喺行李、雜物，工作就故然積壓咗唔少，所以，是夜少有哋兩公婆出去食，乾手淨腳嘛。早排去咗太子一間酒吧餐廳，所做嘅西班牙小食（Tapas）甚有水準，晌食文都有提及過，依家唔少餐廳都有提供埋西班牙小食，今晚到訪嘅樓上鋪Romanne亦一樣有，而且，有水準之餘，定價十分相宜。旺角朗晴坊唔喺第一次嚟，到達7樓，就見餐廳門面，餐廳佔全層，而一踏入去就喺開放式廚房，更用上較少見嘅藍色燈光，非常型格玄幻， 可以遠觀大廚們做菜嘅姿態。不過，再走入啲喺用餐區，明顯如一般悠閒西餐廳。香港租金貴，就預咗枱櫈編排會有點逼，還好喺佈置有點心思，窗邊有唔少盆栽，枱上又有啲擺設，天花掛上電燈泡，讓整體環境添加少少氣氛，兩邊對外都喺玻璃窗，使空間唔會太侷促。細細嘅餐牌似喺自家印製，啲字開始有啲甩，而菜式分為沙律、前菜、主菜、意大利麵或飯、甜品、西班牙小食及飲品。另外，仲有兩個獨立嘅套餐餐牌，分二人（$368）及四人（$698），本來都有考慮點二人餐，因為認為划算啲，不過，部份嘢唔太啱我老婆，最後都喺散點。飲品選項中，除啡茶、汽水、什飲、果汁之外，更有店員推介嘅無酒精雞尾酒（$58 / 杯），見其中