醉鮮靚湯特色粉麵

營業中

休息中

滿懷希望放工趕去食，點知去到7:30pm左右，被通知所有魚腩，魚餃已賣晒唯有食翻平淡既牛筋牛腩，同豬軟骨，跟魚湯，加$3試吓醉鮮麵... 首先講魚湯，一啲魚味都無，好似水一般清淡，麵質係少少透明好似檬粉咁但又好似米粉咁，口感同米粉無乜分別而且係無味，唔知食緊乜不過勝在夠大碗。再講下牛腩牛筋，牛腩有d韌有d鞋口又太大舊，牛筋正常淋，較牛腩入味，正常柱侯咁既味道。豬軟骨係我第一次見係橙色汁味道好奇怪，唔似茄汁唔知係乜汁煮，汁味道好奇怪，豬軟骨肉係夠淋，但心諗其實用翻煮牛腩個汁咪好囉個汁我唔太like勉強食咗一半都唔想食落去呢餐真係唔知點形容可能係我唔識欣賞

有位食家朋友帶過我黎後，我就被呢間小店深深吸引左，每次同朋友係葵芳唔想掃街，就會推薦佢地黎呢間！雖然店鋪小小，但成條街只有呢間餐廳門口人流不斷，我基本上每次去都要排隊（大約3-4張台），你就知幾受歡迎！佢最出名係魚鮫，超大超滑超鮮，但要預先打電話去預留定，我呢日7點幾去到已經冇晒，所以冇影到相。但其他食物都係有誠意之作，絕不馬虎。首先係胡椒系列，胡椒豬肚個湯底係重點，胡椒味百分百十足，加埋酸菜，個味唔怕寡或得個辣字，冬天食完暖笠笠，每位朋友試過都大讚！三寶有豬肚，腸同豬腰。之後係皇牌「醉鮮麵」魚湯，醉鮮麵其實係比較煙un的米粉，好幼細但唔怕斷，容易吸收到湯汁之餘，十分有咬口，唔會食完都冇野落肚咁！哈哈，每次去都必叫！湯底可以揀魚湯或者豬骨湯，兩款非常唔同，豬骨湯較濃味，魚湯係屬於鮮甜同淡味，兩種都係誠意之作，但我個人推薦魚湯，因為豬骨湯好多地方都有，但鮮甜魚湯呢間真係不錯！配埋容易吸收湯汁的醉鮮麵，相輔相成！麵同送會分開上，冇魚鮫所以轉食牛筋腩同豬軟骨，牛筋腩不愧係皇牌，啖啖肥美，豬軟骨稍為軟淋淋左少少，一夾就散，牛筋腩更勝一籌。每次我都會叫檸檬薏米水，今日去到熱飲已經賣完，可能係入冬

被店名「醉」「鮮」二字吸引，今回先講講嚐「醉」的應受～醉雞相當入味，每一件雞件吸收紹興酒的精華，入口酒香滿溢，雞皮夠爽～雞肉亦相當嫩滑～好好食～醉鮮麵配魚湯 魚湯呈奶白色，沒有一點腥味，相反卻非常鮮甜～而醉鮮麵口感相當Q彈，不過掛湯能力比較一般！當日食得比較慢，開始唔夠湯，店員見狀即主動幫我加湯，相當有人情味及窩心～檸檬同薏米過然好夾，味道清新，食飽飽飲杯真係好寫意～辣度比較溫和，驚喜內有蝦米！在湯內放一些蝦皮提鮮，更好味！