HeSheEat (銅鑼灣地帶)

營業中

休息中

以前想食甜品總會諗起HeSheEat,但依加除左來食甜品仲可以來食午餐/晚餐，太好啦!同朋友行完街，抬頭望到hesheeat見肚餓就上左去食之前食過一次晚餐，覺得唔錯，所以今次再encore呢個沙律好正，d菜好新鮮帶子前後煎得好香，特登唔整得太熟令味道食落鮮甜同juicy味道好新鮮啊青蘋果味道唔酸，食落好清新個salad dressing幾特別係honey mustard來，醬落少少吊下味食落好滋味但又唔會膩墨魚汁魷魚扁意粉意粉好彈牙，味道炒得相當香口d蒜味好香加埋d魷魚好好食超鍾意呢杯飲品，除左有雪糕食杯飲品仲食到粒粒柚子肉，味道好清好香超好飲甜品時間到雖然病病地都唔理咁多啦！焦糖薄薄脆脆，同香蕉超match窩夫食落脆脆地，中間食落感覺柔軟帶點空氣感，食落唔會膩。呢個d士多啤梨醬味道相當出同好食，唔會過甜，微微酸味令到味蕾有點煥然一新之感，雖然食左d甜野，但完全唔覺得甜膩，感覺清新。落地玻璃感覺好開揚同舒適同朋友來食野吹水係一個好地方可以食埋甜品同飲下野

最近SOGO大減價, 呢日同好姊妹行完街街,記得之前朋友介紹銅鑼灣地帶開左一間新派潮流美食---<HeSheEat Café>由主菜到甜品都好出色,所以決定去試下先!嘩!黎到6:30左右已經開始排隊,好才早黎所以等左一陣就有位! 見到meun時又開始選擇困難症出現,呢個時候店員好nice禁介紹左一d推介的東東,我地又參考左隔離幾台的野食,最後決定左品嚐以下呢幾款:主菜方面:<墨魚汁‧魷魚‧扁意粉>HK$95 露露每次食意粉都必點墨魚汁,賣相唔錯, 材料新鮮, 不過墨汁味比較淡,可能本身食慣重味, 但姊妹就覺得味道岩岩好!< HeSheEat Buger> 露露推介HK$118一坐底已經被隨離台的buger吸引住,大大個的漢堡配上粗著條 上層:鬆軟香脆的麵包中間:先係烤過的厚厚香菇層,之後被濃濃已溶化的芝士包住的漢堡下層:新鮮沙律菜 切開漢堡, 層次分明新鮮幼嫩的肉汁, 與芝士融合非常香濃, 超讚!!飲品方面:露露最愛奶昔, 於是點左<燕麥乳酪奶昔> 露露推介HK$38乳酪既酸味配上cream & 燕,香滑醒胃健康!姊妹點的

前排同朋友去左 MK 間 HeSheEat 食飯後甜品，傾開先知，原來銅鑼灣都有一間HeSheEat，唔同嘅係，旺角HeSheEat 只有甜品食；而銅鑼灣那邊，除左甜品還有咸食。BeautySearch 再上網去 openrice 望望，發覺原來HeSheEat的咸食也不錯，於是約同朋友放工後到銅鑼灣HeSheEat Cafe 試一試那兒的晚餐，當然，少不了飯後甜品啦！HeSheEat Cafe 地理位置優越，鄰近銅鑼灣港鐵站，由港鐵站一出過對面的銅鑼灣地帶就到，交通非常便利！Cafe 位處商場的一樓，旺中帶靜，正好逃過了地面那份繁囂感，進餐時也額外舒適。商場門前的易拉架，正好提示店子的所在地。說到店子的裝修設計，銅鑼灣店的佈置設計，與旺角有點分別，旺角的設計很 sweet 但較 girly；而Cafe 這裡則有種 Home Sweet 的感覺，同樣 Sweeties 卻有兩種不同的展現!相比之下，這裡的menu 比較簡單，兩張A4 紙，密密麻麻列出不少菜式及飲品，而我則較喜歡旺角店的 menu，因menu 上印有不少甜品，未食已令人非常開心！近年不少西餐廳都會提供 Brunch，原本

今晚同舊同學食飯，無意間發現He She Eat開左cafe係銅鑼灣，雖然睇食評話要排隊，不過都係決定黎試下～～食過旺角果間He She Eat嘅甜品，念念不忘，唔知cafe嘅水準又係點呢？好慶幸，排左都唔知有冇15分鐘，就可以入座喇。。d檯都擺得幾逼，但香港咁貴租，真係冇辦法。。我地叫左一份All day brunch，有得揀五個或七個或九個items。我咁為食梗係揀九個啦。。。九款食物都好好味，最令我驚喜，係牛角包，熱辣辣，好香好香牛油味，又鬆又軟！第二係牛油果醬，用新鮮牛油果搓成蓉，愛牛油果嘅一定明白果種美味我飲果杯係草莓玫瑰花茶，凍飲黎架。黎到先知，入面有一球雪芭。估佢唔到，雪芭溶晒之後，竟然味道會咁好！甜品，檸檬pancake就係我必食嘅，酸酸甜甜嘅感覺令我一次又一次叫呢個甜品。今次再試埋櫻花草莓奶凍，又係不得了，奶凍味道啱啱好，唔會甜得滯。加上果醬，脆脆，雪糕。。。真係太好味～～仲有好多野想試呀，但胃容易有限，要下次喇。。

友人都算喺甜品迷，一直話好想試HeSheEat，所以，專燈搵咗小弟茶聚吓之餘，想向我討教一下食甜品之道。哎呀，討教就實在言重，叫比一般人多機會食得多啲甜品，又好有興趣整吓咁，當喺大家彼此切磋吓啦 ！HeSheEat位處銅鑼灣地帶商場一角，個商場又好似九曲十三彎咁，搵咗陣兜兜吓先搵到 ，不過，個位置又幾好，落地大玻璃，對住樓下大街。而店家裝修偏向簡約，水泥地，雲石枱配木櫈，不過，有兩組「馬蹄位」就稍嫌掗拃 。之前已聽友人介紹過，銅鑼灣店唔單止賣甜品，連其他鹹點、主食都有，如意粉、意大利飯、三文治、沙律、全日早午餐及小食都一一有提供，雖然每個類別款式唔多，不過，基本作為一份正餐已好足夠 。由於今次跟友人嚟茶聚，所以，都只喺點個沙律，再嚐嚐甜品，一邊呷着咖啡，一邊聊天談談軼事。 帶子青蘋果沙律（SL02）$88 嚴格嚟講，個沙律無正式名稱，餐牌只列有成份：帶子、青蘋果、焦糖合桃、蜜糖芥末醬。沙律菜非常新鮮爽脆，四圍加上青蘋果薄片，酸香清爽，一切已拌上蜜糖芥末醬，簡單味美 ；而焦糖合桃好香脆，富果仁香，加埋肉厚鮮甜嘅帶子粒，值得俾高分嘅一道沙律 。 綠茶心太軟（P02）$

聽聞銅鑼灣開咗分店已久，今日出開銅記即管試試。。中午1點3左右去到竟然唔駛等幾多位吓，侍應態度都ok nice..我同朋友冇叫到熱門嘅綠茶心太軟同墨魚意粉，而係試佢個all day breakfast: 叫咗腸仔，煙肉，牛油果蓉同牛角包等。其中腸仔最好味~之後嗌咗個雞肉意大利飯。。本人一向鍾情risotto, 嗌個最平嘅試吓。。一嚟到就覺得好靚，賣相有驚喜雞脾同雞胸雖然睇落mini,但其實份量都夠，有微辣但可以接受 ，都幾惹味。。意大利飯有好香芝士味，中間拌咗啲蕃茄碎，口感唔錯，兩個人share都夠食最後叫甜品，我哋揀咗一輪決定唔要窩夫/鬆餅 (怕滯)，而係要奶凍。4款奶凍個名都好吸引，柚子/荔枝我哋都想試，但最後都係揀咗最傳統嘅櫻花草莓奶凍最初睇佢細細杯以為好輕巧，點知食完我同我個fd都飽到唔識郁😆雪糕同底層mousse士多啤莉味濃，脆脆似曲奇，唯獨冇咩櫻花味😅整體嚟講我覺得都值得推介嘅，有機會都會再幫襯，試吓其他甜品

近來也聽聞HeSheEat Cafe人氣急升，在openrice飲食網站評獲1月份好評餐廳的第一名，它位於熱鬧的銅鑼灣記利佐治街的銅鑼灣地帶2樓，交通都好方便容易找到，銅鑼灣港鐵站E 出口對面。今天與友人相約此特來朝聖，店內地方寬敞整潔，而且有落地玻璃窗可以欣賞繁華的街道，從玻璃窗投入充足的光線，感到溫暖又舒適。而且少見的大型樓上甜品cafe有那麼寬敞又可以倚靠落地玻璃窗品嚐美食。除此之外，加入了不少主熱食的salad、pasta 、risotto、burger、all day Brunch等等菜式，食物選擇更會多元化真是非常難得。正時中午時份，店中已經擠滿不少客人，幸運地不用等位已經可以入座。 點了餐後就慢慢地等待，等了一會我杯熱泡沬朱古力($38)，用了法國VALRHONA朱古力 73%，朱古力味濃郁卻不苦，味道好醇香滑，泡泡好細滑，最令我歡喜的是不會好甜膩。 軟殼蟹西柚腰果杏脯橙醬($88)沙律菜入口帶非常清新爽脆，當中加入了香脆的腰果，同時沙律菜中的杏脯橙醬散發了清新的啖啖橙香，熱辣辣原整大隻的軟殼蟹更是焦點，廚師用了意大利米粉混入奶做成炸醬，軟殼蟹的炸醬炸得夠薄身香脆

今晚我與朋友相約在HeSheEat銅鑼灣分店用饍，HeSheEat早已在旺角聞名以久但小弟尚未有機會一嘗 ；上年尾HeSheEat正式進駐銅鑼灣，分店位於銅鑼灣地帶2字樓。做事從來都謹慎的我晚上10點10分已來到餐廰等位，從升降機步出已看見在等候的人潮。。。職員亦遂一詢問客人的人數，終於我們等候了30分鐘才有位銅鑼灣跟旺角店分別之處就是這裹提供熟食，我們點了兩份意粉及兩份甜品三文魚蕃茄意粉＃伴碟有車厘茄及香葉而三文魚扒放置在意粉上，整體外觀亦下過心思；意粉利用蕃茄蓉炒過充滿茄香，而三文魚皮亦煎得相當鬆脆但肉質過老略嫌烹調過火 ；墨魚汁魷魚扁意粉＃沾上了墨魚汁的扁意粉襯白色的魷魚及車厘茄，外觀黑白分明相當討好魷魚經過刀功處理炒熟後外觀不錯，入口細味下肉汁很多味道更是一絕扁意粉味道適中，剛好襯托出魷魚的鮮味！櫻花草莓奶凍＃外觀非常別致，充滿櫻花樹下的感覺香滑奶凍配上濃味的草莓醬及鬆化的蛋白脆脆，草莓雪糕亦不太甜不怕搶去奶凍的淡淡奶香口感變得相當有層次而且非常夾味，整體印象非常好。綠茶心太軟＃外觀充滿和風，把綠茶心太軟切開濃熱的綠茶醬如泉流出綠茶味非常濃而且本人比較喜歡它甜度適中，配上的是本

很久都沒有來過銅鑼灣食飯了，最近朋友去過旺角 HeSheEat Cafe 食飯，覺得味道不錯，於是她提議我們去銅鑼灣的店舖試試，於是我們三個女生，在星期五的晚上來到銅鑼灣 HeSheEat Cafe 食飯了。我們三個很喜歡美食的女生，不經不覺便叫了 7 個菜~首先來一壼熱的有機伯爵茶。伯爵茶很有茶香，可是因為沒有蠟燭之類的東西保持溫度，所以很快便待涼了，需要努煩侍應不時來加熱水。我們看見隔離位吃著很炸脆的炸雞翼，於是我們都叫了一碟。這碟炸雞翼的皮炸得十分香脆，即使放置了 10 多分鐘，皮仍然很脆卜卜的，還帶有少許辣味，雞肉的肉汁仍然保留著，沒有太乾亦煮得剛剛熟，肉汁很嫩滑，配上韓式辣醬，相當惹味~接著來了 All Day Brunch。食物的選擇都頗 flexible，可以選擇 7 至 9 種食物。我們今次叫了 9 種。法包在切的時候還以為很硬，但原來咬下去，卻覺得很暖很香脆而不硬。其中尤其喜歡粟米餅，除了十分香脆之外，味道也相當有層次感。炒蛋煮得剛剛好，保留了相當多蛋汁，入口即溶，口感很軟滑。之後來了店舖的皇牌菜：HeSheEat Burger。首先要一讚的是薯條很長、很粗切和很炸脆

女生的晚飯約會,除了要想吃什麼菜式外,還要先想晚飯後的下場活動"甜品"食什麼?上星期同兩位好友 Girls Talk, 知道旺角甜品人龍熱店"HeSheEat"在銅鑼灣正式插旗,這面除了有旺角 Signature 甜品外,更設有咸點的餐牌!旺角是人龍熱店,所以我也沒有排過,當晚所見晚飯時候開始已粉多人排隊,而且是人龍不停的哦,幸好!我們早到,等了十多分鐘就入座了!先來吃一點咸點炸雞翼 ( $49/一客四件)本來我就不點雞翼,但看到人家點的很吸引,就點一客試試看 (其實我也會怕熱氣的)雞翼外皮炸得脆卜卜,調味有點點辣味,肉質很嫩滑, 非常讚墨魚汁魚意粉 ($95)這個不建議約會時吃哦!因為店方真的下得粉多墨魚汁,粗身意粉不會煮鬼過淋,有咬口,掛汁能力高,而且蒜香也重, 墨魚汁也很新鮮海水香味All Day Breakfast可以的話,我會吃掉全宇宙的 All Day Breakfast !!!共有九個選擇,可根據自己的喜好自由配搭,我們三個吃貨,當然是來一個全有的!包包有兩個選擇,一個是牛角包,另一個是香草包,我們揀了香草包,感覺也粉乾的~炒蛋好滑身,而且不會邊吃邊出油出水,證明份量控制

只要珍惜、細味廚師為自己製作每道菜式, 而非狼吞虎嚥, 視其為只是醫飽肚之物, 你便能知道到他有否用心製作。自從在”開飯喇”平台開始編寫食評後, 我更體會到細細品嚐食物的重要性, 亦漸漸學懂欣賞廚師的心思。而每當吃甜品時, 我都喜相約志同道合者一起品嚐, 互相研究甜品的味道和製作, 這過程往往是一種樂趣。知道位於旺角的HeSheEat是一間甜品店, 最近在銅鑼灣開了分店, 不單止出售甜品, 連鹹點都有供應, 款式多元化, 既然在港島區咁就腳, 故決定約埋志同道合者來試試。門口的招牌以白色和桃紅色的光管燈製成, 搶眼奪目, 還有一個以咀唇和鬍鬚合併而成的logo, 又容許我想像一下, 鬍鬚代表 “He”, 桃紅色的咀唇代表 “She”, 而咀巴則代表了 “Eat”, 組合起來便是店名的 “HeSheEat”, 其實都不知是否這樣理解, 若然是的話, 此logo的設計都很有心思。店子是開放式的設計, 門口直入便是製作食物和飲品區, 兩旁均設有不少座位, 大部份都是兩人至六人移動式的枱子, 可因應客人數目而改擴大或縮小, 彈性很大。 雲石枱配上木椅, 枱與枱之間空間較少, 感覺有點狹窄, 若