輝哥私房菜 (裝修中)

🧡❤️💛一定要食流心奶黃包🌼幾年前嚟過依度飲茶，趁住假期😝再次同屋企人過嚟食點心放題！性價比一樣咁高，食得岀真係新鮮貨色🤭所以我哋都encore咗好多round！(尾圖張單有紀錄.❣️90分鐘任點任食點心放題❣️ $118/位如果平日嚟食唔計$12茶位，唔計服務費，$98一位真係好抵食🤣假日嚟食，價錢會上調，建議大家先訂枱再嚟食呀！🤍水晶蝦餃皇🤍飲茶一定要食蝦餃啦😆蝦餃大大粒，一籠有3粒，既然係任食緊係嗌多幾籠！因為嗌咗好多籠，我哋決定放埋一籠慢慢食🤫外皮夠薄帶軟糯口感，蝦肉都有3-5隻，啖啖肉好過癮！🧡蟹子燒賣皇🧡燒賣都係一籠有3粒，將幾粒大大粒嘅燒賣放埋一籠，睇落真係好誘人😍！肉感實在，入口有飽滿嘅感覺！🩷韭皇鮮蝦腸粉🩷腸粉嘅選擇都幾多，口感滑溜有米香，軟糯外皮 內餡配料份量適中，鮮蝦爽彈有口感！食腸粉前一定要浸一浸豉油😛更鮮更香！🤎農家粗糧糕🤎好少地方會有依款糕點，粗糧糕味道微甜，口感軟糯蓬鬆😆屋企人話依個係養生糕，健康又有營養🤣💛流心奶黃包💛今次嘅重點，絕對係放喺流心奶黃包上🤤評論褒貶不一，決定親自一探究竟🫣初頭都幾驚冇流心效果，不過食咗幾籠之後終於放下戒心🤪用流心奶黃包打卡先！流心

之前經同事介紹去了輝哥私房菜吃午市點心放題，在門外已經有長長人龍排隊，好彩我預先上網Togetda預訂了座位，還有折扣優惠，真的很抵呀！私房菜地方雖然不是很大，但裝修典雅，以及環境明亮潔淨，感覺很舒適。餐牌裡有超過50款高級手工粵式點心，另外有自助區的大排檔小食、粥品、時蔬等，午市90分鐘$78起，還有惠顧每人送一盅古法灌湯餃及韓國汽水任飲，很不錯呢。炸得好香脆的奶皇薯棗，甜甜的奶皇做餡料，口感creamy，食起上嚟好似薯蓉，又香又滑，食多幾個都不會覺得膩。滑滑的韮皇鮮蝦腸粉，這個又是我必吃的，腸粉拉得都幾薄，明顯見到一隻隻大蝦，肉質爽口彈牙，真的要推介給大家。晶瑩剔透的水晶蝦餃皇都是必食的，都幾大粒，餡料豐滿，蝦肉爽滑彈牙，非常鮮味。香口脆卜卜的招牌炸雲吞，載住滿滿的餡料，鮮甜爽口的蝦肉，好彈牙，雲吞外脆內軟，口感鬆化，實在好惹味。每一次吃點心我都會點小嬌白玉棉花雞，覺得材料豐富多樣化，魚肚爽口，腐皮滑溜，火腿和蟹柳帶少少鹹香味，有咬口，越食越鍾意。

雖然母親節經已過咗一星期，但做孝順女就幾時都得。難得媽媽咁叻叻豬🐽，上網睇片見人介紹「輝哥私房菜」有點心放題食，仲搵埋網址比我😂。見佢咁落力，我就奉陪到底啦。點心放題分兩個時段，入座時間分別為11:45同13:30，收費一樣，我哋就當然揀後者啦，可以訓晏啲嘛💤。價錢方面，上網預早買定兑換優惠卷($78/張)，到場俾多$21茶芥同加一服務費，即係人均$99，一嚿水都唔使，好鬼抵👻。我哋早少少13:15上到去，已經有人排緊隊，人氣超高的！唔好忘記當日係星期一中午喎。店員執好枱後就開始安排客人進場，酒樓環境幾特別，主廳面積唔大，一眼睇哂👀，但四周圍都劃咗做廂房。兩個人食的話，好大機會要搭枱坐，因為座位唔多，而且真係好爆場。不過幸好中間放咗隔板，客人之間又有一定距離，所以都尚算食得安心👍。餐廳冇特別設計放題專用嘅點心紙，所以點心紙會寫上食物價錢同大中小點。不過可以放心，入面全部項目都係任嗌任食‼️，包括粉麵飯同巧手小食等。點心放題限時90分鐘，上菜速度快，無漏單。我哋食兩轉已經乜都飽哂🤰，呢度就連罐裝汽水同啤酒都係任飲㗎！留意返，點心係以一籠籠作單位，並唔係逐粒計算，所以無論你兩個人定四個人食，

點心放題在香港比較少選擇，而且又要高質又價錢大眾化的，最近我們到了輝哥私房菜任點任食點心，超多款，實在吃得太開心啦！私房菜裝修雅致，環境明亮潔淨，地方舒適，很不錯。餐牌上除了多款點心揀之外，另有小菜、粥品、時蔬等，午市/茶市 90分鐘 $78起，超過50款高級手工粵式點心，還有惠顧每人奉送紅燒皇子鴿半隻、自助放題小食及任飲汽水、果汁，真的太抵吃。紅燒皇子鴿侍應送到時已聞到陣陣香味，炸得剛剛好的皇子鴿，脆脆的外皮，肉質嫩滑，吃起來好多肉汁，香脆可口。水晶蝦餃皇大大粒的蝦餃，晶瑩剔透，餡料豐滿，蝦肉爽口，好彈牙，鮮味十足。薑蔥牛肉角類似蒸餃子，充滿薑蔥味香濃的牛肉角，薑蔥味不會蓋過牛肉的鮮味，濃厚的牛肉香，好吃。奶皇薯棗炸得好鬆脆，餡料充滿奶皇香甜味，配合薯蓉的昏質感，兩樣食材好配，吃完覺得很滋味。韮皇鮮蝦腸粉拉得都幾薄的腸粉，見得到的大蝦，口感幼滑，蝦肉好大隻，爽脆鮮甜，好好味，所以再點多一次。豉汁生炒涼瓜涼瓜切了薄片，吸入了豉汁的惹味，涼瓜好爽口，帶少少苦，是我喜歡的味道，越食越開胃。招牌炸雲吞大大隻的炸雲吞，滿滿的餡料，蝦肉鮮甜爽口，肉質彈牙，外香內嫩，口感鬆脆，好惹味。

在openrice發現輝哥有$68點心放題，趁著前排放假，帶好耐無飲茶的屋企人去吃下 ，真是物超所值！選了1:30入座，雖然多人，但店員好快安排入座了，而且位子之間都隔得頗有距離。點心選擇頗多的，還可以到外面拿大排擋小食（間中走出去看看，會發現有新的小食）特別喜歡大排擋這個新鮮煎起的煎蝦韮菜餅，煎得香脆之餘夾了好多菜，還有一層鮮蝦，口感味道都🈵️分！另外當然要點些飲茶必備- 蝦餃燒賣！沒想到點心放題都能保持水準。水晶蝦餃皇皮薄蝦肉爽，味道幾好，蟹子燒賣皇有鮮蝦夾了適量的肉，同樣有質素。平時去飲茶都好想點九肚魚，難得是放題，當然要吃到夠！招牌避風塘九肚魚炸得非常香脆，肉質亦軟香，配上蝦片好match！另外都幾鍾意個四川口水雞，好好彩地有雞脾部分食😋雞肉好嫩，惹味得來唔會好辣，所以encore了😝另外鯪魚球和川弓魚雲湯都幾好味，川弓魚雲湯的川弓味好重。最後仲有乳鴿送，皮脆肉多，食埋真係大🈵️足！$68 位的點心放題水準高之餘好易回本，一定會再來😋

最近有多間酒樓推出點心放題優惠，位於佐敦的輝哥私房菜由即日起至12月21日推出限時90分鐘的午市茶市點心放題。店內面積不算太大，裝修走舊式酒樓的傳統格局，來到的時候都全場爆滿。點心放題價錢十分平民化，星期一至五只需$78，便可任點任食逾50款粵式手工點心。點心都是即叫即製，所以等候需時，而且比較容易漏單。另收加一服務費$7.8及茶芥每位$12。每位贈送半隻乳鴿及汽水任飲。乳鴿皮脆肉嫩，肉汁豐富，不會烤得過乾。水晶蝦餃皇餃皮略厚，但蝦肉不會霉爛，肉質爽口，富有鮮味。蟹子燒賣皇燒賣口感扎實，肥肉不算太多。山竹牛肉球牛肉球肉味濃有彈性，加入粒粒馬蹄更加爽口。韭皇鮮蝦腸粉腸粉雖然較厚身，不過裡面的蝦仁亦算足料。小嬌白玉棉花雞雞件肉質滑口，棉花盡吸雞汁和冬菇香氣，非常入味。招牌避風塘九肚魚外皮炸至鬆脆酥香，灑上椒鹽鹹香惹味，九肚魚肉質滑嫩，細骨亦不算過多。酥炸墨魚花內裡墨魚彈牙爽口不過韌，只是外層粉漿就是厚了點。

近幾日經過佐敦偶然見到有點心放題，是高級粵式私房菜的輝哥私房菜，有超多款粵式手工點心，全部即叫即蒸，抵食又高質，好好味呀！這間私房菜感覺幾好，光線柔和，環境舒適，而廚師亦精心製作的粵式手工點心，CP值超高。午市點心放題星期一至五都只是 $78，星期六、日及公眾假期 $98，種類繁多，款式吸引，值得推薦！惠顧點心放題每人贈送脆皮紅燒皇子鴿半隻，這是店內皇牌，鴿肉鮮嫩，皮脆多汁，簡直滋味無比。水晶蝦餃皇，晶瑩剔透，皮薄煙韌，鮮蝦肉質爽實，吃起來蝦肉鮮、嫩、甜、美，吃個不停呢。豬潤燒賣是懷舊點心，沒多間酒樓供應，所以對於我來說是必點的。豬潤粉嫩不厚身，質感軟軟的有咬口，燒賣肉質鮮爽，口感豐富。蒜片牛柳牛味香濃，肉質鮮嫩，鑊氣十足，加上蒜片的香脆，惹味可口。酥炸墨魚花炸到脆卜卜，很鬆脆，沒有油膩感，墨魚很鮮美，爽滑彈牙。上湯蟲草花鮮竹卷，熱蒸點心當中，我很喜歡吃鮮竹卷，軟軟的腐皮包入清脆的沙葛、木耳、香菇、肉絲等，再配合蟲草花和上湯，清甜潤喉，滋陰養生。招牌避風塘九肚魚十分香脆，炸得金黃，脆脆的，外酥內嫩，魚肉爽滑，幾乎是入口即化，非常惹味。