信得過 (已結業)

上開飯喇睇下灣仔有什麼好吃,見到呢到下午都有杏汁豬肺湯飲,即刻嚟試試.....我和朋友都不餓,但都想試下他們的小吃,於是每人叫了一個杏汁豬肺湯+麵食,再加一客水晶鶏share1. 杏汁豬肺湯個杏汁豬肺湯好大碗.....每碗都有成4-5舊豬肺 湯很清甜, 豬肺滑嘟嘟,又好乾淨2.跟湯加$5 多一個麵食 (可選出前一丁,台灣新竹米粉 or 雲南滑嘟嘟米線)朋友要了雲南米線, 我要了出前一丁再加$5轉麻辣湯底~~個麻辣湯底好得^^3.水晶雞~本來想吃口水雞,但朋友不吃辣,所以叫了水晶雞....雞很滑,味道亦不錯

家中各人都係豬腰豬潤 fans，聽朋友講灣仔開左間專食豬內臟既茶餐廳；見媽咪平時喺廚房清潔 d 內臟咁辛苦，上個月就屈左老豆請我地黎試下。　地方好光猛，唔算污糟，但又唔可以話好乾淨，中規中矩啦。格局同一般茶餐廳無異，分卡位同散枱，餐具收埋喺枱下面個櫃桶，方便兼慳位。當問及推廣緊既晚市＂黃星星私房餐＂時，哥哥仔話餐廳後半可以擺張十幾人用既大枱開私人party，老豆已經約好左佢班老友下個月一齊去試添。唔知係咪落大雨既關係，店內既顧客只有我地三個人。哥哥仔都算有耐性，完全冇催促我地叫餸。嘩，出食物既速度快過打針，張枱好快就滿哂，哥哥仔重好有心機地幫我地排得整整齊齊（見圖），咁好既服務態度真係令小弟有少少吃驚。　水晶雞：$38碟；正確名稱唔係好記得，不過簡單黎講係口水雞走辣。我地好驚訝，因為做得好食過好多酒樓。少肥之外，連雞胸肉都唔乾唔嚡重好嫩滑，真係有d功夫仔。個豉油教到甜咸適中，少辣，正。驚訝推介一。　杏汁豬肺湯：$38碗；個人第一個反應係茶餐廳既湯洗唔洗咁貴呀？不過食評們大力推薦，唔試好似唔係好比面，所以都叫左碗三個人分 。冇錯個湯係好滑好甜，不過就好似唔係好夠豬肺味。要讚既係豬肺洗得非