影片
更多
2010-10-08
101 瀏覽
家中各人都係豬腰豬潤 fans，聽朋友講灣仔開左間專食豬內臟既茶餐廳；見媽咪平時喺廚房清潔 d 內臟咁辛苦，上個月就屈左老豆請我地黎試下。 地方好光猛，唔算污糟，但又唔可以話好乾淨，中規中矩啦。格局同一般茶餐廳無異，分卡位同散枱，餐具收埋喺枱下面個櫃桶，方便兼慳位。當問及推廣緊既晚市＂黃星星私房餐＂時，哥哥仔話餐廳後半可以擺張十幾人用既大枱開私人party，老豆已經約好左佢班老友下個月一齊去試添。唔知係咪落大雨既關係，店內既顧客只有我地三個人。哥哥仔都算有耐性，完全冇催促我地叫餸。嘩，出食物既速度快過打針，張枱好快就滿哂，哥哥仔重好有心機地幫我地排得整整齊齊（見圖），咁好既服務態度真係令小弟有少少吃驚。 水晶雞：$38碟；正確名稱唔係好記得，不過簡單黎講係口水雞走辣。我地好驚訝，因為做得好食過好多酒樓。少肥之外，連雞胸肉都唔乾唔嚡重好嫩滑，真係有d功夫仔。個豉油教到甜咸適中，少辣，正。驚訝推介一。 杏汁豬肺湯：$38碗；個人第一個反應係茶餐廳既湯洗唔洗咁貴呀？不過食評們大力推薦，唔試好似唔係好比面，所以都叫左碗三個人分 。冇錯個湯係好滑好甜，不過就好似唔係好夠豬肺味。要讚既係豬肺洗得非
地方好光猛，唔算污糟，但又唔可以話好乾淨，中規中矩啦。格局同一般茶餐廳無異，分卡位同散枱，餐具收埋喺枱下面個櫃桶，方便兼慳位。當問及推廣緊既晚市＂黃星星私房餐＂時，哥哥仔話餐廳後半可以擺張十幾人用既大枱開私人party，老豆已經約好左佢班老友下個月一齊去試添。
唔知係咪落大雨既關係，店內既顧客只有我地三個人。哥哥仔都算有耐性，完全冇催促我地叫餸。嘩，出食物既速度快過打針，張枱好快就滿哂，哥哥仔重好有心機地幫我地排得整整齊齊（見圖），咁好既服務態度真係令小弟有少少吃驚。
水晶雞：$38碟；正確名稱唔係好記得，不過簡單黎講係口水雞走辣。我地好驚訝，因為做得好食過好多酒樓。少肥之外，連雞胸肉都唔乾唔嚡重好嫩滑，真係有d功夫仔。個豉油教到甜咸適中，少辣，正。驚訝推介一。
杏汁豬肺湯：$38碗；個人第一個反應係茶餐廳既湯洗唔洗咁貴呀？不過食評們大力推薦，唔試好似唔係好比面，所以都叫左碗三個人分 。冇錯個湯係好滑好甜，不過就好似唔係好夠豬肺味。要讚既係豬肺洗得非常乾淨，口感係從未食過咁軟綿綿，又一驚喜！用杏汁既技巧亦確實勝過陸羽，因為陸羽既湯中重有杏粉，好多時會黐住個口同埋個喉嚨，而信得過既就係完全冇渣，所以先可以做到咁滑。咁多功夫同咁足料，$38碗都應該既，驚喜推介二。
白汋正宗黃沙乳豬潤：$55碟；好多豬潤唔好食既原因係因為太薄，過熟，同太粉。信得過既豬潤既厚度剛剛好，只係有少少過熟，同好輕微既粉。其實已經做到非常好，不過因為自己食過更好既，所以挑剔左，比較起上黎硬係重差少少。
白汋豬仔蝴蝶腩：$55碟；牛腩就食得多，小弟都係第一次食豬仔蝴蝶腩，覺得好硬好靱，完全唔掂擋。比較之下，都係食返牛腩好d。＂信得過＂頓時變左＂信九成＂。
白汋豬腰：$60碟；雖然爽口，但係奇押無比，媽媽話此乃啤水唔夠之過，整豬腰既大忌，更是機本功，所以大家都覺得係超級失敗之材，＂信九成＂即降級做＂信七成＂。
白汋爽滑靚粉腸：$55碟；粉腸層數卷得唔夠多，所以好單薄，口感唔得爽，比媽媽做嗰d差好遠，而且味道有少少押，＂信七成＂最終跌成＂信六成＂。
元貝雲吞米粉：$38碗；爸爸話未食過元貝雲吞依個組合，所以一定要叫黎試。唔講真係好難食出元貝/瑤柱既味道，只係覺得雲吞同湯底都好鮮甜；米粉腍中帶少少彈牙，幾唔錯既。
喺茶餐廳食個午餐埋單要過三百，好似貴左唔只少少bor。
後記：
1) 雖然大家都話信得過冇味精，不過我同媽媽都食到口乾臉紅（我地二人對味精之反應），要叫兩支$8既樽裝汔水黎解解。有人話可能我地對佢地隻豉油敏感bor。
2) 揸車既朋友會好開心，謝斐道好多停車場，包保有位；最正既係＂信得過＂既斜對面重有個代客泊車既停車場，$25/hr。
張貼
