德福閣

星期日唔想煮飯，去左仕德福酒店德福閣食自助午餐，實行要食多d，一餐等於三餐食，價錢每位$258，唔算貴。呢度野食好集中，餐廳中間有一張長長既餐枱放滿野食，唔洗行黎行去。生蠔每人包四隻生蠔，生蠔都頗大隻，今次肉質都可以，味道唔會太鹹，應該洗得夠乾淨。自助美食有：一) 凍海鮮刺身都係希靈魚，立魚，八爪魚同鯖魚。唔洗等，自己夾。質素都正常。鯖魚係酸咪咪，希靈魚脆脆地。壽司有北寄貝，馬刀背，三文魚，沙律軍艦，甜蛋等。試咗北寄貝都唔錯。凍海鮮有加拿大青口同幾鮮甜既凍中蝦。仲有一兜兜日式冷麵。二）沙律沙律吧有鮮青瓜片，車厘茄，希臘沙律，粟米粒，紅腰豆，雜法國生菜同香桃。我鍾意食紅腰豆。三）冷盤冷盤有煙鴨胸，日式帶子裙邊，味付螺肉，雜凍肉，牛蒡絲，中華沙律，枝豆伴胡麻醬汁。特別在有柚子蓮藕片，食落甜甜地又脆脆地，好特別。海南鮮雞點甜醬油都幾好食。 四）熱盤熱盤有雜錦腐皮素菜卷，墨西哥式燴豬，金銀蒜粉絲蒸龍脷柳，四川水煮牛，日式關東煮，清炒時蔬（係菜心，非常嫩綠），天多利燒雞，XO醬櫻花蝦海鮮炒飯，春卷伴暑角，燒賣。另外有專人切香草燒豬柳，肉質算嫩。泰式冬陰功湯麵有張紙仔比你自己揀鍾意食既配料。湯有兩

好耐無食自助餐，今日去左仕德福酒店入面既德福閣食個自助午餐，價錢唔貴又實夠食飽，星期日價錢每位$258。搭lift去德福閣要按M字，一出門口就見到一張長長既餐枱。是日全場滿座，好多人！生蠔首先每人包四隻生蠔，生蠔都頗大隻，食落肉質實在，啖啖肉，滿滿海水鹹味，係好正既前菜。餐枱有：一) 凍海鮮刺身有4款，分別係鯖魚，立魚，希靈魚，八爪魚。試左希靈魚同立魚都正常。壽司有少量三文魚，熟蝦，墨魚，甜蛋，加州卷，紫菜卷。凍海鮮有凍中蝦同加拿大青口。凍中蝦都好唔錯，值得encore。仲有日式冷麵。二）沙律沙律吧有鮮青瓜片，車厘茄，菠蘿粒，粟米粒，紅腰豆，紅菜頭同雜法國生菜。今次有紅菜頭，好甜。三）冷盤冷盤有中華沙律，涼拌鮮腐竹，大豆芽，枝豆伴胡麻醬汁。涼拌鮮腐竹都幾好食。大豆芽好酸辣，似泡菜。枝豆伴胡麻醬汁都正常。日式雜錦小食有三款，分別係蓮藕片，竹筍同螺肉。仲有雜凍肉，煙鴨胸，海南鮮雞都算可以。 四）熱盤熱盤有鹹菜豬肚，咖哩牛腩，冬菇蝦米肉絲冬瓜環，泰式燒雞扒，五柳魚塊，清炒時蔬，冬陰功煮青口，香蒜薑蓉海鮮炒飯，上海小籠包，炸魚伴暑角。最好食係炸魚（皮脆而入面的確有魚肉，好香口），五柳魚塊（皮唔

今日去左一間新新地既仕德福酒店入面既德福閣食個自助午餐，貪呢度既自助午餐價錢唔貴，星期日價錢每位$258包加一。搭lift去德福閣要按M字，一出門口就見到一張長長既自助餐餐枱。生蠔每人包四隻生蠔，生蠔有大有細，大隻嘅生蠔真係好大隻，肉質實在，啖啖肉，唔會太鹹，質素算唔錯。自助餐餐枱有：一) 刺身壽司凍海鮮刺身有4款，分別係鯖魚，立魚，三文魚，八爪魚。鯖魚非常酸，其他都算係咁啦。壽司有鰻魚，三文魚，吞拿魚，熟蝦，墨魚。鰻魚雖然唔大塊，但係質素可以，舊飯好飽肚。凍海鮮有凍中蝦同加拿大青口。凍中蝦質地唔差，蝦頭有少少膏。仲有日式冷麵。二）沙律沙律有德國薯仔沙律同華都夫沙律。沙律吧有鮮青瓜片，車厘茄，香桃粒，粟米粒，紅腰豆，同雜法國生菜。三）冷盤冷盤有中華沙律，涼拌鮮腐竹，螺肉，酸白菜，粤式鹵雞腎。涼拌鮮腐竹好滑，酸白菜醃得酸咪咪，好食。日式雜錦小食有三款，分別係蓮藕片，竹筍同帶子裙邊。仲有煙三文魚配沙律菜，雜凍肉，煙鴨胸，海南鮮雞都算可以。 四）熱盤熱盤有素鴨拼炸饅頭，鮑汁荷葉飯，香煎蘿蔔糕，拿破崙意粉，天多利燒雞中翼，鹹菜豬肚，檸檬焗龍脷柳 ，花生豬腳，南乳素菜，芝士白汁焗生蠔。花生豬腳好

香港人吃自助餐最在意就是要吃到回來，所以許多人認為buffet有生蠔供應，就等於值回票價，上週末我就來仕德福酒店的德福閣品嚐「蠔」情海鮮自助晚餐。餐廳環境開揚，不過座位之間就排得有點擠，走出走入取食物時就不太方便，星期六收費成人每位$323已包加一，以酒店buffet 來說，價錢亦不算貴。冰鎮海鮮有美國生蠔、法國生蠔、松葉蟹、藍青口、凍蝦、大蜆、青口等，全晚無限refill，供應量足。生蠔肉身肥大飽脹，肉質厚實爽滑，過足蠔癮。凍蝦和蟹腳肉質未算得上是最新鮮，不過亦算厚肉。每位只限一客的椒鹽風沙大虎蝦，剛剛炸起熱辣辣，外皮雖然略厚，但十分酥脆。除了冰鎮生蠔外，還有其他以蠔入饌的熱盤，例如即焗菠菜芝士焗蠔、鮮茄醬焗蠔和雙重芝士焗蠔，肯定可滿足各蠔迷。其他熱盤亦有不少海鮮，例如千島醬焗青口和沙嗲鳳梨炒蜆。而我個人就比較喜歡雜菌醬油蒸多寶魚，不會蒸得過了火候，可說是老少皆宜的菜式。士多啤梨骨亦是值得推介，排骨炸到酥脆，內裡肉質鬆化，將士多啤梨入饌，酸甜中多添幾分天然水果甜香。海草粉吉列魚柳伴青芥辣沙律汁以炸得金黃的麵包糠外層包著嫩滑的魚肉。熱騰騰的日式蒸蛋軟軟嫩嫩，猶如豆腐花般彷彿吹彈而破。吃

平民價錢自助餐☺️以比較平嘅價錢去食自助餐 哩度都算係咁 都算係唔錯啦🙃🙂款式多少見人見智 但係沙律吧令我幾🈵️意🥗🌽🧀🍅可以自己揀左鐘意食嘅菜類 仲可以自己加芝士粉🧀煙肉碎🥓沙律醬😋正冷盤類有長腳蟹🦀青口🐚生蠔 冷麵🍥壽司刺身🍣生蠔真係值得一讚👍🏽超級大隻 新鮮 肥美🍋真係同我隻手掌咁大喎✋🏽不過掛住食唔記得左影🤣😅壽司種類唔算多 不過刺身方面都算係厚切又肥美的😋🔪熱盤都有好多選擇 但小妹喜歡薯茸焗田螺/蠔仔🤤🤤都脹卜卜架😍🤩薯茸焗得好好味👍🏽🙂仲有個雲吞湯仔 張米紙係食得架 份量小 但啲湯汁好濃郁🙂😉炸物都非常出色 炸得好靚下 隻蝦大大隻 炸得好脆👍🏽👍🏽正喎 哩個係送嘅 人人有份喔😉😉甜品令我有驚喜啵😍😍有梳乎厘 pancake🥞朱古力噴泉🍫🍡雪糕🍦同埋一啲糕點 幾好。小朋友一定好開心🥳

朋友生日, 揀左呢到食番一餐。自助餐區基本想有嘅都齊晒 - 海鮮、沙律冷盤、刺身、熱盤、甜品、飲品、鐵板燒全部都有。每位送贈吉列扇貝一隻,即叫即炸, 上枱時仲係熱辣辣的, 口感實在。先食的是海鮮, 呢到海鮮都幾多選擇生蠔都算大隻，補充次數也很密, 唔會話比人搶晒食唔到。中蝦大隻夠爽夠彈牙,雪花長腳蟹長腳蟹都幾多肉, 又夠白, 好彩出得多可以Encore 幾round雜錦刺身有三文魚、鱲魚柳、八爪魚三款，雖然一開始時個個都被吸引晒去搶, 但好快就會再上新一盤, 供應足夠，三文魚夠肥美，如果八爪魚切厚少少會再開心D熱盤都有幾多選擇,白汁忌廉焗蠔，蠔都大隻，忌廉白汁入味, 係唔食生蠔的人另類選擇法式焗田螺法式焗田螺一口一啖, 估唔到連D薯蓉都好好味~燒西冷牛扒,唔駛排隊就有得攞, 肉質好香, 肉嫩又juicy，仲可以配燒汁或者黑椒汁，肉味鮮美。甜品有唔同種類的cake仲有朱古力噴泉, 可以配唔同的生果或者棉花糖,又有日式和果子,仲有即焗梳孚里最後點少得雪糕，有朱古力有紅豆有雲尼拿唔同味的雀巢雪糕, 我仲攞左杯雲尼拿雪糕去整Affogato~~旺角黎講, 這裡的酒店自助餐都幾唔錯~ 酒店餐廳裝

正所謂一分錢, 一分貨, 兩舊幾水的自助餐唔好期望過高, 首先餐廳位處豉油街, 近旺角東站, 交通方便, 餐廳範圍很少, 有點侷促, 可能閒日關係, 得果幾枱客, 環境清靜又唔駛搶食, 幾好! 生蠔係有啲海水咸味唔腥, 但細隻又有點沙, 凍蝦肉實, 三文魚及立魚雖然厚切, 但味道較淡, 比較普通, 藍青口比較細隻無味兼有點沙, 蜆同海螺都係無味, 個西湯好飲, 沙律都有幾款選擇味道唔錯, 即切的燒牛肉有牛肉味, 但嫌佢太生, 熱葷的燒骨, 西蘭花蟹柳及脆皮雞較好味, 八點表演火焰班㦸, 個班㦸係有啲橙味但好難食, 橙汁好淡, 甜品選擇很少, 只係燉蛋幾嫩滑, 服務員態度很好, 換碟好快, 整體對我來說都只屬一般, 無下次!