Mano (The L. Square)

銅鑼灣，一個充滿餐廳嘅區域淨係計西餐都多不勝數，但係，上個星期我朋友帶我去食咗一間銅鑼灣嘅西餐廳，個名叫做MANO，竟然仲畀到驚喜我。呢間西餐廳響銅鑼灣廣場二期同鵝頸橋嘅中間，都相當易搵。入到去呢間採光度好高嘅餐廳，熱情嘅工作人員好快就安排咗座位畀我哋。我哋今次叫咗「10oz燒紐西蘭肉眼扒」、「芝士肉醬千層麵」，另外我哋仲分別加咗沙律同埋餐湯，同埋每人一份甜品添。等咗一陣，沙律同埋餐湯都上咗枱喇，份量同埋味道都唔錯，之後千層麵都嚟埋呢個千層麵芝士十足，面層芝士嘅甘香焦脆，中層芝士拉絲，加埋肉醬同埋千層麵口感非常豐富，亦都好有層次，非常值得推介。仲有份量十足嘅燒肉眼扒，肉味十足，亦不失嫩滑。最後，是日嘅甜品係tiramisu整得都算唔錯，有微微嘅酒香滲出。順帶一提，呢一個lunch set係包埋飲品嘅，食完個晏，同朋友嗌杯嘢飲吹多陣水，都真係一件賞心樂事。

星期六同朋友約左1:30pm食飯，環境都ok ,當日我揀左好似吧枱既位置，有個朋友好高，佢話坐得麻麻地，唔太舒服，我都覺得係，所以要揀位記得唔好揀啦～環境方面氣氛好好，可以坐好耐，我地由1:30坐到3:30都得，搵朋友傾計呢個地方都幾好。職員態度都幾好，好好笑容，落單時會介紹下啲野食。食物質素就一般，冇特別驚喜，志在同朋友聚下同食飯。係oper rice 訂位指定餐牌有75折，其他都冇折，三個人食左五百幾蚊。

好友生日，想搵一間坐得舒服又就腳嘅餐廳，放工後兩個女仔傾下計，係openrice訂位一至四套餐有六五折，真心好抵食，兩個人$577二人套餐有磨菇湯，沙律，海鮮意粉，牛柳，加一份薯條，兩杯cocktail, 都係$800左右，由6:30可以坐到9:30pm. 冇趕人走，又有寫字係甜品碟，服務態度很好，餐廳感覺年輕，可以再去。總括而言，想casual食飯，係好食可以再去，但由於開放式廚房關系，食完全身有油煙味，同埋餐廳枱凳比較近，少少嘈。