芽莊越式料理 (新城市廣場) (已結業)

無咁多假周圍飛去食好野，惟有留港消費啦⋯⋯想食越南野又飛唔到出去，就去左芽莊。成日去既太古城芽莊同新城市芽莊，座位都比較舒服，服務亦都好好。用綠色同木色做主調，環境同餐廳氣氛都好舒適清新。可能餐廳位置都係中高檔地點，客人多數都好自律，好少出現客人嘈吵嘅聲音。去到芽莊，必叫嘅係河內蕃茄蟹檬同埋河內魚餅～食之前要加入呢d越南料理常有既香草同青檸汁先夠風味架。～成碗湯都係蕃茄，裏面有蟹腳、番茄肉、有啲肉碎、札肉、同埋肉丸。味道同口感豐富，仲好飽添。河內月餅好大陣香草味，好香而且彈牙爽口。

週末既早午餐唔想食西式早餐，想食清清地，於是就去到新城市一期7樓既芽莊食粉!餐廳座位舒適，而且座位都唔少既，我跟友人星期六的2點左右去到唔駛等位!不嬲有食開的我今次揀選了蕃茄蟹檬，友人就食生牛肉河，我地仲叫左魚餅同兩杯飲品!河內蕃茄蟹檬($78)，湯底酸酸地很開胃，而且配料都幾多，有蟹腳、蟹肉丸、札肉、蕃茄，而加仲多左碟生菜絲俾你撈埋落個粉到食，咁幾清新!檬粉煮得岩岩好，唔會過淋!河內生牛肉粉($70)，湯底用上牛肉湯，都幾清甜，牛肉上到枱時還是生的，唔會已經變熟哂!河粉軟硬到適中，而且還有生洋蔥，食係黎辣辣地幾刺激味蕾!河內魚餅($76)，共有4大塊，而且好厚肉，外層煎到有少少脆，內裡魚肉滿滿，再配埋酸汁一齊食特別惹味!蜜餞菠蘿冰($45)，用上梳打水，再配埋甜甜的菠蘿，飲落唔會好甜，只係食菠蘿果陣先會覺得佢好甜!總括黎講，餐廳環境舒適，店員服務不錯，會主動幫忙加水，同埋好快可以搵到佢地幫忙。價錢講真就唔算好平，但係起碼感覺乾淨。而且食物味道唔錯，值得多次光顧!

如果想黎呢間餐廳食晚餐，我會建議平日一至四，因為五六日實在太多人等位。一行二人叫左4樣野食軟殼蟹卷 - 同一般越南餐廳食嘅差唔多，無中伏河內魚餅 - 可能因為個人因素（唔好鯪魚肉），覺得唔算太好味，而家4舊入面2舊有骨。不過上菜時熱辣辣，加分！牛肉串燒 - 呢個正，d 醬調得岩岩好，d 肉都夠焾。表面可以燒耐d 更好。蟹肉炒飯 - 食第一啖已經大讚D 米飯夠乾有𡁻口，個樣睇落好似好清淡，但其實有見得到嘅蟹肉絲！總括黎講都唔錯，中價價錢，上菜快（可能因為會限時一小時十五分鐘）。如果星期五六日黎，會有d 趕客feel。

今天和同事都想試一下新口味，於是我們便去這間餐廳吃越式菜。環境方面，餐廳坐位十分舒服，而且十分乾淨，環境一流。河內生牛肉粉，湯底很鮮甜有牛味，生牛肉有點硬有點鞋，河粉是幼身的，尚算幼滑，個人喜歡在湯中加入青檸汁與辣椒片軟殼蟹卷的蟹淋而不脆同比較油膩，米紙厚左，影響了整體囗感河內魚餅係鯪魚肉加叼草魚餅，都幾大舊下，肉質煎得好鬆脆又唔會太乾身 ，吱埋少少青檸汁都0k環境衛生都幾好，不過價格偏貴而味道屬一般。用呢個價錢會有更多高質選擇呢個花茶最離譜，苦澀不清香，平平無奇咁就$36？！🤦🏻‍♀️

今日去沙田新城市影紫藍波，琉光星河在7樓，影完就覓食，位於7樓的芽莊越式料理，剛好不用等位，立即入去開餐，加上很耐冇食越南野。河內魚餅，有四大件，真係抵食夾大件。每件都要4-5口才食完，魚餅好香口，內有爽口馬蹄粒，增加咬口，魚肉彈牙又唔腥，仲有香料味，好正。越式鮮蝦米卷，用幾層紙米卷著蝦肉、香葉、米粉、青瓜、生菜、甘筍等等，仲有芝麻。沾甜辣的酸汁同食，層次口感好豐富，清爽不膩又夠飽肚。蝦乾芥蘭苗，好多蝦乾仔，仲有花生及芝麻。芥蘭苗較嫩較脆口，配埋勁多蝦乾，咸香惹味，仲有花生香，令蔬菜不再單調。炆豬腩肉，忘了菜名，但份量好多，有幾件大大舊豬腩肉，仲有隻雞蛋。豬腩肉炆得好鬆化軟腍，脂肪入口即溶好夠油香，肉味濃郁又夠入味，連個汁都咁正，好想伴白飯食，雞蛋也很入味。燒牛肉撈檬，細細碗，但也夠飽肚，女仔食最岩。加入大量甜酸辣汁撈勻再食，檬粉爽口吸哂醬汁的味，酸酸甜甜食再多都無負擔，加上微辣刺激更開胃。燒牛肉都好多，唔乾不韌，香口肉味突出，不是嫩嫩的，而是帶咬口的肉感。

離別前最後一餐,起碼7日先再見大王 ,今日特別d,唔食西餐,食越菜,由於去到都2時多了,所以好快有位,其實唔使有咩特別好食,就點了些大路d,牛油雞翼,好香脆,幾好味,但都幾熱氣香煎讓墨魚,墨魚太硬,反而讓入的肉餅幾好食濱海朱肉卷,朱肉不太多,菜多幾清新,爽口河內魚餅,魚膠彈牙,有魚肉味燒乳豬,看似好多,其實得前排有肉,幾脆但肥了點菠蘿冰,冰好多,大王皇恩,贈予本人大量冰碎,真係透心涼 總結味道尚可,但失望是沒有甜品,服務唔錯

今餐話係同朋友餞行（其實只不過係離開香港去玩一星期而已）…～_～!!...無所謂啦…由朋友揸主意…近近地黎左呢度食…2點黎到…咁啱有人埋單…唔駛等位…就算要等...都劃左個等候區...唔駛怕無得坐...呢度係自助式餐枱…咩都放哂係度…二人枱2x2呎相信唔少得…飲品唔記得order少冰…杯已經唔係好大…冰已經佔左1/3…唔知越南菠蘿係咪同香港唔同樣…菠蘿肉呈橙色…有1/4杯…幾甜…魚餅內裡加左爽口既馬蹄…彈牙之餘又有d咬口…無咁單調…朋友話呢度墨魚出名…都唔知係咪呃我…墨魚有d乾、硬、韌…好勉強食左一件之後…其他都放棄了…為免浪費…只食內餡…可是內餡也不見得有驚喜…只是粟米肉而已…綠色配醬並唔係薄荷黎…反而有d辣味…雞翼好脆…不過不失…只是迎合小朋友口味既食物而已…濱海卷材料豐富…無咁肉食…附有花生醬…不過濱海唔夠酸甜味…有d失色…燒乳豬係慢烤煮熟...外皮薄而脆...好似食薯片咁既feel...保留肉汁...但肉有d肥同韌..未如想像中好食...其實呢度既食物味道比較偏淡...好多時要配醬...呢枝話係香甜辣椒醬...但一d都唔覺得甜...反而感覺好辣...雖話係越式...但似乎食物款