開心坊·親子餐廳 (已結業)

輕鬆Din 一Din, 你會去邊？ 我今次就揀左好似開心樂園咁既開心坊。「香烤豬肋骨配薯菜」豬肋骨，鬆軟，好入味，美式燒烤醬酸酸甜甜好開胃😋😋😋 薯條又大條又香口！價錢較其他餐廳平🍴👍🏻👍🏻「紐西蘭肉眼扒8安士」部位好靚！ 勁大塊！肉係粉紅色的，鮮美！ 配菜健康，我食曬啦～ 「法式焦糖燉蛋」酸酸的紅桑子配上脆蕉糖加滑嘟嘟既燉蛋，濃濃蛋香，仲有酸甜口感，好似談緊戀愛咁😻「雜果賓治」色彩繽紛，味道不錯。👍🏻蘋果羽衣甘藍就好健康，健康人生由依刻開始！但我希望下次有更多配搭！食飽，睇下環境，我就最欣賞呢個親子樂園區，好多小朋友都未必肯乖乖地坐定定食野，有咩法寶？ 玩下又食下，小朋友最愛

今日去左何文田探朋友，夜晚經過何文田廣場發現一間特別既餐廳，叫Top Fun Cafe,門口隔離有個game area可以俾小朋友同爸爸媽媽食完飯玩下switch 同足球機整間餐廳環境都算寬敞，坐得好舒服，晚餐有9款選擇，仲跟頭盤及飲品，我朋友叫左一個香烤豬肋骨，我就食紐西蘭肉眼排，豬肋骨好中份，有一隻手臂咁長，肉質鮮嫩，而且焗到好淋，離哂骨好易食，食落有香濃既燒烤味，我既肉眼扒叫左5成熟，廚師功力非常好，真係岩岩5成，食落去好嫩滑，一啲都唔un，兩份都配薯條，薯條炸到岩岩好非常香脆，飲品我加錢叫左杯雜果賓治，滿滿既雜果係底，另外我地再加左個甜品，法式焦糖燉蛋，因為即叫即做，上桌熱辣辣，焦糖燒到好靚，上面配襯左2粒紅莓，蛋味濃郁，兩個人埋單約300蚊，抵食雜果賓治 勁多雜果香烤豬肋骨 鮮嫩入味，肉質軟淋離骨紐西蘭肉眼扒 5成熟，嫩滑唔un 法式焦糖燉蛋 焦糖脆，蛋味香濃

本身住港島區，好少入何文田。今日，因為同個朋友約咗係何文田呢邊做gym，求奇入咗個商場到食，估唔到咁有驚喜。我地叫咗一個set同主菜，兩個人食真係好豐盛。Dinner Set平均都係一百幾，重點係可以用優惠價叫健康有益的蘋果羽衣甘藍(discount:$18 original:$35) 飲品用料新鮮，蔬果味好濃郁，一定放咗好多有機蔬果入去榨汁機，飲落甘甜味十足。比起飲汽水送飯更加有益，含豐富維他命和膳食纖維，仲可以為身體排毒美顏。Dinner Set就叫咗鐵板紐西蘭肉眼扒8oz($118) 本身諗住咁平，都無太大expectation。點知肉眼扒一黎到，香味撲鼻，急不及待試試。切開牛扒，牛扒滲出肉汁，食落口口感柔嫩，五成熟的生熟層次交匯，食得出廚師的用心，烹調時要精準地因應牛扒的厚度調節火力，quality直逼酒店的水準，重點係價錢經濟！

約左幾個辣媽朋友帶住小朋友來到尼間餐廳，睇中佢有得俾小朋友玩下d game，仲有大小皆適合玩既switch機， 可以俾小朋友坐定定，又可以同朋友傾耐d祖傳五香烤雞（一口咬落去充滿雞肉香味，肉質烤得又滑又嫩，連配菜都好好味）香草羊架（睇落去好似好生，但食落去係剛好熟又唔會太老）炒菠菜溫泉蛋（第一次食菠菜與溫泉蛋結合，新潮搭配～健康與營養組合之選）意式辣蕃茄醬蟹肉長通粉（一股辣味真係愛不釋手呀～）黑松露帶子意大利飯（飽滿帶子與飯一齊簡直係太完美）蘋果羽衣甘藍（熱推～有助消化和吸收營養的鮮榨纖維健康飲品）柚子雞翼（d柚子汁配搭感覺好味到心都sweet sweet～）女人係第二個甜品味🍮提拉米蘇（驚喜總係最後，最低層竟然有甜品酒～感覺到尼間餐廳對甜品高度重視）法式焦糖燉蛋（最欣賞佢d蛋味唔算太濃，就算食全部都唔會覺得甜膩～）西班牙甜脆條（由於記憶太深刻啦～特地去問左店主，原來甜脆條中間係有少量香蕉🍌，再裹上炸粉和糖漿，先出來有香脆可口既感覺）朱古力心太軟（一勺落去，個流心朱古力爭相湧出～感覺好療癒～食到我心軟綿綿）