開心坊·親子餐廳 (已結業)

本身住港島區，好少入何文田。今日，因為同個朋友約咗係何文田呢邊做gym，求奇入咗個商場到食，估唔到咁有驚喜。我地叫咗一個set同主菜，兩個人食真係好豐盛。Dinner Set平均都係一百幾，重點係可以用優惠價叫健康有益的蘋果羽衣甘藍(discount:$18 original:$35) 飲品用料新鮮，蔬果味好濃郁，一定放咗好多有機蔬果入去榨汁機，飲落甘甜味十足。比起飲汽水送飯更加有益，含豐富維他命和膳食纖維，仲可以為身體排毒美顏。Dinner Set就叫咗鐵板紐西蘭肉眼扒8oz($118) 本身諗住咁平，都無太大expectation。點知肉眼扒一黎到，香味撲鼻，急不及待試試。切開牛扒，牛扒滲出肉汁，食落口口感柔嫩，五成熟的生熟層次交匯，食得出廚師的用心，烹調時要精準地因應牛扒的厚度調節火力，quality直逼酒店的水準，重點係價錢經濟！