ABC Kitchen

營業中

休息中

星期六行完山, 未夠6點去到餐廳才知道晚巿開7點! 服務員非常好, 比咗張枱我哋3人。等到6點9左右可以點餐我哋點咗兩個前菜和3個主菜。前菜係紅椒矮瓜卷同埋雜菜沙律, 味道清新好開胃, 個餐包雖然比較細但好好味令我哋非常期待主菜出場!我哋點咗3個主菜諗住share嚟食, 所以佢哋逐個菜上:第一個係西班牙燒乳豬, 味道唔錯但豬皮唔夠脆有少少失望第二個菜本想叫羊架但是日菜單只有羊脾! 唯有點咗個鹽焗羊脾。味道比較清淡但肉質麻麻, 似煲完老火湯嘅瘦肉, 係失望的食完個羊脾等咗半個鐘第三個菜都未見影, 侍應們都好好, 幫我哋一催再催, 終於等到芥末子燉野兔! 第一次食呢個菜無得比較但沒有驚喜, 肉質尚算嫩滑, 味道還可以吧！到甜品, 我哋點咗法式焦糖燉蛋和梨子拿破崙, 兩款甜品都好香滑, 香脆又唔太甜, 都很可口&滿意!

朋友之前試過話不錯，一行四人去試吓。食物：-香草麵飽：當麵飽上枱時聞到很香的麵飽味和香草味，熱的，但吃下去卻是無味，是一個完全無味的麵飽。被麵飽的香味欺騙了香炸酥皮絲大蝦配青木瓜沙律：蝦很爽口，蝦不是很大隻，應該屬於中蝦，酥皮絲香脆。青木瓜爽口西班牙燒乳豬配焗甜菜頭,長薯仔：乳豬皮很脆，乳豬肉很有肉汁。長薯仔有少少鹹味，味道不錯。我個人不喜歡吃甜菜頭，所以不作評語青醬寬麵配火腿松子仁,巴馬臣芝士：我個人不喜歡吃寬麵，所以不作評語炸咸鱈魚餅配香煎帶子：咸鱈魚餅外脆內軟，好味。帶子煎得不錯，外面香口，無煎得過火法式焦糖燉蛋：蛋味濃，焦糖不是太燶，但個人覺略為太甜朱古力慕思：朱古力味濃，但個人覺略為太甜巴伐洛蛋白餅：店員極力推介此款甜品。但我和另一朋友卻極度不欣賞，個餅超甜，個汁超酸，結果變成超級難食，並為今晚的晚餐劃上一句不完美的句號。服務：－普通，無特別環境：－一般熟食中心的格局，是不會舖上枱布的，唯獨此店的桌上舖上了格仔枱布，有些特別

一眾頌揚人又一同晚餐, 是晚的選擇是ABC. 不是朋友的貼圖, 又真是無辦法想到這個熟食中心有如此水準的美食. 一早訂了張大臺, 不然的話真係又排等.環境其實也算可以, 起碼冷氣充足. 當然, 來得這裡, 最重要還看食物的水準吧.香草軟包: 先一人一個香草軟包, 熱辣辣, 外面夠脆, 入面幾軟淑, 加上點點香草味, 是有誠意的餐前小吃.馬賽魚湯 $88 x 2: 8分, 在熟食中心竟然也有Bouillabaisse, 當然要一試, 就要了兩客大家分吃. 份量不算很多, 但就有不少湯料, 除了主角的魚之外, 還有蝦, 魷魚, 青口等等, 都幾鮮甜, 湯也幾濃郁, 不過就未算好熱, 溫溫的. 面頭也有塊rouille多士, 蒜蓉味幾香, Bouillabaisse的精華也帶到出來. 這個當然不是最正宗的Bouillabaisse, 但能夠用這價位讓大家在熟食中心一試馬賽魚湯, 其實已經收貨有餘.番茄意粉 $58: 8分, 為頌揚特別叫了客番茄意粉, 也試了兩口, 麵質不俗, 幾開胃的.瑪格烈特薄餅 $58 x 2: 8分, 薄餅在這裡是頭盤的食物, 果然份量不算很大. 焗得幾脆, 夠乾身,

A、B、C是大多數人最初接觸的三個英文字母，亦是我初次接觸熟食街市裡頭的西餐廳。假若你到過上環皇后街熟食街市的話，或許你亦會認同用「西餐大排檔」更貼切。幾個網站的推介，十多則帶笑容的食評，吸引我慕名一嚐這大排檔式的西式晚餐。好東西一定要與好友分享，由食評得知套餐附送氣酒兩杯，這一下，更不得不找個好食好飲的朋友哩！坐著近廚房的位置，舒適度，見仁見智吧！就是知道大排檔沒有柔和燈光、舒適的枱櫈、令人上癮的香薰氣味，卻有令人上癮的美食，還有相宜的價格，單是這一點還不夠乎？一瞥餐單，二話不說就點了送氣酒的套餐，有蕃茄雜菜湯、雜菜沙律、紅菜頭意大利飯、羊架、烤乳豬及兩款甜品。服務員擔心我們乾等，就先來西班牙氣酒給我們品嚐，招呼十分週到。枱上餐具白雪雪，溜光的，吃得放心，先加分！呷了幾口，湯就上場，從色澤至湯料，可知道廚師棄用低成本的茄膏，選取新鮮蕃茄烹調，加入甘荀粒和洋蔥粒，材料十足，自然鮮甜。雜菜沙律緊接出場，集合紅椰菜、羅馬菜、火箭菜於一身，全身散發著橄欖香，田園風味更重，嫩且綠，爽夾脆，變身後，提升了口感層次，合格有餘。頃刻，奇怪的事發生了，熱湯已喝完大半，餐包才出現，我們望著半空的湯碗失笑