老虎堂黑糖專売 (渣甸街)

營業中

休息中

曾經為左飲佢，不惜排足兩粒鐘，今日，雖然熱潮已過，但仍然保持水準，尤其飲第一囗時，甜甜地嘅黑糖珍珠加上香濃嘅奶茶，真係令人回味！不過，如果佢可以少冰就更好，因為飲到尾會覺得好淡。所以佢喺我個珍珠奶茶榜已經跌落第二位了。

老虎堂開左一段時間, 黑糖鮮奶過江龍又遍地開花，今晚終於等到冇甘多人潮可以去試試係咪真係傳說中甘好飲XD本身想點虎虎生風, 點知冇晒細珍珠, 就試另一款"波霸厚鮮奶", 店員建議先搖晃15下後飲～波霸係指大珍珠, 入口好煙韌, 覺得黑糖味幾出, 鮮奶香滑但唔算太厚~ 為了保持黃金比例, 呢款冇得調教甜度, 冰度, 但都唔會太甜, 仲有好靚的「老虎斑紋」打卡晒岩~🔹波霸厚鮮奶 ($30)味道 7.5/10 😍回頭指數 7/10(P.S: 排隊加等飲品大約十分鐘左右, 都算係幾快!)

今次終於的起心肝去買杯「波霸厚鮮奶」飲下😂舖頭外既人真係好墟冚😱😨HP要等成10幾張飛先攞到😑好期待究竟係咩感覺🤤.第一次飲黑糖配奶既味道的確幾特別🤓但坦白講奶唔夠厚 幾稀🤨黑糖亦唔係特別香 可能佔既比例唔大🤔波霸係指大珍珠😮食落同普通珍珠奶茶既珍珠size無乜大分別😏😏不過呢度既珍珠係煮得啱啱好🙂唔係太硬 𡁻落都煙韌😄😄最尾H先生真係清曬啲珍珠🤣下次要再試下其他brand💪🏻

聽左好耐好耐好耐... 終於, 今日同我嘅飯腳們趁午飯時間過嚟挑戰呢間一直位居民選至top 黑糖珍珠飲品榜首嘅... 老虎堂🐯!!一嚟到銅鑼灣直奔渣甸街, 已經有人排緊隊, 幸運地人唔算多, 排隊俾錢得八至十人。機會嚟喇飛雲🤩排隊俾錢五分鐘左右, 之後等飲品大約十五分鐘左右, 整項挑戰任務居然在廿分鐘內完成🥳眼見每位勝利者都喺門口影✌🏻呃like相, 我不在此post 喇🤪飲後感: 招牌波霸厚鮮奶冇得調教甜度, 冰度, 但整體感覺唔算太甜, 味道適中, 茶味奶味恰到好處, 珍珠咬口亦好,唔黐牙, 我同飯腳一致認為老虎堂係暫時我地試過最好飲嘅

今日有同事去銅鑼灣工作，下午回來時買了很多杯波霸厚鮮奶，有幸分到其中一杯品嚐。最近台式飲品開很多，又聽聞這家是長龍店，不過同事話排隊落單連等都不用20分鐘，可能天氣開始涷而熱潮冷卻吧。同事話由於時間關係已經幫全部人搖了，沒有了老虎紋，我不介意有沒有老虎紋，一杯台式飲品最主要是好飲吧！我間中要到台灣公幹，早已習慣台飲的甜度，但這杯沒有我想象中甜，很適合香港人不愛甜的飲食習慣，但黑糖味不夠濃，珍珠不入味可能是和黑糖分開煮吧。作為飯後甜品也不錯，但如果要排隊等候超過30分鐘，我個人覺得就不值。

近排黑糖熱潮炒到熱辣辣，台灣手搖飲料店開到滿城皆是；作為Foodie，當然都要食住個勢嘗嘗新☺食完薯條覺得渴，就去旁邊的超人氣過江龍 —— 老虎堂🐯買杯嘢飲～老虎堂旁邊正正開左幸x堂，如果兩間舖都大排長龍，真係很難分辨邊條隊係邊間店～幸好剛剛過咗午餐時段，人龍只有10人左右，唔使排咁耐😉——————————🔹波霸厚鮮奶 $30📍6.5/10買咗飛等左15分鐘，波霸厚鮮奶終於拎到手。按照建議的最佳飲法，先上下均勻搖晃15下再開始飲💦可惜味道未有因而加分；鮮奶香滑，但只有單純嘅黑糖甜味，味道稱不上濃郁～而且珍珠亦無咩味，黑糖未滲到入去☹️碎冰較多，飲到後期有啲淡😅

每次經過銅鑼灣都見到三間台式飲品店前堆滿晒人，開咗好一段日子，都仲係咁多人黎朝聖。雖然都係條長龍，已經比開張時好好多。平時冇飲開，但見大家都瘋狂洗版，都忍唔住要試吓！！揀咗中間嘅老虎堂，先排隊落單，叫咗杯招牌波霸厚鮮奶，落完單等拎野飲嘅地方都冇位企，要企係對面馬路，前後都要半個鐘先拎到杯波霸厚鮮奶！！黑糖味好夠！甜度對我黎講都係偏高，但飲開台飲嘅巴絲打們應該啱啱好！珍珠size細粒幾好，奶味好重。對我黎講，都係傳統珍珠奶茶半糖啱口味多啲。

又來一個繁忙的工作日結束本來今天心情不太好幸好老公驚喜來接收工還帶來了老虎堂的珍珠奶茶一飲下去怨氣都走了雖然他己等了幾十分鐘但這家喝下去味道一點也不甜唯一不足的地方是這家的珍珠不是我杯茶（亦可能等了一陣的關係）但下次可以再飲多次因為鮮奶好好飲

第一次飲老虎堂，心大心細飲邊款好，見佢有分黑糖波霸同黑糖珍珠，都係講緊珍珠既大細。既然第一次試，所以揀左招牌！💕排隊唔洗好耐，買野到拎野飲20分鐘都唔洗！啲黑糖虎紋好靚😍佢建議先手機食先，再係飲之前先搖15下，但我冇認真數住，搖左一陣就飲🤣第一下飲落去奶味比較重，唔算好甜，珍珠淋得黎夠煙韌，有咬口，黑糖味唔算突出。但飲到一半都冇已經開始冇咩黑糖味，加上佢落既冰偏多，愈飲愈淡，去到尾直頭覺得啲珍珠冇味😥整體冇我想像中咁好飲😭😭😭可能我鐘意黑糖味重啲多過奶味重🙊

老虎堂未喺香港開之前已經聽朋友講過，話係台灣飲都排成個鐘經過cwb見唔算多人排，就去朝聖下平日5:00去到都有條人龍，目測20-30個人叫左杯poster印嘅波霸厚鮮奶問店員先知原來波霸就係大size珍珠，厚鮮奶會多一層奶霜，冇得揀甜度最後排左ard 20分鐘就落到order，再等5分鐘拎得個杯比平時個d細，chok左10幾下再飲飲落好香焦糖味，同鮮奶好夾平時唔會飲奶嘅我都鍾意個味！會偏甜少少，因為冇得揀甜度，所以要左正常冰份量，飲飲下就冇咁甜。可能因為加左奶霜，囗感濃厚d，同平時d珍珠奶茶好唔同波霸珍珠好好味，夠大粒有咬囗~雖然個杯細，但珍珠多，飲完都幾飽肚！果然名不虛傳

上週末難得好天當然來銅鑼灣行下，順便排下老虎堂和幸福堂。這日排隊的人龍望落頗長，誰知竟然前後不過12分鐘飲品已經到手！鑒於本身唔太喜珍珠，秉承著越少珍珠越好的原則點了《波霸厚鮮奶》(HKD30)。靚靚的老虎紋只維持了幾分鐘就淡了，導致和幸福堂的合照失色不少，果然打卡要快手。上下搖十五下，開飲！都幾有黑糖味，【奶味】較重且香滑，中意飲奶的朋友應該會喜歡。【波霸】比較稔身，黑糖味不算很濃(反正我就食不出....)份量方面，波霸都幾多，啖啖都飲到波霸。所以如果你同我一樣麻麻地太多珍珠，就會有些煩躁，因為有時真的只想飲下奶都做不到，一定會有波霸混入來的【甜度】方面都算適中，如果對比其他同樣冇得揀甜度的台式飲品店。對比隔離幸福堂，【黑糖味】幸福堂稍微重d(但友人認為仍然不算重，純粹是更甜)【甜度】幸福堂甜【奶味】老虎堂重【珍珠份量】幸福堂略略少一點點？反正比較容易做到“避開珍珠只飲奶”【珍珠口感】幸福堂參差不齊，一d好稔一d好有嚼頭，老虎堂普遍稔。二者均食不出明顯黑糖味。作為奶味追求者，對比之下我地兩個就一致中意老虎堂多d不過結論都係照舊，超過二十分鐘就絕對不值得排。

自從近年香港引入了台灣「黑糖珍珠奶」飲品之後，台式「黑糖珍珠奶」外賣店開始產生了一個熱潮，不止相關飲品店遍地開花，為了購買「黑糖珍珠奶」而蜂擁排隊形成的人龍，亦在不知不覺間出現。時至今日，的而且確還有一些台灣「黑糖珍珠奶」飲品店，例如尖沙咀「北京道」的飲品店「鹿X巷」，仍然擁有大量，為了幫襯「鹿X巷」而日以繼夜長時間排隊苦等的人龍。如果勉強要數，除了「鹿X巷」以外，其他因為售賣「黑糖珍珠奶」飲品，因而間接成為了大受食客歡迎的「人龍店」，就例如今次我要介紹的飲品店「老虎堂」。「老虎堂」飲品店的位置，開設放香港島「銅鑼灣區」其中一條，受遊客注意的熱門街道「怡和街」裡面。「怡和街」最近有一幢商業大廈，剛剛新建築落成啟用，地舖立即被各大食店看中，準備進入開舖。台灣飲品店「老虎堂」，跟另一檔售價菲律賓「Shake Shake」薯條的食店「Potato CoXXer」，就剛剛進入這一幢新大樓地舖裡面，紛紛開始營業，不過「Potato CoXXer」人龍就沒有「老虎堂」那麼厲害了。我剛投入「老虎堂」的排隊購買「黑糖珍珠奶」人龍裡面，經過我的一輪目測之後，計算後發現「老虎堂」排隊的人龍，至少都有超過五

作為銅鑼灣扮工一族嘅我，雖然一早已經想試老虎堂，但無論Lunch Time定收工，總有幾十人排隊。今日食完飯經過竟然得十個人左右排隊，同同事一齊二話不說即刻排隊，排左大約15鐘左右就排到，向來鍾情大珍珠嘅我，叫左「波霸厚鮮奶」，真係好期待。買完就要搵個地方等拎，鋪頭嘅位置喺一條好多人嘅內街，加埋都幾曬，等嘅時候真係唔個企邊好，最後唯有企去後行等，好彩只係等15分鐘就有得拎。拎到杯野飲，當然要第一時間影返張相打下卡先，啲老虎紋真心係靚，外表100分。打完卡就要快啲搖勻佢黎飲，因為佢無得揀少冰，所以要喺啲冰溶令佢淡之前快啲試。一飲果然無令我失望，香濃奶味中滲透出陣陣黑糖香甜，兩者份量剛好，唔會搶走對方味道，珍珠size同其他鋪嘅大珍珠差唔多，但係出色嘅，因為珍珠中間係熟嘅，但又唔會煮到過淋，抵讚!老虎堂係近期飲過最好飲嘅台式飲品，下次要試埋佢嘅虎虎生風系列同鮮奶系列!

老虎堂自從由台灣來到香港之後，城中人都趨之若鶩到來朝聖。任何時候經過都會見到一整條長龍。主打的黑糖波霸系列利用黑糖和打厚的奶霜營造了虎文的外觀，真是十分創新🐯🐯！甜度和冰度是固定的，用了黑糖感覺比較清甜和健康。茶味和奶霜的味道配合得剛剛好， 奶霜經過打發之後令到口感更加順滑，飲完又飽腹感。波霸口感彈牙煙韌，證明是水準之作。整體來說一杯十分不俗的珍珠奶茶。等了整整一個鐘可算沒有令我失望👍👍👍

🐹最近老虎堂再度掀起一陣黑糖珍珠排隊風，風頭一時無兩，聽聞最誇張時要排兩小時。朋友最近突立志要試勻不同出名的奶茶，當然要相伴了～老虎堂就在麥當勞大廈後面一條街，遠遠就看到有人排隊了。雖然是星期日的下午三點，但人龍沒有我們想像中多，可能剛好這天是七一吧。只是排了約廿分鐘，就已經買了飲料，真是出乎意料。我們分別選了波霸厚鮮奶和虎虎生風厚鮮奶。再等了五分鐘，飲料就拿到手了。一接過飲料，第一個反應是好熱呀下半部分熱到燙手，而且杯身油油的黏黏的。🐹：建議準備紙巾包一包。我們乖乖地照Step1的指示做，拍張美美的黑糖掛杯打卡照，朋友拍得很唯美呢左邊是虎虎生風，右邊是波霸。分別在於虎虎生風是混珠有大有細，兩杯味道是一樣。拍完馬上照Step2指示，上下搖勻，當堂不燙手了。跟朋友一致認同是有黑糖味，黑糖珍珠亦很q彈，但總是覺得比起另一家仍差一點點，沒有一飲就令人登一聲的感覺，黑糖味沒有想像中濃。而虎虎生風的混珠口感算是不俗，同時吸入大大小小的珍珠，口感相當有趣。🐹：若拿其他大熱黑糖珍珠奶茶比較，暫時最好還是鹿角巷這個老虎少人排的話，可以嘗嘗順道打個卡的。P.s. 朋友說天仁茗茶最近都新出了黑糖珍珠奶茶，