Boat Thai

營業中

休息中

iSquare 抵食泰國菜之選🇹🇭由泰國人主理嘅「Boat Thai」主打性價比泰菜，當中甜品更加有唔少驚喜🤩.🍴泰式肉碎生菜包💰$88肉碎充滿泰式香料風味，鮮嫩多汁💦包裏清新爽脆生菜一齊食，令人無法拒絕😚.🍴泰式乾炒豬肉片河粉💰$78炒得夠哂鑊氣，入口熱辣辣🔥河粉配搭芥蘭、粟米仔、紅蘿蔔、豬肉片等配料，想惹味啲仲可以額外加辣椒粉及魚露😋.🍴泰北清邁雞髀咖喱湯麵💰$78與其叫湯麵，其實更加似拌麵🤣咖喱非常濃郁，充滿香料風味🌿味道偏香甜，冇乜辣味，上面灑滿炸蒜好香口😚.🍴泰式街頭椰子粟米雪糕💰$58必食甜品✨椰子雪糕勁香滑，佐以花生、粟米🌽口感豐富😆底下鋪滿糯米飯🍚，襯埋雪糕食啱啱好👍🏻

入黎食係因為佢有泰北野食，泰北清邁雞髀咖喱湯麵，8成似啦！最緊要湯入面有成隻雞腿夠正宗～咖喱味配麵條好正，條條麵都沾滿咖喱。黃木瓜沙律，泰北口味注重辣、咸同酸，呢個爽爽嘅木瓜沙律就有齊咁多種味道～酸酸地嘅肉碎生菜包，食落唔肥膩好有泰式大牌檔風味。呢度有獨特香氣嘅泰式茶沖嘅泰式檸檬茶、泰式奶茶，充滿香料香氣，好「泰」嘅感覺～冰冰涼涼～至於甜品好有平凡中帶不平凡嘅感，外表平平無奇但食落口煙韌溫熱嘅糯米飯，有椰香亦咬到脆米，芒果非常香甜，好味～

行開ISQUARE見到開咗間食泰國菜嘅餐廳見到餐牌價錢唔貴喎，就入去試試，同店員傾咗幾句，得知餐廳廚師都係泰國人，所以會食到正宗泰味。🐔香茅炸雞翼 $48雞翼炸到脆卜卜，香茅味夠香，面頭仲有炸蒜 味道更惹味香口，雞翼肉質滑嫩，點埋酸辣醬 ，大人細路都鍾意食🦐炸蝦餅 $68呢道係必點嘅泰式小食！賣相好靚，黃金脆面，但食落唔會覺得好油膩！蝦味濃郁，口感爽彈，配上泰式醬汁，既香脆又開胃！🍗泰北清邁雞髀咖喱湯麵 $88咖喱湯味道濃郁，香而不辣，質地厚滑。有兩種麵條，有一大撮炸麵，食落酥脆，而係湯入面嘅麵條好掛汁，每一啖都充滿咖喱香味。碗裏面有咸酸菜、紅蔥頭、青檸等等嘅配料，重點仲有大大隻雞髀，吸盡湯汁，非常滋味！🍍泰式原隻海鮮菠蘿炒飯 $98份量超勁，賣相又靚～好鍾意佢伴碟嘅菠蘿，輕輕燒過好香甜，鮮甜多汁，切成一口一件size方便食用！炒飯十分足料，有鮮蝦、魷魚、臘腸，仲有各式嘅配料: 肉鬆，腰果，雜豆，提子乾等，所以食落啖啖都有好多料，口感好豐富，整體炒得乾身，味道酸酸甜甜🍸泰式椰子刨冰 $38刨冰綿滑細緻，面頭有幾片椰子肉，口感綿密爽口，天氣炎熱飲返杯好消暑，解膩又解渴。🍸菠蘿梳打 $38

🧡🤍💛懶人最啱食嘅雞🐥一定係海南雞，因為無骨🤣啱啱睇完戲，諗住喺附近搵啲嘢食下😛原來6樓依度開咗間泰國菜，有船麵又有海南雞🥰價錢又唔貴，try try先！💛海南雞💛 半隻 $118第一啖係俾海南雞嘅🥰雖然係半隻，但都好夠食！因為好大碟😆啖啖肉！雞肉又嫩又滑，沾上少少醬汁，又有另一番風味🤤酸酸甜甜真係好開胃！💚泰北清邁雞髀咖喱湯麵💚 $88餐廳廚師都係泰國人，依度主打正宗泰式船麵，聽店員講湯底仲係每日鮮製😍咖哩香味撲鼻，食之前撈一撈，令每條麵條掛上濃濃咖喱！🍜依個咖喱質地偏濃稠，口感相對豐富！🍛咖喱濃香，辣度適中😚清邁雞髀肉質比較實，真係啖啖肉🍗食完有一定飽腹感！🧡燒豬頸肉🧡 $88即叫即燒，香味誘人！豬頸肉燒後嘅油脂肥而不膩，外皮仲有啲焦香🐽依個時候嚟返碗油飯，真係perfect啦！🤍椰子刨冰🤍 $38想飲到椰子香甜，可以揀走糖漿🥥味道清新解膩，刨冰口感順滑，大啖大啖飲落口仲透心涼添！🧉依間泰國菜嘅質素真係幾高，以尖沙咀地段再加上鬧市區嚟講，性價比真係冇得輸！😏份量大大份，服務又有效率🥰下次一定再嚟食！BTW記得save post，方便向店員查詢有關餐點啦❣️📍Boat Thai📍尖沙咀