鼎豐雞煲泰國菜 (已結業)

放工相約舊同事食飯，佢話之前行咗去位於太子嘅「鼎豐雞煲泰國菜」食晏覺得唔錯，所以呢晚帶我嚟試吓😃。餐廳環境唔錯，感覺乾淨衞生，而且餐枱闊落，客人坐得相當舒服。根據餐廳名稱所示，你唔難估到佢同時提供雞煲火鍋🍲同泰菜🇹🇭，不過老實講市面上無乜餐廳會咁做！喜出望外地，餐廳兩方面都整得好好食，而且份量非常多，性價比高。圖中嘅份量我認為四個人都夠食啊。泰國椰青雞煲($208/半隻)，餐廳主打雞煲，枱枱都有嗌咁濟，口味有多款選擇，包括招牌麻辣🌶、泰式香辣、滋補螺片花膠雞同椰青雞煲。我哋驚辣味會好強，加上想飲啖湯，就揀咗椰青。雞煲真材實料，嗌半隻都有一大碟🐔，而且部位完整，好多肉食，又無乜碎骨。椰青湯底清潤，見住店員親手開椰青再倒椰水落去🥥，味道天然，無添加味精，飲落好舒服，不過始終係雞湯，就避免唔到有少少油。泰式青檸燒牛肉($98)，🥩燒牛肉經常出現喺泰國菜式，但呢碟與別不同，因為牛肉燒至七成熟，並無燒乾或變嚡，相反肉質保持嫩滑，更帶有燒烤嘅香氣，肉味亦濃郁。牛肉可以沾伴旁嘅酸辣汁食，另外亦可吱青檸汁吊味🍋。但如果唔自己吱青檸嘅話，呢道菜其實係無乜青檸嘅元素。泰式豬頸肉炒通菜($98)，💚炒菜大大

放工和朋友歡聚，來到呢間位於企理雞煲泰國菜店。座位寬闊，沙發位舒服自在，分別有雞煲同泰國菜餐牌，清楚明暸。點左雞煲後，店員會推醬油車來俾客人調較醬油碟，醬油都擺得都幾企理，餐廳用上美觀藍色碗碟，筷子寫明公筷，更難得係廁所幾乾淨﹗泰國椰青雞煲 半隻$208 (半隻雞煲送肥牛，原隻雞煲送安格斯牛一碟，幾抵食):最特別係店員會幫忙將椰青水倒進雞湯，再刮椰青肉出來，倒雞落去，控制煮雞煲火侯，保持雞肉嫰滑口感。先飲一啖湯，真係好鮮味，入面有杞子粒同椰絲，味道自然，飲完都不會口渴！椰青肉煮到爽口，吸收雞湯咸鮮味，底下竹笙有不少，餐廳俾得幾豪氣！金菇$38:配菜份量比一邊火鍋店多，放入湯底索晒椰青雞湯精華~泰式明爐蒸烏頭王$240 檸汁：提供額外一碗湯俾我哋自己倒入去防止煮乾，烏頭肉質嫰滑，味道調較得清新開胃，白飯$14/油飯$18:好大一碗，可以叫一碗都足夠﹗推介油飯，薑黃香氣適中﹗凍柚子蜜 $26：香甜冰凍，最緊要好大一杯，兩個人飲一杯都好夠﹗