Boat Thai

營業中

休息中

泰耐冇食泰國嘢，今次喺尖沙咀附近，就見到呢間好評多嘅泰國餐廳。位於iSquare 6樓，地點10分方便！😍見到都好多人要等位大概等咗30分鐘先有得食😭廚師都係泰國人，整體食物都好好味，有喺泰國食嘅感覺🤩🤩價錢亦都唔貴！泰式船湯河（$78)船湯河大大碗，而且配料好豐富，有大量炸豬皮，牛肉牛丸，而且湯底好濃郁，河粉彈牙，好快就清晒啦😍😍泰式蟹肉炒飯（$88)炒到金黃色嘅炒飯，再鋪滿大量嘅白雪雪蟹肉，每啖飯都可以啖啖蟹肉，舔舔脷😋😋泰式燒豬頸肉（$78)豬頸肉燒得好香，見到每台人都會嗌一碟就知有幾好味啦🤩🤩泰式冬陰功湯（$98)冬陰功湯有大蝦同好多配料，而且辣味夠酸味足兩種互相配合，好快就飲晒一大碗泰式肉碎生菜包（$88)呢個生菜包有超級多肉碎，一塊生菜加大量肉碎，夠fresh而且有少少辣味， 10分開胃🤤泰式街頭椰子粟米雪糕（$58)呢個椰子雪糕第一次食，椰子加上花生個配搭好好味，花生會帶出椰子嘅香氣，但粟米就唔太突出😍😍☻味道：7/10☻環境：7/10☻服務：7/10☻價錢：7.5/10☻回頭率：70%☻人均消費：$300📍 Boat Thai（尖沙咀） 尖沙咀彌敦道63號iSquare

約咗朋友行尖沙咀,經過i square商場,見到有一間新開泰式船麵,海南雞餐廳,餐廳主打正宗泰式船麵,廚師全是泰國人主理,餐廳每日都採用新鮮海鮮製作湯底,確保每款食物都係真正泰式風味。泰式奶茶泰式奶茶夠滑,茶味濃。泰式春捲(3件)春捲炸到脆卜卜,內裏有木耳,蘿蔔絲粉絲和蔬菜,再配泰式辣醬,不肥膩脆口。香茅炸雞翼(4隻)雞翼炸到皮脆肉嫩,炸蒜頭粒鋪在雞翼面上,再配泰式辣醬更惹味。炸蝦餅(3件)蝦餅炸到金黃色脆面,蝦味濃郁爽口彈牙,再配泰式辣醬夠醒胃。泰式船湯河(牛肉片十牛丸十炸豬皮)湯底由廚師會日新鮮製作,味道濃郁鮮甜,河粉夠滑。泰式黃咖哩牛腩咖哩夠香濃,牛腩夠淋,份量都不少,仲配埋一碗白飯,性價比高。泰式冬陰功湯冬陰功湯夠酸,好有海鮮味,微辣,湯內有大蝦和菇類,這個湯好鮮甜。泰式蟹肉炒飯炒飯內除咗有蟹肉,仲有蛋碎,青豆,紅蘿蔔粒,青瓜和車厘茄,飯粒分明夠乾身,口感豐富。泰式青木瓜沙律沙律木青瓜好夠酸,辛辣,花生好香口,越食越好味。泰式街頭椰子粟米雪糕食完呢個雪糕甜品,好似自己置身於泰國街頭食緊椰子粟米雪糕。

尖沙咀Isquare新開咗一間主打正宗泰式船麵餐廳，價錢公道性價比高，廚師全是泰國人主理，餐廳食物湯底每日都採用新鮮海鮮製作，能保證每款食物都是正宗泰式風味。服務員招乎有禮，上菜速度又快，至啱香港人的服務。泰式船湯河(牛肉片＋牛丸＋炸豬皮) $78泰式船湯河係餐廳招牌菜之一，河粉幼滑，牛肉鮮甜，長長曲曲豬皮夠煙韌彈牙重豬味，湯底夠入味。泰式冬陰功湯 $98鮮橙色的冬陰功湯上桌非常鮮艷，材料充足有多款菇菌類，還有隻大蝦。湯底夠鮮甜，小辣夠酸，飲落非常醒胃。泰式黃咖哩牛腩 $88咖哩牛腩配埋一碗大白飯，香濃嘅咖哩牛腩夠淋，咖哩香而不太辣，薯仔亦入晒咖哩味。泰式青木瓜沙律 $78沙律有木瓜絲、紅蘿蔔絲、紅椒絲、花生、薄荷葉和車厘茄，沙律酸辣酸辣挺開胃。泰式蟹肉炒飯 $88炒飯份量多，飯內有蟹肉、車厘茄、青豆、紅蘿蔔粒、青瓜和蛋碎等等，炒飯飯粒炒得夠乾身。炸蝦餅(3件) $58炸蝦餅分成六件，配泰式辣汁，外炸皮脆，內蝦肉滑彈牙。泰式春卷(3件) $48春卷分成六件上桌，炸到皮脆香口，配有泰式辣汁，春卷內有蘿蔔絲、木耳和鮮菜。香茅炸雞翼(4隻) $48雞翼香茅味夠曬香，仲有炸蒜粒係雞翼面上，雞翼

尖沙嘴isquare最近開左間新泰菜餐廳餐廳係由一班泰國人負責烹調係門口等位入座見到佢地係廚房聽住歌好開心咁邊唱邊工作配襯埋木系園林裝修依份熱情真係要去曼谷先見到而且食物價錢對比同區泰菜都唔貴 佢地嘅咖哩味道非常出色我就點左黃咖哩牛腩加白飯味道好輕微嘅辣度咖哩香味都好勁個汁好撈飯而且牛腩都唔少又大粒 肉質無中式煮法咁入味同軟身不過依個黃咖哩真係好好味而招牌海南雞飯都唔錯 雞肉好嫩口又無骨唔肥份量絕對唔會少 都接近半份雞驚喜嘅佢嘅湯味道係蘿蔔嘅清甜油飯略為較硬身冬陰功湯嘅酸辣度都好夠湯入面嘅大蝦同菇等等另外再點左份泰式春卷新鮮炸起好脆卜卜飲品見到佢地有杯泰式椰子刨冰有推介白雪雪面頭仲有幾片椰肉口感都飲沙冰 好香甜椰奶味另外仲有菠蘿味