Lemongrass (已結業)

星期六的晚上喺奧海城行到攰攰哋，諗緊會唔會去附近食嘢但出面天氣又唔係咁好落緊雨，行經呢間餐廳又一直都未去過所以就本著試一試的心態去食過early dinner。入座時候只係六點零鐘人流不多，好多檯可以揀， 睇咗陣餐牌就點咗二人晚餐 ，好老實講呢間餐廳就真係唔係太多嘢可以寫，佢嘅嘢食樣樣都係不過不失，沒有特別好吃，亦都沒有特別難吃。呢個豬頸肉青木瓜沙律嚟講呢啲豬頸肉燒得可以，青木瓜絲分量足，酸汁正路冇驚喜， 整體味道不過不失。之後到呢個泰式海南雞雞，雞本身就係雪藏貨啦呢點就毫無置疑，都唔會有太大期望，而實際上當然就是沒有雞味的冰鮮雞， 雞本身只有雪藏味就當然要用碟上的醬汁去掩蓋一下，整體來說不吃也罷。大蝦炒金邊粉上枱睇落幾靚，但都係金玉其外，大蝦是沒有蝦味的上面淋上滿滿的泰式辣醬， 金邊粉炒得過淋，味道偏甜，蛋漿的網面看上去很漂亮但食落去乾爭爭， 影相打卡就可以但食就真係免啦。最後呢杯士多啤梨奶昔是全晚的大伏，就是用士多啤梨雪糕加冰塊打碎， 個雪糕就是用類似牛奶公司的士多啤梨雪糕去打成，不予置評了，有興趣試伏的就自己去試試吧。總括嚟講，如果沒有其他地方可以選擇的話，呢間餐廳是可以一試，但

今日星期一想食餐好，同事V小姐提議奧海二期檸檬草，朕最專重女仕點話點好。一坐低，待應就溫馨提示唔好叫燒春雞，話要等好耐。正所謂「飯係自己揀，遲黎唔好喊！」唔叫燒春雞都得，朕要叫番無骨海南雞補數。V小姐叫左Pad Thai(金邊粉）。2位A先生無獨有偶叫左海鮮喇沙。先講朕的招牌海南雞，部位有胸有脾凑合而成，可以一鋪過試到唔同部位。脾夠嫩滑唔在講，胸厚肉唔鞋有雞味，抵贊！用兩片青瓜毯底我真係接受到喎。油飯唔會太油膩，秘制黑豉油加小辣醬汁好惹味。V小姐的泰式大蝦金邊粉（Pad Thai）做法頗為地道，香料目測有香矛、金不換、配以花生碎同碟邊放上一茶匙沙糖，加上炸鮮紅大蝦同橙紅色的金邊粉，就算品嚐唔到都已經俾到觀能上的刺激!至於2位A先生每次都指定食的馬來摻摻喇沙水準以上，湯底有濃烈的椰香，釣起海蝦同墨魚圈的鮮味，令人一試難忘兼夾食過返尋味，難怪兩位同事都面獨孤一味啦。