Cambo ขุนทอง (The ONE)

營業中

休息中

🔸泰式青咖喱軟殼蟹鍋配印度薄餅($96)分數: (7.8/10)軟殼蟹另上，炸得好香脆，食先至點咖喱唔會浸冧哂。青咖喱少少辣，甜甜地，點薄餅食好開胃入面仲有豆，茄子薯仔。唔夠喉，我地仲(+$15)嗌多個白飯添。.🔸去骨海南雞飯($72)分數: (7.6/10)海南雞多肉，幾滑，配埋個辣汁餸飯一流。油飯唔係話好濃味，幾乾身，粒粒分明。湯較濃味，有冬瓜，蒜，芫茜。.🔸泰式炒椰菜苗($66)分數: (7.8/10)通常泰式餐廳先有椰菜苗。味道香口惹味，但我唔覺得有辣。.🔸香芒糯米飯($55)分數: (7.8/10)芒果好甜，糯米飯好煙韌，白糯米較黏身，紫米則較有咬口。

好耐無食呢間泰菜，好味又性價比高，今期推出左青咖哩軟殼蟹，起初都怕浸到唔脆，點知見人地上菜時，係分開上，即入去食。不過都幾多人，要排一陣，我地大約等15分鐘就可以入座。炸蝦餅 $68有四塊，即點即炸好夠熱辣辣。外皮炸得酥脆香口，蝦餅很厚身食落啖啖肉，十分彈牙多肉汁，沾酸甜醬更滋味。主角泰式青咖哩軟殼蟹 配法包 $96，幾乎每枱都點呢個青咖哩，一來新品，二來用火熱住可慢慢食都唔怕變凍。青咖哩香中帶微微辣，食出有香料味但唔太重，加了椰奶味道比較溫和易接受，配法包/飯都超正。貼心安排的另上軟殼蟹。法包份量都算多，切成4份烘得又脆又夠熱。軟殼蟹炸的鬆脆，同時更能吸咖哩汁，蟹肉飽滿，味道好好。法包亦係沾咖哩汁會食唔停口，很香很惹味。另外我地點多入印式薄餅 $25，只有一塊份量較少。雖然都係配咖哩食，而且味道口感更夾，但薄餅再酥香再油潤更好。泰式炒椰菜苗 $66，非常有泰菜風味，辣度剛好有鑊氣，椰菜苗好爽口，份量多性價比高。香芒糯米飯 $55，亦係抵食又好味，芒果超大又甜又多汁，仲有果香。椰漿糯米飯好香軟綿糯，紫米較有咬口更煙韌。兩款我都喜歡，配芒果亦很美味。

朋友喺美國住得太耐難得返香港一次，但佢竟然話想食泰國菜🤨好啦咁就搵間裝修靚嘅坐得舒服嘅泰式餐廳聚一聚啦。我之前食過一次，印象就一般般，但就勝在地點方便，而且坐得舒服。餓底點菜，當然就兩個人嗌咗三人份量。啲蝦夠爽口，調味足夠，夠晒辣，過足癮👍🏻就咁睇以為得7隻，原來中間仲堆埋左兩三隻👍🏻👍🏻生菜包就一般，而且份量唔算多。椰菜苗，味道夠而且算新鮮，但有啲硬。見佢哋推介個青咖喱軟殼蟹煲$98就試吓啦。一上枱就已經聞到都好香嘅咖喱味😋😋軟殼蟹同啲薯仔炸到好香，外皮夠脆口，就咁食都已經好好味，當然可以點青咖喱食啦，好夾好正。跟埋個法麵用黎點咖喱汁食一流😋好罪惡😈好想叫碗白飯撈晒啲咖喱食😂追加左個芒果糯米飯做甜品，芒果唔酸好甜，而且糯米好香，又軟又煙韌，好味👍🏻👍🏻👥服務方便：唔錯，好樂意幫我地影合照，而且可以慢慢傾計唔會俾人催埋單👍🏻朋友食得開心之餘，我都食得好滿足。因為其實我係一個泰國迷，雖然係餐廳食冇泰國街頭咁有風味，但都可以頂一頂癮先👍🏻👍🏻

約咗妹子放工去尖東聽健康講座，醫咗肚先至去，唔知食咩好，妹子上網搵咗間响THE ONE嘅泰菜，好耐無食家鄉菜嘞，一於就食佢啦！去到時間尚早，唔駛等直接入坐2個人食少少嘢就夠，叫咗個大蜆鍋、椰菜苗，再加個去骨海南雞飯。食泰國嘢蔬菜鍾意叫椰菜苗，好少會叫平常也吃到的通菜。泰式炒椰菜苗顏色不錯，熱騰騰香味吸引，椰菜苗咬落有質感，似用豆醬加蝦米炒，比馬拉盞炒的低調些，份量唔算多，OK。去骨海南雞飯份量同樣精緻，雞肉無骨唔鞋，味道適中不錯，油飯香噴噴幾好，整體合格，可以一解鄉愁。泰式明爐大蜆鍋聽個名已聯想到常見的明爐魚鍋，不過佢唔係用魚形碟而係瓦煲，一上枱就聞到陣陣開胃的酸味，6隻大蜆圍在煲邊，中間塞滿蔥、芹、薑絲、香茅、肉碎、洋蔥和酸菜.....大蜆是花甲皇吧，成隻匙羹咁大隻，鮮甜美味肥啲更好，好味!

好耐沒食泰國菜了，好懷念那種獨特的味道，一於今晚就去食泰菜啦！為了方便就腳，就選了呢間係The One但又未食過的Cambo開餐啦！可能時間仲有啲早，所以暫時唔係咁多人，好快就有位了！今次點了泰式青咖哩軟殼蟹鍋配法包，細的泰式拼盆及泰式炒椰菜苗，坐左一陣超快就上菜了。先上細的泰式拼盆，份量兩個人食剛剛好，有口感香脆的鳳尾蝦春卷，香口美味又彈牙的泰式炸蝦餅，香辣惹味的泰式炸魚餅及夠晒入味的香葉包雞，可以一次過食咁多款小食都不錯！而這個是泰式炒椰菜苗，聞落香香辣辣，食落十分惹味，椰菜苗好爽口夠晒入味，好泰式風味！最後係泰式青咖哩軟殼蟹鍋配法包，青咖哩、軟殼蟹同法包係分開上，要食軟殼蟹同法包的時候先淋咖哩汁。青咖哩味道好濃含椰香味，食落味道辣辣地，好惹味，如果撈飯食感覺會好正，而且咖哩裏面還放了很多蔬菜一齊煮。個青咖哩仲會用小爐熱住，好貼心，唔怕啲咖哩凍晒沒咁好食！而主角軟殼蟹就炸得好鬆脆可口，點埋咖哩汁食好夾。不得不提呢個法包，外香脆內軟熟，索埋啲咖哩汁一齊食，好好食，真係估佢唔到！最後飲品叫了咸檸七喜同菠蘿七喜。咸檸七喜味道咸咸地帶酸甜味，而菠蘿七喜就酸酸甜甜，兩個都咁開胃！

今次係第二次黎Combo食飯, 可能上次同朋友食完覺得好食, 一直都好想帶大少黎試下, 因為對佢嘅菜式念念不忘, 食過番尋味呀！我地一早就訂左檯, 不過可能都係晚飯時間, 我地都響門口等左大約5分鐘, 不過一邊等一邊睇餐牌, 好快就安排我地入座Lu街外又焗又熱, 好在一坐低,店員已為我們端上2杯水解解渴。先點了飲品: 菠蘿梳打 + 3色冰梳打是用上泰國的牌子, 好夠氣3色冰方面,大少覺得好飲喎點完菜大約10分鐘, 生蝦刺身黎啦！我太愛生蝦啦！！！但美中不足係我比較喜歡點生蝦嘅汁係另上, 偏偏今次佢地倒曬落去先上檯之後上嘅係另一小食推介: 醬爆蝦丸餐牌上有2粒同4粒選擇, 我就揀左2粒蝦膠打得好彈牙, 好有咬口入面包住左蝦膏, 但今次蝦膏不及上次多上檯時真係好熱, 小心燙咀喔！唔係間間餐廳有椰菜苗, 雖然味道平平,還是點了,一解心癮。大少見到人地隆重推介, 就指明話要食呢個青咖喱軟殼蟹鍋可惜嘅係青咖喱依然好稀, 如果麵包有得選擇, 我會prefer蒜蓉包! 不過佢只有法包。。。。有男人, 就當然要有飯啦！呢個菠蘿焗飯,份量好大, 兩個人食都覺得多左少少勝在蝦肉同菠蘿粒都係新鮮嘅, 但私心

食泰菜?!第一時間就諗到會去九龍城, 基本上條條街都有泰國菜, 選揀勁多可是....算得上有水準, 有口啤我會即刻想到有幾個名黃珍珍, 金寶同隆姐不過每次去親九龍城都塞車人多, 好多時都要等候入座其實去尖沙咀The One 的Cambo我覺得坐得更舒適舒服此店都是金寶同一集團呢~習慣早少少吃夜飯, 唔使同人迫, 又唔使點等位當日6:30PM, 即刻有得入座未入座前門口已擺置"本店推介"的大MENU, 很吸引門口也有MENU, 睇過o岩食先入座樓底高, 而且裝潢感覺新潮座位比九龍城店更闊落, 坐得更舒適可能太耐無食泰菜的關係, 又眼闊肚窄兩個人竟然點了5道菜先有前菜: 泰式酸辣鳳爪 HK$54老實說, 侍應送上的一刻, 我同男友都覺得份量頗細份只夠2-3人吃, 配料多過主角還好鳳爪造得很入味, 也非常之夠辣叮囑: 怕辣的朋友不要吃呢~第二道: 泰式少椰菜苗 HK$59都是2人份量吧, 有點少椰菜苗很有咬口, 但沒有渣的通常只有泰國菜先吃得到這個雖然會看到鮮紅色的辣椒, 但不辣的來金寶, 醬爆蝦丸必點是常識吧! HK$47/2粒很記得多年前已流行吃金寶的醬爆蝦丸大大粒, 炸到金黃色, 上檯