船皇 (謝斐道) (已結業)

係泰國出哂名既船麵，主打豬/牛/雞船麵，有大/細碗，自己揀蛋麵/闊河粉/米粉/金邊粉，而且自選辣度，全部配搭都好free。環境亦舒服，侍應即叫即落order，快手。叫左船皇湯蛋麵($58)，雞絲雞翼撈金邊粉($48)，泰式炸春卷3件($22)，串燒沙嗲豬肉($22)，泰式龍眼冰(跟餐$15)，熱柚子蜜糖茶(跟餐$15)。船皇包括所有餐廳提供既豬牛雞配料，湯底用左牛骨煮，所以個湯深啡色，超香。炸豬皮脆卜卜，雞翼醃製後入味，雞絲亦唔‘鞋’口。牛腩食完唔會痴牙，炆得夠‘冧’。蛋麵彈牙，份量亦多。而撈麵既醬汁，調味剛好，唔會過鹹，金邊粉吸哂d醬汁，撈麵惹味。而且麵條唔會煮到‘冧’哂，亦冇痴埋一舊，good。雞翼2隻，調味一樣夠，雞絲量都足。炸春卷脆口，內餡係蔬菜配蝦，餡料結實起膠狀咁，唔會咬完之後d餡跌哂出黎。仲好甜心每件切開一半，所以有6小件。沙嗲豬肉燒完有d焦脆，覺得調味唔夠既話，可以加d醬，就會豐富好多。飲品方面，最大特色係凍飲會用碗裝飲品，而且非常凍，最岩夏天消暑。龍眼冰除左清甜之外，仲有6粒左右既龍眼肉，每粒都好甜好食，食完好清爽。而柚子蜜糖茶就養生，杯底好多柚子。整體，想咩款都食到

最近香港多咗一股泰國勢力，風頭甚至蓋過台灣過江龍。繼上次ChaTraMue，今次我同朋友去咗位於銅鑼灣嘅船皇。橙色嘅牆身掛上一排船夫帽，一切呈現正宗泰國風味，令我恍如置身泰國小店。我自己超鍾意船皇嘅泰式奶茶，甚至覺得好飲過ChaTraMue。（純過人感受，不喜勿插）一來用碗飲，二來無冰，而且茶味特別醇香，逐層散發出嚟，甜度亦適中。我同朋友不約而同叫咗船皇湯麵，唔同嘅係我叫咗蛋麵，而朋友叫左河粉。餐廳仲有兩種麵底選擇，包括金邊粉同米粉。船皇採用嘅河粉比香港一般河粉更粗闊，口感照舊爽滑。至於蛋麵口感同鹼水麵大同小異，不過蛋味更香，同時更易咀嚼。至於湯方面，顏色非常濃，香而不太辣，絕對可以飲埋個湯底。從下圖可以見到材料非常豐富，有牛腩、肥牛、雞絲、雞翼、豬肉、肉丸、豬潤同炸豬皮。其中炸豬皮最我印象深刻，外皮酥脆無豬既腥味。滷水雞翼非常入味，其他配料亦不錯。另外我哋亦叫咗兩款泰式串燒。泰式牛肉丸子雖然比較細粒，但非常彈牙，牛味出色。沙嗲雞肉非常惹味，而且肉質嫩滑。食完串燒同船麵都唔夠喉，最後叫埋泰式炸春卷。足料之外，皮亦香脆。呢間泰國過江龍絕對名副其實，我已經愛上左餐廳嘅泰式奶茶同炸豬皮相信餐

泰式船河唔係間間泰菜都有提供。 經過銅鑼灣近世貿中心這間專門食船河， 非常吸引，價錢唔貴一於入去試吓。餐牌主要分湯河，撈麵或者小食。留意到細碗份量只係賣十二蚊！？ 雖然只係mini size, 可以試多幾款都幾過癮！豬肉，豬肉丸，豬潤湯麵（細碗）$12試吓個湯底， 非常濃郁 但唔會太重味和鹹， 豬肉丸爽彈，豬肉片有肉味，，雖然得兩啖，啱啱好再試另一碗！雞絲，雞翼撈麵（ 細碗 ）$12撈麵嘅汁偏甜， 可能唔走辣會比較惹味。 米粉夠幼細， 雞絲經過調味，極滋味。牛腩牛肉片牛丸湯麵（細碗）$12湯底係一樣， 牛腩煮到超入味， 又夠腍。 牛丸彈牙， 少食更加滋味！船皇湯河$58冇細碗選擇， 材料極為豐富。 剛才細碗粉麵裏嘅材料全部都出現一次。 脆脆嘅豬皮增加口感。成個湯嘅味道靈魂所在係中間爆香嘅 蒜汁， 味道比蒜蓉更加濃烈， 非常重口味， 試過就知道 佢哋霸氣。 揀了這款河粉， 好厚好粗好闊， 咬落爽口夠滑， 味道和口感都唔錯。熱辣辣即叫即炸， 每一件切開嘅春捲都有蝦肉， 夠足料！ 春卷皮夠酥脆， 配合美味餡料食唔停口！ 非常推介。泰仔奶茶（ 跟餐 $18）招牌嘅冰碗奶茶 ，完全冇冰， 隻碗雪

泰國菜在我印象之中都是不便宜的，在銅鑼灣逛街的時候偶然被她的橙色招牌吸引住了，細看一下是泰國美食，不用等位之餘價錢也不算太貴，就覺得入去試一下先。坐下來細看餐牌，原來主打的是泰式粉面，哈哈，一直只知道金邊粉，還不知道原來還有這麼多的泰式粉面的種類。· 首先，落單的時候客人可以在四款麵中選擇一類先，我的首選當然就是蛋麵，選好之後不要忘記還是可以根據個人喜好選擇辣度的喔— 大辣，中辣，小辣 ，走辣。 首選的肯定是店舖推薦的招牌菜— 船皇湯麵， 賣相非常吸引，仲有很多不同的餸，有牛肉，豬肉，豬肉丸，雞絲以及雞翼等，其次湯底亦非常的特別以及濃郁，可以感覺到店家很有心思去熬製這個湯底，絕對不是外面只使用很多香料的湯底，吃完之後嘴上都還留有餘味，這58塊錢但是吃到飽肚的價錢，真真值得。 其次我就選擇我的最愛牛肉牛腩撈面，依舊選擇我跟朋友情有獨鍾的蛋麵，再加上小辣，味道濃郁的來又不會太乾身，免除了我選擇吃撈面一直以來的擔憂。員工還非常貼心的提示我們，一定要耐心攪拌均勻之後再吃，其中的牛腩非常讓人流連，軟身的來又不會讓人覺得油膩，而且烹煮的十分入味，牛肉丸也非常爽口，這個真的非常適合牛肉愛好者。最後點