Orange Elephant Thai Restaurant (啟德道)

營業中

休息中

想食泰國菜梗係要去九龍城啦！見到朋友介紹有$1菜式優惠咁抵，就帶屋企人去試吓！一入到去感覺唔會逼，坐得都好舒服，唔會人貼人。 啲服務員都nice，坐低好快有人嚟serve，上菜速度都快。食泰國嘢飲椰青，係定劣嚟㗎嘛！ 大大隻，勁甜又爆汁，正！真係估唔到！$1 嘅魚size 都咁大，佢仲有跟個醬汁，少少辣幾好味👍🏼蝦餅份量都唔少，彈牙香脆，值得推薦😋咖喱唔係辣嗰種，入面有青口、魚、蝦等等，用個包點啲咖喱啱晒！總括嚟講，菜式份量夠足，性價比極這，服務質素都好，會再去😆

<跟女朋友吃飯系列•四十>跟女朋友在附近打完羽毛球，又想起九龍城是泰國美食集中地，就一定要在這兒嚐一嚐泰國菜，見openrice這麼多好評，想必有一番個人之處，但吃後，卻不過如此。餐廳位置餐廳位於九龍城泰國街附近，附近雖然沒有地鐵直達，但也有不同路線往返港九各區，尚算方便。餐廳內外門外招牌十分吸引，與附近鋪頭的風格格外不同。內𥚃風格還不錯。餐牌方面設計十分粗糙，但還好，價錢十分相宜，難怪吸引了不少人星期六日來吃午飯。食物方面點了兩套午餐，1）海南雞飯；2）干咖喱海鮮飯，再加配 沙律+魚餅。一直不敢試干咖哩海鮮飯，不知道干咖哩是什麼味道，但吃下還好，海鮮也有不少，算是性價比高。去骨鳳爪，只想起愛回家的鐘志光。沙律也很好，很大碟，作為配菜也十分出色。蝦餅是我最滿意的，炸得十分適中，沒有過火，值得一試再試。但海南雞飯令我最失望，不單害我女朋友要等60分鐘，且只有兩種醬汁，與正式的海南雞飯還有一大段距離，不好吃！服務態度不斷追單但效果不顯，可想而知我會給予一個什麼分數！還有甜品，也算十分好，但很黏牙，很像中國的桂花糕。不知道坐落於海港城的藍象跟此店是否有關聯呢？這個冒牌貨，跟正

上星期五，為咗補祝媽媽生日，豬太郎同屋企人一齊去咗九龍城食泰國菜，揀咗呢間企企理理、價錢又唔貴嘅Orange elephant，而家仲有$1小食，日日唔同㗎！.#冬陰公湯 $82打頭陣有豬太郎最鍾意嘅冬陰公湯，有兩個份量，細份量嘅啱啱好一人一碗，酸酸辣辣好開胃，仲人人都有蝦食𠻹！.#蛋網海鮮金邊粉 $82家姐最愛嘅金邊粉，有蛋網包住成個麵，用叉劃過蛋面，包住熱辣辣嘅金邊粉，香味十足，唔會炒得太濕，甜度適中。.#青檸辣椒明爐烏頭魚 $162鍾意食海鮮嘅我哋又點可以唔嗌返條魚呢！青檸同辣椒鋪滿整條鳥頭魚，魚肉唔會唔會太鹹，一邊夾白雪雪嘅魚肉， 一邊點返佢嘅湯汁，味道啱啱好。.#焗紅咖喱海鮮 $142紅咖哩唔夠辣，有少少失望嘅，呢度嘅海鮮炸完再放入咖哩，令到個漿好杰身，不過料就好足喇，有蝦、魚、魷魚同青口。.#泰式炸蝦餅 $1點可以唔介紹當日嘅一蚊小食，由星期一至日都有好抵食㗎！炸蝦餅同平時份量一樣，外面香脆、蝦肉爽口彈牙！非常滿意。.#特選椰青 $38#芒果冰特飲 $34我哋仲嗌咗椰青同埋芒果冰，椰青勁清甜，仲有嫩滑嘅椰子肉；而芒果冰，滿杯！仲要係綿綿沙冰，同家姐兩個人share都得啊！

踢波⚽原因，黎九龍城開飯真係無數次，但一條佬，食乜好，真係無乜好揀🙄 今日突然好想吔蝦餅🦐 就住泊車位置，貢咗入去橙色的大象，Orange Elephant🐘🐘經過九龍城店大角咀店好多次，今日一支公黎到，入門已經見到裝修好精緻🤩 同其他泰菜店唔同Menu 用上神秘既深藍，同泰國呢個神秘國度 （曼谷吞噬你，Bangkok has his now! 唔知出處去hangover下)蝦餅係入黎前已經揀咗，又回想蛋包飯🍚🍳係細個常食，仲有個三色冰三色冰上黎成杯白雪雪，每次都有個難題，點樣可以成功了開啲冰❄️ 黎食下面啲肉，條飲管唔夠闊，又要唔搞跌冰，同你玩竹纖係一樣咁難，成功了起一紅一綠🚥，咬落去😬喂，咁有誠意？個心係爽脆架喎，唔係平時林滋滋喎😯😯 椰香濃厚就更唔駛講🥥蝦餅到喇🤤🤤，一碟3舊6階😗😗，呢啲標準嘢食，係睇到你有無用心處理，上枱係仲熱到出煙，個汁同餅都整齊放，仲要有襯底👍👍 好開心咬到第二階時蛋包飯上台，好似澳洲個大舊石 (Ayres rock) 咁，平滑既表面包得靚靚，唔太捨得切開🥰 打後驚喜黎，入面海鮮炒飯超足料，魚塊🐟，青口🐚，魷魚🦑，蝦🦐，仲要個溫度保持到😯 炒飯仲要好均勻😘兩

又來到 Happy Friday，今天和朋友去了九龍城，當然是吃出名的泰菜，第一次吃Orange elephant，餐廳有種強烈的味道。泰式炸蝦餅（3件），今天星期五，加$1 就有炸蝦餅，就試一試，炸得很鬆脆，沾上雞醬味道更佳。蛋包海鮮炒飯 $92， 炒飯底味道好，海鮮有蝦、魷魚、魚和青口，不過蛋沒蛋香。焗大蝦粉絲煲（2隻）$152，粉絲份量超多，而且很爽身，不會太多醬。蝦很大隻，不算太新鮮。特選椰青 $38 ，清甜，還可吃椰青肉。龍眼茶$25，有很多龍眼肉，甜度適中。

又係九龍城搵食系列喇!!!雖然我成日落九龍城開飯, 食嚟食去都係嗰幾間, 不過偶然都想試新野, 一落巴士...就比佢個招牌吸引了 - 橙色大笨象 Orange 🍊 Elephant 🐘 。生蝦刺身 (6隻) - $90生蝦Present得好似開Party的Shrimp Cocktail👍🏻, 辣椒 & 蒜片都放晒入杯內🙌🏻, 生蝦夠大隻, 有新鮮彈牙的口感, 最重要係好鮮甜焗大蝦粉絲煲 - $152蝦兩大隻...比虎蝦還要大得多, 蝦肉彈牙, 粉絲唔會腍亦無碎濕濕, 將砂鍋內的醬汁, 大蝦的的精華完全吸盡, 上檯時香噴噴, 流晒口水呀! 泰式炸蝦餅是日的$1推廣菜式, 所以好抵食, 唔叫唔得系列呀!!! 蝦餅炸得乾身夠脆, 質感實淨彈牙, 唔會鬆泡泡, 咬開清楚見到蝦肉, 蘸上蜜糖甜甜地好味

Happy Friday約左三個朋友食飯心靈相通大家都想食泰菜 於是就揀左地點係九龍城呢個泰菜天堂本來打電話想訂枱個職員回覆星期五7：30pm不接受訂枱甘唯有walk in啦 我地八點左右到達前面都有張四人枱等緊好好彩人地可能吾想等所以走左…甘我地就好好彩等左十分鐘左右就入得啦望住個餐牌可能太肚餓既關係 樣樣都好吸引好想食最後我地四個人叫左八個餸食泰菜每次都必叫的冬蔭公我地叫左個細既 夠四人食 每人都有碗半好足料 好夠味 yum yum 青木瓜沙律好爽口 微辣 酸酸甜甜好開胃！好推介！雜錦串燒(豬牛雞各兩串)份量都ok 配個沙嗲花生醬食好惹味不過略嫌不太熱 如果熱啲仲正炭燒豬頸肉吾乾 都幾juicy 點埋個汁好好食同埋份量都幾多下原隻魷魚筒 呢個有點失望首先味道略淡 同汁同豬頸肉個汁係一樣既同埋呢碟魷魚要$98 但好細隻個人覺得呢個一般 下次可以吾叫因為係Happy Friday星期五$1特價菜式係炸蝦餅有六舊 岩岩炸起好香口好好食啖啖蝦肉又彈牙 配埋個甜酸醬 very good炒金邊粉又係我食泰菜必叫item好中意酸酸味味既味道 諗起又流緊口水呢個金邊粉整體來講都合格夠味 啲汁可以包

轉眼間就又到左星期五，放工後就當然要happy吓！約左朋友去九龍城見面吹水食泰菜，係網上搵左一陣就見到呢間我地未食過既泰國菜，於是今晚就食呢間喇！門口仲有個推廣優惠宣傳，每日都有唔同特別特價，今日係特價炸蝦餅，超正喔！！！！坐低後就叫左咸檸7同龍眼冰飲先，順吓氣，濕濕個口龍眼冰唔係好甜又大杯，都唔錯！咸檸7就無咩特別，同平時飲既差唔多~識食就梗要食今日既$ 1特價泰式炸蝦餅，有成6件都唔少，炸得香口，啖啖都充滿蝦肉香，點上酸酸甜甜的醬汁食就倍感好食到核爆！另外仲叫左個咖哩海鮮脆包盅，主要都係見隔離枱叫左好似幾好食，於是又跟隊叫左，咖哩汁好多，好香有少少辣，海鮮都唔少，有蝦有蜆有青口，煮得入味亦鮮甜，拉開麵包點咖哩汁食就更是正，唔怪得有咁多枱都叫黎食，好彩我都無執輸叫左黎食

唔知點解最近出街食飯成日都打邊爐食到我都已經厭，係我熱烈的抗議下，今晚終於轉食泰菜係車上諗左一陣後，BB就話食泰國野就梗係要去九龍城，於是我地就係網上搵左一陣後，就開車去左這餐廳，入內後感覺都幾光猛舒服，坐下安頓後，更發現原來每日都會有一款$ 1菜式，都真係幾抵是日的$ 1特價菜就是泰式炸蝦餅，咁平就定要食喇~到枱後個樣都好OK，有成6件，蝦肉彈牙又鮮甜，且更炸得十分香口，真係超好食！就算俾正價食都覺得OK為了就怕辣既女朋友，所以在半就半迫之下就叫了椰汁青咖哩雞同薄餅，細味下椰香濃郁，口感滑溜，雞件嫩滑，香料適中，廚師煮得十分好！薄餅則熱辣的同時更脆卜卜，淨食都覺得好好食，我們就用了來點咖哩汁食，超級好食，係令人愈食愈想食，堅正！我就叫條香料燒焗鰂魚，單係個樣已經爆得！魚肉好嫩滑，微咸得宜，皮則炸得似炸魚皮，點埋餐廳既特製醬汁食就更是正啊超鍾意飲椰青的女朋友更叫左2個椰青，我都飲左佢半個，好清甜潤喉，唔怪得佢叫完一個又一個

九龍城出名食泰國野，本人耐唔耐都會走黎食下野，今次揀既係開左無耐既Orange Elephant。餐廳正推出每日優惠，星期一至日都會有1款小食以$1 提供，星期一就有泰式明爐烏頭魚；星期二係泰式香茅炸豬扒；星期三係酸辣去骨鳳爪沙律；星期四係椰汁冰；星期五係泰式炸蝦餅；星期六係細支裝啤酒；而星期日就係飛天通菜。椰青+芒果冰特飲:飲品款式好多，包括傳統泰式珍多冰，椰汁冰，三色冰，龍眼冰之類。我地今次叫左既係椰青同芒果冰特飲，椰青水味道清甜解喝而且肉多厚厚，食辣時起左解辣作用。至於芒果冰特飲，芒果味好濃好解喝，相當唔錯。馬拉盞炒通菜: 通菜合時無根，炒煮時火候剛剛好，軟硬適中，馬拉盞味香，咸味無過火。泰式炸蝦餅: 炸蝦餅係我最欣賞既小食，一碟總共有六件，炸得剛剛好，外層金黃夠脆，入口爽口彈牙，口感十足，鮮蝦味道夠重，再配埋D泰式辣醬食，真係好好味。泰式燒雞 (半):燒雞用左秘製泰式香料醃製而成，燒得非常香口，雞皮都好香脆，雞肉都好嫩滑。咖喱海鮮脆包盅: 呢個脆包盅有D似農夫包，麵包烘得非常鬆脆，外脆內軟，個包裡面就放滿左唔同既海鮮，有斑腩，，青口，魚柳，魷魚等等，再淋上了大量既黃咖喱汁，汁既

象的泰文CHANG，讀音叫<橙～＞。當時在泰國之旅，參拜曼谷四面佛後，計劃向大象神出發（聽講這是財富之神！）。誰知迷路了，唯有詢問途人。又不懂象神的泰文，只好說聲＜橙～＞，途人就指著＜橙～＞的方向了。學一兩句當地語言，旅行時很有用。今天就應友人之約，來到九龍城晚膳。來得九龍城，就預左食泰國菜。這泰國餐廳叫橙色大象，識泰文，就會明白為何叫Orange Elephant！CHANG＞橙＞Orange！估計這是泰國人開設的餐廳。而餐廳每日特價才是最吸引朋友呢！1蚊1款食物天天不同款式今天就是炸蝦餅！一般泰國餐廳炸蝦餅小食，都要五六十蚊一份。現在只需1蚊！真係1蚊！好超值！中菜集團經常推出一蚊雞，一蚊咩，一蚊物吸引消費者。現在泰菜都有了！吾等老饕有口福了！難怪朋友選擇這家。 泰式炸蝦餅　 只需一蚊，3件蝦餅對半開，共六件。　熱辣辣上枱，是正常蝦餅的爽口質感，配甜酸醬。甜酸醬少少似燒鵝果款醬呢！間中來一口伴碟酸瓜酸蘿蔔過一過口。 咖哩海鮮脆包盅 今晚不想要白飯，但又要有少少澱粉質落肚，一於點這個，食埋個包包盅，2人份量剛剛好。脆包盅很快來到了！中間有咖哩及海鮮：青口，蝦，魷魚，魚柳。麵包